胡椒虾

今日的佳作係胡椒虾……白虾係le兩個月至有……攞嚟炸係最好……因為連殼都可以食埋……不同品種有不同的用途……花虾同中虾開边蒸最好……九虾同基圍白灼就一流！其實煮食都係一門學問嚟嫁。

石榴果凍

噚日又試咗le個果凍……用新鮮石榴做紅色部份……白色就用鮮奶做囉。

婆婆的A貨sauce煎魚扒

我今日係电視又學咗le個sauce………本來用嚟煮雞……但我買咗兩片鮫魚煎香……再淋上le個汁……十分惹味……個汁係用豆豉……蒜茸……洋葱……指天指……冰梅醬……好好味！

婆婆的湯水篇之三文魚骨煲蕃茄南瓜

因為今曰大厦維修水管……整曰都冇水用……所以post早两日的三文魚骨煲南瓜蕃茄湯啦……幾好嫁……甜得嚟有益又健康……真係老少都啱飲。

婆婆的餃子

我終於煎到这樣的餃子……好開心！因為之前煎極都煎唔到呀……今次用咗免治猪肉……唐芹……冬菇……虾仁做餡。

碧根＆崧子酥

多謝blog友Terryma比左個崧子酥食譜我……我今日做左兩款……一款係崧子……照足佢個方法……另一款我用牛油……個人就比較喜颧牛油的碧根酥……因為用牛油始終都香d囉！

婆婆的廚餘炒飯

摷吓摷吓個雪柜……又比我摷到宝……噚日焗完叉燒又有幾片……今朝煲南瓜蕃茄湯又剩左d南瓜……一於又炒碟飯啦……加少許洋葱……虾……蛋……莱心！唔錯。

婆婆的是但蛋糕

婆婆的小學同學生日……本來諗住送個手造栗子香芋蛋糕比佢……点知做好至記得佢唔食得麵粉……唯有嗱嗱臨今朝整另一個柚子芝士餅……心急得滞連字都寫錯……唯有心意搭夠啦……anyway…………………………Happy Birthday to my dear friend……clara！

婆婆的雪莱火鸭絲炆米

尤於噚晚有d燒鴨剩低……唔想嘥嘢……物盡其用……將肉起骨……骨煮湯……肉切絲……加雪莱(又叫雪裡紅)……紅椒……炆左碟米粉比人……自己就留起d做湯米囉！

婆婆的蒜茸牛油白酒蜆肉意粉

為咗用埋支白酒……買d蜆肉煮碟意粉比契仔亞媽……希望佢钟意啦……我加咗白蘑菇……洋葱……黑椒嚟炒……特别惹味呀。

婆婆的合桃糊

今日整咗生蘑合桃糊……好好食……又方便……買咗半磅美國原味焗合桃……加d水用搅拌机打蓉再加冰糖煮滚就OK囉！

瑤柱扒荳苗

我好多年冇食過荳苗嘞......因為如果唔夠油炒就唔好食......但而家唔可以食太多油......唯有少食啦.....但今朝見到d「荳杯」實在太靚.....終於忍唔住買咗1/2斤嚟用瑤柱扒......所以煮完大部份比咗人....留起細碟比自己咋.....le輪食得太多.....可能都要停一停啦！

婆婆澳門美食遊

 鹵肉麵

水餃

蔬菜春卷

富貴麵(咸旦黃/瑤柱/蟹肉)

紅燒肉

生煎包

煎窩貼

印尼炒飯

金沙城

婆婆的契妹

早茶

新葡京&舊葡京

永利外圍

永利大門外 and 金沙城

婆婆之柚子蜜雞

我之前用柚子蜜做過金沙骨.......今日又試吓用雞件做碟......比較一吓边款好食d！

材料:

雞1/2隻斬件

調味:

薑汁/生抽/柚子蜜/生粉/油

柚子蜜獻汁

另外準備約2湯匙柚子蜜同1湯匙水(開勻)

做法:

將雞加調味醃絲1/2小時......大火走油(或煮煎熟)......回鑊贊酒再加入柚子蜜獻汁兜勻便可上碟。

婆婆蛋糕篇之超軟A貨

前兩日巡blog時見到le個超軟蛋糕……諗住又玩吓啦……原來食起上嚟勁似以前蔡師奶的日本綿花蛋糕……因為要煮溶d牛油至推粉落去攪滑……正呀！

婆婆午餐之滋補湯同健康蒸雞翼

今日婆婆le餐又夠滋補又夠健康........

水鴨燉葯材.....(水鴨/瘦肉/果皮/杞子/元肉/黨參/准山)

釀雞中翼(鮮雞翼去骨釀入巳煨煮過之粉絲杞子.....蒸熟後打個玻璃獻淋上面就攪掂)

婆婆西点之白汁蟹肉批

前兩日煮左d白汁蘑菇蟹………今日至得閒整幾隻批比朋友……今次le個批皮又幾鬆喎！

婆婆甜品篇之白果腐竹糖水

今日blog友EE同十二月兩pair入嚟鴨脷洲.....我又做帶街......因為另一位blog友Winnie下星期要返美國.....所以我地帶佢去食抵食海鮮餐.......所以全日都冇煮嘢......見近來天氣好乾....煲咗個白果腐糖水嚟潤吓啦......通常我煲le款糖水我喜歡用「腐皮」嚟煲.....一來會溶得好靚....煲完又香d喎......同時我會留起少少未煲溶的腐皮.....加入去睇落靚d添....加少少洋薏米重正！

婆婆攪攪震之九唔嗒八釀蟹蓋

Le個時勢真係食得唔好嘥.......又一厨餘杰作......

早兩日做完糯米卷有d糯米飯剩.......今朝煮咗d白汁蟹肉蘑菇嚟做批.....見到有兩個蟹蓋......忽然头腦一轉....就試吓加白汁撈咗d糯米飯....再釀左入去個蟹蓋到.....搽d蛋汁......焗左佢.......嗱.......賣相就幾好......至於好唔好食就要問過食完的朋友至知咯........嘻嘻！

婆婆之廚餘午餐篇

實在太多廚餘剩嘞.....而家乜嘢都貴.....為咗唔嘥食物.....所以今日個午餐係:

1).......隔夜牛肝菌湯(le個湯好正嫁....係牛肝菌...舞茸...百合.....蜜棗...黑雞)

2).......三色椒....帶子(雪柜有2粒帶子剩低)....我加左蛋....薑.粒....葱粒..炒飯