生日飯在深水埗

朋友之前介紹過le間食店、今晚走咗去試吓、出品都唔錯！水準個别、其中生莱包同白肺湯咸咗d、其他就唔錯、我地除咗叫以上两款、還叫咗一個例牌燒鵝、避風塘瀬尿虾、鎮江骨。

難忘的生日

不知還有多少個生日和母親渡過、所以今年在Cova買咗個蛋糕同佢一起吹臘竹。

今晚同一位小學同學及補習老師外出吃飯便算。

特式馬蹄露

今晚我突然想煮一碗特别的馬蹄露比自己品嚐吓。。。。材料有馬蹄、紅棗、黄耳、冰糖、水。

有紅棗同黄耳的清香、帶出特别之味道、唔錯吖。

鑽石牌湯鮑

其實le隻牌子我用咗好多年、先父未走以前我常做比佢食。

近年少食、因為越買越貴、而且亞媽年纪大、消化唔好、前两天買咗一罐16隻size的……一半用來燉翅湯比佢食、另一半用云腿上湯蚝油炆比佢食、當是慶祝中秋節啦。

虾醬豬頸肉

曾經是兒時的至愛。。。。。虾醬蒸豬肉！

時至今天。。。。换上了虾醬炆豬頸肉。

材料

豬頸肉

虾醬。。。我喜歡用这牌子、在大澳買的。

蒜茸、红椒

調味

老抽、糖、水

雞燉翅

本來而家個個說環保、早巳放棄食魚翅、但以亞媽成九十高齡之人点會理解吖、為了滿足她的喜好、昨天晚上燉了一碗給她吃。。。我突然又記起外婆的一句話。。。生時不祭五臟廟、死後日日給我燒豬也不知！好真實的一句。

今次我買巳浸發好之魚翅、加入罐头飽魚、雞、角螺、同云腿、燉二小時半、算是滿足吓佢之囗腹吧！

佛家有云。。。。酒肉穿腸肚、佛祖心中留！

算不算為自己找藉囗呢？

中秋隨想

自從2010同亞媽翻了枱後、隨着時間的流逝、加上漸漸多看佛理、亦開始明白她之改變亦因她的病、而且近年發覺工人因冇王管而坐大、終於放下恩怨及成見、重新再跟進她的日常生活、發覺離開失去她的日子將不遠、更加珍惜餘下和她相處的日子。

今天亦是我值得開心的纪念日、因為終於收到房署寄來的信、希望能盡快申請到老人屋、有瓦遮头係現時每一個香港人所盼望的、祝願早日能上楼就是了。

祝各位中秋節快樂！

白汁素莱批

今日整幾個白汁素莱批比人。。。。

材料有。。。紅蘿蔔、粟米、薯仔

白汁料有。。。。麵粉、牛油、鮮奶、雞湯

做法同白汁雞批一樣、只是個餡不同

批皮

麵粉200gm
糖粉50gm
發粉1/2茶匙
蛋一隻
牛油溶液60ml

苦中作樂之菜式

噚晚又比亞媽玩謝。。。。由零晨一点玩到清晨五点、一時又話去冲涼、一時又數銀紙、一時又話入房摷嘢。

唉！所以今日煮番碟苦中作樂。。。。

材料

苦瓜

魚腐。。。有虾膠、鯪魚肉、、蛋、荳腐、芫茜、古月粉、盐、雞粉、生粉

做法

部份炸咗做魚腐、再炆

另一部份釀苦瓜再用蒜头荳豉炆番佢。

印度椰子煲湯

之前煲過糖水、今日照莱譜的介紹、煲個潤肺湯比亞媽！

材料有。。。。印度椰子、合掌瓜、紅蘿蔔、粟米、蜜棗、豬尾骨。

聽講对個肺好喎、是但啦、反正都是食療湯水。

黑糖馬拉糕

Le個食譜係以前係搅搅鎮一位谷友的食譜……十分正同掂……我今曰做咗兩底比人……好味！

材料我略為改咗少少

蛋2隻(分蛋法……因為我覺得鬆軟d)

黑糖80克(40用嚟打蛋白)

另40克加入蛋黄

云尼拿香精1/2茶匙

坐溶牛油20克

鮮奶50克

以上全部搅匀……蛋白除外 (蛋白加40克黑糖打至企身)

之後篩入自發粉80克……吉士粉20克……梳打粉3克……發粉3克……快手fold入……大火蒸半小時斻OK。

香茅雞搥捞牛肝菌粗麵

正呀！

今日整咗瑞士雞翼比朋友、將剩底之雞搥用香茅醃完再用光波焗香、加多碟牛肝菌粗麵。

咁又一餐豐富的dinner嘞。

特式糖水之印度椰子

近日見網上很多人用一隻叫印度椰子的東西煲湯、咁啱我係灣仔街市見有得賣、於是買咗個試吓煲糖水啦。。。。。

材料有。。。黄耳、云耳、紅棗、同印度椰子、煲完比咗碗亞媽、自己試咗一口、唔敢食呀。

預祝生辰

朋友慶祝週年邀請我參与並同我预慶生日、多謝佢咁有心！刚好今期有蟹食、超抵。又有大閘蟹、雖然細但好有膏、有HSBC咭重有六折添。直到今個月28号咋。

泰式串燒雞肉金蒜捞米

是是但但又一餐、今朝用泰式的串燒雞肉捞咗碟米粉就算咯、le輪冇乜胃囗、希望今餐食到啦。

日式露筍豬肉卷

當然又係我的至愛。。。。日式三宝啦。

首先用三宝汁先醃猪肉片、之後卷住露筍、再用光波200度焗熟就Ok！

蘑菇雞肉批

好耐冇做過这雞批、今晚特登去整番幾隻比人食。

材料

皮料

麵粉300gm
糖粉60gm
蛋液一隻大約45gm
牛油100gm
白油(莱油50gm)

