素食日

話咁快又到咗農曆七月初一、这個月係鬼節、網上叫人不要吃雞蛋同豆腐、唔知点解、但我今朝一早巳吃了蛋白治啦。

今日中午要同太后去扮靚、順便同佢去>紫來坊<食素午餐、这間素食館d食物不錯、雖然貴了些。

晚餐就預先煮咗碟芋头素腐皮卷、先炸後蒸、都唔差。

看破

昨天從fb中看到以下这两段文字、正正能發映現時内心的感覺、因為。。。。人老咗、眼晴濛了、但心眼反而清晰不少、富貴如浮雲、最重要就是一直陪伴着自己的親人(更加要珍惜時日無多的日子)！

共勉之！

(以下圖片來自網络)

亞婆瑞士汁乳鴿+雞翼

為咗KO埋d瑞士汁、今朝做隻乳鴿同2隻雞翼啦。

我食乳鴿、太后食雞翼、各有各食。

光波叉燒

近日少做咗叉燒、摷雪柜有两嚿梅头、醃咗半日(只用玫瑰露同叉燒醬)、再用200度的光波每边焗15至18分鈡便OK！

賣相都唔差吧。

久違了的街边咖喱魚旦

自從幾年前無意中同朋友係九龍城見過>沙茶皇<(當時人地係送緊貨)一試難忘、千方百計找到供應商(因為佢地只供應食物館、街舖係冇得賣嫁)、最近知道佢搬咗去黄竹坑工厅、一於好似大媽咁拖車仔去掃貨(真係超搅笑)!

今日又比我係荷蘭街(西環)發現一處有好食的炸魚旦賣、一於又搅搅>亞婆特式街边咖喱魚旦<