又再想起你。。。。。

昨晚無意中從銀包見到这幅相。。。。令我想起你。。。。多謝陪伴咗我17年的Sam Sam。。。。。真的好懷念以前的日子呢！

这張相攝於2005年。。。。當時Sam Sam 巳經12歲嘞。。。。不過還有baby face,一点都沒有老態。

法式菠蘿蛋糕之A貨版

今日做咗两次，第一次覺牛油太多，故此第二次減半牛油冇咁肥囉。

完全冇難度，只有牛油，蛋，罐头菠蘿，少少糖，麵粉，冇發粉。

重点只用一片菠蘿打茸，捞入粉漿中就是。

蘿蔔糕

做完芋头，今日玩蘿蔔，le 次用自己的配方。。。。。

材料

蘿蔔去皮後淨肉的580gm
(部份蘑茸，部份切條)。。。加糖，盐，古粉，水煮淋

臘腸，虾米，瑶柱各適量

粘米粉100gm
粟粉90gm
加入煮蘿蔔水(是乎蘿蔔多少水份至加減)

捞勻之後就蒸約45分钟至一小時左右。

凍後切片再煎香食

芋头糕

今日無意中見到高Lingpost 咗個芋头糕出來，顺便跟吓風蒸底比太后食，因為佢只喜歡食芋头糕咋。

尤於佢唔喜歡食臘肉，所以我唔加，只用虾米，臘腸，芋头，五香粉。

材料如下

粘米粉大约135gm
粟粉大約115gm
芋头粒大約500gm(先炸吓)
我用咗部份加水打爛
水大约180gm(我改了少少份量)

臘腸適量(切粒)
虾米適量(先浸後切吓)
之後用爆吓

調味

雞粉，盐，糖，古月粉，麻油，五香粉

各適量

蒸约45分钟

近廚得食

近日見涼涼地，太后唔肯穿多件衫，唯有燉番碗黨参响螺湯佢補吓啦。。。。

正所謂近廚得食。。。。冇理由唔打斧头(自己飲番碗啫)。。。。

特式炒米粉

個人口味比較喜歡食新竹米粉，昨晚因沒有吃晚飯，所以炒咗碟做宵夜。。。。。材料只係櫻花虾(先白鑊火炒吓後吓)，火腿，椰菜，調味有魚露。

潤肺湯水

生平第一次用新鮮准山入饌，昨天無意中見到这湯水，一於跟吓風啦。

材料有

鮮淮山
印度椰子
紅蘿蔔
栗子
粟米
本來用豬肉(我用咗糖冬瓜)

都唔錯喎。

昨天～今天～明天

昨天的～巳漸遠

今天的～還继續

明天的～不知道

人生就是如此的渡過。。。。。。昨天(回想起四十多年的我)還在英國。。。。。但今天住在英國的巳是侄兒。

明天。。。。。又會是誰人呢？

昨天認識的人漸遠去。。。。今天認識的人還在？那麽明天的人。。。。。。？？？

哈哈。。。。。無聊的自言自語。。。。。

昨天的圍牆。。。。今天。。。。。我還被包圍中。。。。但今天的你巳走出这幽谷。。。。恭喜可自由地呼吸到新鮮的空气！

所以今天的你，好好地珍惜，因為明天很快地來臨。

(圖片來自網絡)

意粉餐

今晚搅掂太后食乜，自己煮咗意粉餐就算。

西蘭花忌廉湯
(當然係自家推的白湯啦)

加多碟蘑菇煙肉意粉(加入西蘭花忌廉汁)

好食過好多西餐廳嫁。

三文魚粒炒飯

这是昨晚的碟头飯，簡單得嚟又豐富，有朋友吃完話正。又話我識enjoy食物，我答佢人生行到这年紀，什麼金銀手飾，華衣对我來講尤如過眼云煙，雖然窮，但若能力許可下食物对我來講還是排第一位。

只要用個心去煮，就算公仔麵還可千變萬化的。

特式西湖荳腐羹

今天是先父的死忌(農曆)原來話咁快又十三年咯，時間飛逝。。。。是但買咗d燒味同衣包燒比佢，收唔收到只係心意吧(鬼知咩，又未死過？)

做咗個特式西湖荳腐羹做午餐。。。材料有荳腐，芫茜，肉碎，蛋白，同蟹籽，味道都唔錯。

蚝烙

这個做法從电視中學到的。。。。除咗蚝仔，有蕃薯粉，麵粉，炸粉，鴨蛋，雞蛋，香芹粒，芫茜碎。。。。炸起很脆身，跟魚露食一流。

葡國雞&瑤柱醬炒帶子粒

今日做咗两個餸。。。。瑤柱醬炒帶子粒同葡國雞。。。。

葡國雞配料有。。。

雞半隻斬件
红蘿蔔切角
黃薑粉，花奶，椰汁，雞湯，牛油

瑤柱醬炒帶子粒配料有。。。。

帶子切粒
香芹粒，紅蘿蔔粒，馬蹄粒，乾葱

瑤柱醬

農曆生日点心午餐

有親戚趁今日婆婆農曆生日同我慶祝，請咗我去金鐘太古廣場食精緻的点心，那間高級点心專門店叫Dim Sum Library,都幾貴嫁，但味道都唔差(除咗碟黑松露手撕雞，因太冰鮮冇乜雞味)！

Anyway 多謝晒！

且行且珍惜

近日在網誌中看到一篇。。。。給老伴的信，加上昨天晚上從宝福山(送别師傅)回來後，看見師母的神情，不禁百般滋味在心头，流下難過的淚水。

对於一個相識多年的師傅離世，我亦伤痛非常，試問一個相伴大半個世紀的伴侶，一旦折翼，心中的伤痛可想而知，從當中亦啟發到我对太后之情，夫妻之情難捨，母女之情亦然，心中之驚恐，明知这天一定會來臨，生老病死，人生必經之路，無可幸免，现今只可做到的。。。。且行且珍惜就是。

