香草雞肶飯

雖然冇咗個廚房用，久唔久都要食好d！今日用最少的調味醃咗隻雞肶。之後煎咗佢同跟白飯用烚豆，不過始终煎完間屋都好大味，久不久就冇所謂，否則連房間都有很大的餸味就唔好啦！個人就唔太習惯open kitchen的設 計嘞。

私房粥

今日又試吓個—人飯煲嚟煲粥，果然唔錯喎，刚刚—碗。。。正！

Le次係用—粒瑤柱，三粒蚝士，同—隻乾鴨腎，所以好夠味同甜。之後買定—個City Super 的鮮奶包今晚做宵夜添。

窩心的午餐

没有廚房雖然唔方便。但只要動吓個腦腍吓計仔有時都可以幾滿意嫁！

今日用—人飯煲先煲咗個潤肺糖水。。。韓國梨南瓜雪耳糖水，再用佢焗個南瓜鮮虾飯，健康又好味。

自家湯及外賣餐

噚晚買咗個外賣翠肉瓜虾仁炒飯兼飲碗印姐煲的鲮魚赤小豆扁豆粉葛湯做晚餐。

西式午餐

今日要做物理治療，做完行經合和顺便食埋午餐至返屋企。这間grill& bar的午餐都唔錯，免加—承惠98蚊！以湾仔的地區嚟講都可接受。

簡單午餐

没有廚房的日子对於我嚟講比死更難受，好彩轉吓头腦比我諗到用边爐煱嚟炒個飯同做碗紫莱荳腐羹！

星期天点都食得豐富点吧。

外賣早餐

好彩今日推咗朋友介紹的上門幇人到會啫，今日係拆僭建以來最嘈的一天，正正係我門囗掘地，嘈到拆天咁。。。本來走佬咗幾日，諗住休息下，都咪撹咯！一陣走去赤柱行吓先！

扎肉烏冬

今日去開Sogo,見到有越南扎肉賣，買咗三條，香菇，黑椒同泰式青咖喱味，晚餐用咗香菇扎肉煮碗湯烏冬，簡簡單單又—餐！

簡單—人餐

自從冇咗個廚房後，晚晚係街食食埋埋d味精，真係好難搅，忍唔住用個一人飯煲煮碗鮮鴨潤腸燕麥飯，加碗白灼荳苗就算啦。

椰汁栗子露

天气凍凍地煲番個潤潤的糖水。。。。椰汁栗子露。

停廚之後的第三餐

唉！食到第三餐街外的味精餸，真係有必要自己煮番一人餐啦！尤其是今晚le餐(大排檔),味精勁多。😭😭😭

Homemade。。(半)迷你糯米雞

係休厨期前做番餐半迷你糯米雞先！

材料

糯米—斤。。。先浸後蒸

配料

乾荷葉2塊

虾米，冬菇，雞肉，咸旦王，乾葱茸

調味汁

蠔油，生抽，糖，麻油，生粉水

做法

將糯米蒸熟，配料煑熟候凍包入糯米飯，再用荷葉包好再蒸多半小時便OK！

香橙焗雞

噚日fb有人整香橙鴨，我今日又玩吓香橙焗雞先！

材料

冰鮮雞半只

橙汁一杯，橙皮少許，橙酒2湯匙

其他醃料

洋葱，橙皮，盐，生抽，糖

煮汁

吉士粉少許

做法

雞用以上醃料醃—小時，预熱焗爐230度，先焗内面，最後才焗有皮那面。大约半小時至45分钟，之後用番汁再用吉士粉煮片刻，隔去渣淋在面便上碟。

紅爆網络的蕃茄飯

近日大熱的蕃茄飯，今朝又學人玩吓。

但唔知係掌握唔到個做法定口味唔啱，又或者多水份，總知唔係咁特别囉，所以同場加映。。。。多碟娘惹咖喱雞！

梅子醬炆豬手

早輪做咗的梅子醬我今日試吓用嚟炆豬手。。。估唔到又幾好食喎！

豬手一隻斬件

梅子醬大约三至四湯匙

冰糖碎少許。。用少少油炒至焦焦地加入豬手兜匀才加入梅子醬，之後加入水炆吓焗吓至七成腍熄火，再焗多十五分钟才炆至汁收乾為止。

愛相隨

早輪同動物傳心術的—位姐姐定咗個狗公仔(本來想定夠两隻的，但可惜没有近似亜宝,唯有定隻有幾成似亜Sam吧)

今日约咗係黄大仙站交收，諗住之後去食齋，点知係那商埸的素食館執咗，於是搭車返佐敦那間叫六榕的老牌素食館食個午餐，食完就搭970X回家去！ 

嘻。。。睇落都有幾成似亜Sam嫁。我重攞佢出嚟陪食飯。。。我諗d人—定以為我係青山出嚟渡假啫。

蒜茸蒸龍虾仔

前两日買咗幾隻龍虾仔(基本上係孫就真 )!

當蒜茸蒸開边虾咁食啦。十分簡單，首先將蒜茸用滚油拉過，凍後舖在開边的龍虾上面，大火蒸六至七分鈡，再灑上葱花熄火约—分钟便可上碟。

星加坡炒蘿蔔糕

為咗整佢。。。用心良苦！

材料
(蘿蔔糕)

白蘿蔔—條去皮切粗條淨肉900克

粘米粉大約300克

水煮蘿蔔適量

古月粉，盐，雞粉，虾米

煮腍蘿蔔絲加入以米調味開匀粘米粉加少許油蒸约—小時便OK

星加坡炒蘿蔔糕

其他配料

莱甫碎，蛋，红椒粒，葱粒，芫茜

調味

魚露，印尼ABC甜豉油

首先將蘿白糕切粗粒煎香，顺序加入莱甫，紅椒，蛋，調味，最後加入葱粒同芫茜熄火上煲or碟！

客家咸菜炆懵仔魚

早两日入西貢飲茶。之後係街市買咗半斤客家咸菜同埋懵仔魚(又名魚仲),於是又學人炆吓嚟食啦，le做個做法幾惹味，送飯一流添。

材料

懵仔魚(又名魚仲)大約一斤斬件

醃料

古月粉，薑汁，盐，生粉

其他配料

香芹，蕃茄，荳卜，蒜片，客家咸莱

做法

先用白鑊先兜乾咸莱，拎起，洗鑊後落油先爆蒜片，荳卜，蕃茄，最後加入咸莱，魚塊兜匀，落水，加調味(少少糖，塩，魚露),炆至魚熟最後加入香芹熄火上碟。

健康版之海南雞飯

今日做咗 le個健康版的海南雞飯係因為用咗燕麥飯一齊煮。而且冇加雞油添！同埸加埋杯双果(罗漢果 /無花果)雪梨水代替雞湯。所以就係健康版囉。