BROKEN GLASS JELLY

近來大熱的甜品……我試咗兩次至勉强OK……但都唔多滿意！要再試。

韓國雜菇炒花膠仔

百x超市有d韓國唔知乜菇……我見有blog友攞嚟炒花膠仔……首先將雜菇飛吓水……花膠仔煮腍切小塊……用蒜片起鑊……用糖……蠔油……老抽炆煮吓。

亞婆梅子鴨

早輪手多多學人醃酸梅……前幾曰夠期出關……做咗幾樽亞婆私房醬……今日又再做多次梅子醬啦！

冰鎮話梅苦瓜

有網友問我点整……其實我本身唔多食苦瓜……但反正我多數只煑唔食……不妨又玩吓啦……但估唔到幾好食喎……我亂咁試咋。

材料……

苦瓜一條
話梅我用咕12粒
冰水適量

做法……

苦瓜先切片……去咗白衣……用盐醃吓……飛水……再浸冰水。

話梅先用熱水浸片刻……隔去水份……再浸入有苦瓜片之冰水……浸過夜……隔去水份……加入冰粒便OK！

焗叉燒

Le輪掛住係FB到寫……又上搅搅鎮……一心又唔可以二用……所以有朋友話我懶咗！其實我都日日煑嫁！

Le兩碟叉燒一碟係左鄰右李到食……另一碟係做東施。

紅油炒手

噚日見到網友Flora做的紅油炒手……見佢個汁同我做開唔同做法……又跟吓風先！

佢個汁有……大紅醋……辣油……紅糖……花椒……麻油……醬油(老抽)……爆香蒜茸嚟煮汁……

包云吞我用豬肉白莱(廣東云吞皮)。

梘水糭

今年唔打算烚咸糭……做咗兩款梘水糭……噚日烚咗荳沙……不過派晒……今日再烚埋蓮蓉就收工嘞！

我的做法超簡單……兩斤糯米对2湯匙半梘水……糯米浸4小時……糭葉先烚 (加油)後洗！包好烚大約2小時……我包的方法並不正確……亂咁嚟……反正又唔係賣……隨心隨意！

亞婆九唔搭八西餐

今日又玩嘢！買咗2隻小龍虾……做碟唔三唔四的西餐……嘻嘻！

芒果大莱糕

天氣咁熱……食件涼浸浸的芒果大莱糕……真好！

芒果一個
大莱10克
冰糖適量
云厘嗱香油1滴
水500ml

全部煮溶過濾……等片刻冇咁熱才加入芒果粒……雪凍切片便OK。

瑶柱梅莱炆雞

原來le兩樣都做到朋友嫁！

材料:

雞半隻切件

醃料:

薑汁……古月粉……盐……糖……生粉

其他配料:

蒜片……梅莱……瑶柱

調味:

蚝油……老抽……水

做法……先醃雞……梅莱切段白鑊炒吓……瑤柱先浸後蒸淋……用油先爆蒜片……梅菜……瑤柱……雞件……最後調味炆至汁液收淨少許。

椰青大莱糕

前幾日係九龍城間泰國舖買咗幾杯椰青大菜糕……好似幾蚊杯真唔抵……今朝係超市買咗個椰青……又亂搅一通！

黄芽白卷

見有網友唔識整le款莱……試吓做比佢睇！

材料有黄芽白(我用肥身的)將黄芽白灼至軟身
……餡料有免治豬肉……木耳……冬菇……紅蘿蔔(全部剁爛)……加入調味(有古月粉……豉油……塩……糖……麻油……生粉水

做法

將黄芽白包好饀料蒸约20至25分钟……再拎出水份加蠔油同生粉水埋獻淋番上莱面就OK。

泰式碟头飯

無意中摷到May姐的食譜……見幾簡單……於是又跟吓囉。

材料有……雞肶肉切粒……青荳角切粒……指天椒……蒜茸……九層塔……紅椒

其他材料……荷包蛋……白飯

調味……老抽……蠔油……糖……生粉水

泰式鳳爪(冷盆)

泰式鳳爪我都好耐冇整過……因為近年唔多食辣……但朋友的先生想食……於是又整d啦……但尤於佢唔食芫茜……所以我淨係放芫茜係自己個碟咋。

材料:

冇骨鳳爪2磅……飛水後隔去水份浸冰水

配料:

蒜茸……紫洋葱……普通洋葱……指天椒

汁料我用……魚露……白醋……糖……熟水……青檸汁……最後我加多泰國雞醬(份量照個人口味調教)

敏魚兩吃

今日覆診完心臟科又要去湾仔book做物理治療……唉！而家要等到十一月至有期做……都唔知重有冇咁長命等呢。好彩今朝買定2塊魚扒(敏魚)……又係海魚又抵……做咗兩款……

1/ 第一味係用啤酒開自發粉再加香茅盐炸

2/ 第二味係用蒜茸牛油焗

各有各特式！

馬來餐之(2)

做個娘惹焗魚作為馬來餐之第二波……但我覺得自己上次做的亞參醬好食d！比較噚日的麥皮虾……我還是喜歡碟麥皮虾多一点呢。

超級XO醬

…自從江瑶柱的價錢係咁升之後都好少做XO醬……以前d靚虾米七十幾蚊斤……而家起碼都百四……点整喎……不過今次有朋友送咗1/2斤江瑤柱比我……見唔駛咁傷就整番幾樽啦！……因為好鬼多料嫁！

材料:

江瑤柱100克……虾米100克……乾葱100克……蒜茸100克……金華火腿50克……虾子隨意……大地魚粉隨意……乾辣椒少許……新鮮辣椒少許

調味:豆板醬……糖……雞粉……油

做法:

以上全部切碎再搅爛……江瑤柱先蒸後撕開……落油先炸江瑤柱同虾米茸……之後隔去油粉……將油煮去水份再顺序落蒜茸……乾葱茸……辣椒……再放回江瑶柱同虾米茸……虾子……大地魚粉……最後調味……不停边推边煮……直至油没有泡泡(即冇水份)……之後放入巳消毒之玻璃樽就得！心得:要放雪柜同不要太耐因為冇防腐劑……可炒菜……飯……捞麵！

馬來餐之(1)

急不及待立刻開工……第一餐馬來手信係肉骨茶(我又雞又骨夠晒甜……但好似個色爭少少……另一款係麥皮虾……我跟到足步驟……但從未食過唔知啱唔啱！但超好食……再次多謝Nottycat呀。

自制雞豬腸

其實今日入荃湾的其中一個原因係去南豐中心去買腸衣做自家腸仔……好多料嫁……整咗一條試吓味先！

窩心的禮物

剛剛去完荃湾collect一個素未謀面的網友托朋友由馬來西亞帶比我的礼物……實在好感動！……自從由2010年狗狗走咗之後……本來無聊的日子係網絡中交到一班網友……實在充實咗很多……一句問候与祝福……巳經令人感到十分之温暖……有時朋友比親人還要窩心呢！Anyway……再次多謝 le 位好網友……一切盡在不言中！