『人生難得見白头
   相親相愛不容易
   且行且愛應珍惜
   沿途風光幸有你』

(圖片来自網絡)

叉燒酥

昨天個blog 又發生小問题，post到相但就寫唔到嘢，寫嘢時又post 唔到相。。。。。。何解？

今天再試過先！

午餐

落咗風球。。。。是是但但又一餐。。。。

亞婆小食

蜜糖芥末汁雞意粉

上次食自助餐時見到有款蜜糖芥末汁幾好味，雖然唔知点整，我自己試吓亂咁搅，搅搅吓變成le碟雞肉意粉。

我先用牛油推開芥末醬，加入蜜糖煮片刻就是。

荳腐虾餅

这是由琶琵荳腐改變過來的小食。。。。。

材料的主角當然係荳腐，除咗荳腐之外，虾膠亦是配角，我加埋墨魚膠，就是貪佢有口感。

其他調味如古月粉，盐，糖，蛋，生粉亦不可缺少，加埋芫茜更妙啦。

非一般冬陰公湯

今朝突然好想飲冬陰公湯，行開街市買咗包冬陰公醬，檔主就介紹咗田師傅这包，佢話好多人買喎。

其他配料我只係用咗香茅，青檸，南薑，魷魚，虾，同草菇。

不過我加埋粉絲添。

唔錯呢。

特式包

昨天剩低了一些芋蓉同蕃薯蓉，今日無聊做咗幾個「芋蓉mix蕃薯蓉餡」的甜麵包，估唔到又幾好味噃。

湯種68gm

高筋250gm
酵母2.5gm
糖30gm
鮮奶150cc
牛油溶液15gm(後下)

以上做麵包材料搓好後等發酵漲两倍，分割成每份约45gm，包入餡，用200度焗约12至13钟。

甜酸魚塊

Le 輪見冇乜食慾，諗住煮碟甜酸魚塊啦。。。。点知見到都好似。。。。。飽死荷蘭荳咁😂

材料

魚肉(我用龍躉肉)幾片

醃料

薑汁，古月粉，盐，糖，蛋，生粉，麵粉

甜酸汁

醋，茄汁，老抽，糖

料头

洋葱絲

做法

將魚塊炸兩次，回鑊先炒洋葱絲，下甜酸汁，魚塊，快手兜勻便可上碟。

生命之領略

以前年青，未曾領略何為人死，自八五年開始正式接觸到至親之離世，肝腸寸斷，但當時還年青，幾年間巳接受同淡忘，時至今天，眼見至親的逐一離世，身边的人越見越少，心情之低落可想而知，生老病死，老生常談，知，同接受係两回事。

不過自有咗这暢所欲言的平台，每當心情欠佳時，總會在此噏吓，之後心情点都可舒服一点。

特式西米布甸

点解講特式？

原因係個餡囉，我用芋蓉同蕃薯加入鍊奶成為流心。

其後用煮過之西米，加入鮮奶，蛋，糖，吉士粉，花奶推成杰糊，先放一半料在焗杯，放入一層流餡，再放入餘下的西米漿。

焗至西米之面焦黄便OK。

假期的午餐

每年中秋過後的第二天一定是假期，但今年有点伤感，因半年前曾到過我家的師傅(明愛白英奇，九零年代的烹飪師傅係上星期五，我生日前夕肝病走了)！

人生無常，上次佢還講醫生講過還有十多個月玩吓，点知七月同師母去完長江回來後便發生肝炎，出出入入二個月就走完了这人生。。。。唉。。。。佢地两老互相扶持，每次師母去葛量洪睇眼科後多數約我飲茶，此情不再咯。 

今天煮了这幾味比太后食，雖然现在煮龍肉对佢嚟講都冇分别，一切只有盡好本份吧。

中秋節隨想

近來晚晚失眠，昨晚又比我諗到。。。。婆婆金句。。。。人生三宝，健康，金錢，親情，缺一不可，可惜我全缺，怪不得晚晚都眼光光，好似飲咗豬肉湯咁啦。

幸好還有班好朋友相伴，今年亦不作慶祝中秋，因今天的太后做了什麽亦感覺不到，而且近來百物高漲，煮到枱餸都冇人食，费事劳民伤财吧。

(網絡圖片)

白汁花甲扁意粉

見昨天食晏太飽，故晚上煮咗碟白汁花甲意粉食就算。

其實只留起細細碟比自己，多餘的分晒比人。

材料

花甲(先飛水)

扁意粉出水約七分钟(再浸冰水，爽口d)

蒜茸，牛油，麵粉，鮮奶，雞湯，黑椒碎，慢火推成白汁候用

落牛油爆吓花甲，再落意粉，白汁，盐，煮片刻便OK

鴨脷洲陳新記海鮮午餐

今日约咗老友去鴨脷洲食晏，例牌先去買海鮮，再上去加工，今日餐單有。。。。

蒸方利
蒸南非鮑
薑葱蟹
蒜头豉油炒花甲
豉油皇花中蝦

陳新記三宝(炸云吞，魚片头，魚皮)
豬手
油菜
炒飯

我們共八人，每人240(連工包料)

朋友都話抵食。

星期日午餐

同從上次舊工人返來做part time 後，個新工人这两星期醒咗好多，所以今日趁老patpat 放假叫佢返來教佢点清潔個廚房至合我意(因為我至怕個廚房肥臨臨的)!

今日的午餐有蒸游水魚
粉絲虾米
咖喱雞
蒸雞(太后的)