首先將以上搓成粉糰候用。

分别包入白汁蘑菇雞肉饀

白汁

麵粉加牛油炒成粉糰、慢慢分别加入鮮奶同雞湯成白汁。

蘑菇雞肉

將蘑菇同雞肉切粒用牛油炒香、加少許塩、古月粉、加入巳煮好之白汁捞匀。

做好之雞批用蛋漿搽面、用牙簽花、放光波200度焗至金黄便OK。

紫薯雪耳燉蛋白

今日又學人搅創作。。。。煲咗紫薯雪耳糖水、隔起d渣放在燉好之鮮奶蛋白上面、又靚又好食。

一雞两味

約咗個親戚飲茶。。。做两款雞比佢試！

豬仔包

見網友整豬仔包、等我又玩番轉先！

不過我唔食玉桂粉、所以冇落到……我改咗少少材料。。。。

高筋粉200g
麥粉30g
原糖15g
盐少許
奶100g
水约60ml
用60ml熱水撞入40gm的高筋粉做麵種
酵母2gm
米糠油15gm

做法同以前一樣！

腦友聚會

今日由朝食到晚。。。。中午買完虾子麵去食点心餐。。。。之後去街市飲红荳奶茶冰、又去麥噹噹hea吓、到咗晚飯時段又去食路边雞、最後食埋甜品至打道回府！

攰到死死吓、一定可以瞓到天光嘞。

紫薯皮、云石餡月餅

今日le批月餅做得唔錯、而且賣相都幾靚！

材料

皮料

麵粉144gm
紫薯粉14gm
奶粉24gm
糖粉56gm
椰汁65ml
牛油60ml

云石饀。。。奶皇同红荳茸

先搓好皮、分割成28至29gm/each
包入每伤25gm重之饀、印出模
光波180度焗約10分肿

廚餘炒飯

有d叉燒、三文魚剩。。。。一於加薑米、蛋、葱粒炒碟廚餘炒飯！

Yummy。。。。。Yummy。。。。。Yummmy！

雞肶菇炆雞翼

剩低之雞肶菇我用咗去炆雞翼！

材料

新鮮雞翼斬件、用古月粉、豉油、糖醃吓

雞肶菇切片飛水

落油先爆蒜片、回鑊雞件、雞肶菇、赞酒、加水炆到汁液收剩少少。

白汁雞肶菇三文魚意粉

今日做咗d自家制的白汁、用雞肶菇同三文魚煮碟意粉比契仔。

白汁做法
先做麵捞、麵粉+.牛油。。。慢火边加入鮮奶同雞湯直至滑身、通常我會用隔過濾過才用

用牛油炒吓雞肶菇同三文魚、之後放入白汁同巳煮過之意粉、最後灑上芝士碎上碟。

蜜糖芝麻虾丸

買咗一斤虾、打得九粒咁大把、有時情願買信譽良好的現成虾膠。

材料

中虾一斤去殼後得半斤淨肉
少許肥肉

調味

古月粉、麻油、盐、蛋白

做法

將虾去殼後、吸乾水份、拍扁、加入調味同肥肉、向一方搅至起膠、再唧成波波再炸熟、轆上蜜糖芝麻就OK。

老少平安

噚晚係喜萬年食飯、食過le一味、今日照板煮碗。

材料

鯪魚肉/ 板豆腐/ 蛋/ 芫茜

調味

古月粉、盐、雞粉、生粉

搅完蒸熟就是。

Joe Junior的演唱會

噚晚约了班舊朋友食飯、之後再去依館睇Joe Junior的演唱會、估唔到一把年纪的他還有一大班中老年fans、全場有九成滿座、而且大部人都情緒高漲、佢亦請了Andy ？Nelson？做guest添、可惜我手机拍得不好、濛查查。

唱了很多懷舊金曲、貓壬的、例如一些民歌、Country road係其中一首我至愛、全晚的回憶將我帶回去六七十年代、當年的茶舞、舞會歷歷在目！

不過話說回來、这種的埸合早巳不適合我这老人家、相信不會再去、太嘈了。

南乳齋同雞絲煮蕃茄

今天用埋d雞胸肉煮個蕃茄洋葱！

加個南乳齋就是今天的出品。

噚日撞親個膝头好鬼痛、冇乜心机煮嘢添。

合桃酥

今日再戰合桃酥！

材料

麵粉240g
合桃碎100g
糖粉120g
粟粉2湯匙
發粉2茶匙
蛋一隻
固体豬油120g

做法

粉類全部篩過、加入蛋、糖、合桃碎、豬油、輕手按成粉糰、搓成大約湯圓size咁大、按扁後再搽上蛋液在面、用光波180度焗15分鈡。