素食日

今日係最後的一個十五，所以食埋最後一次嘅齋呢。

煮咗南乳齋，腐皮卷。。。。

童年的我

今日又玩童年feel,😁

🎡🎡🎡

好懷念摩天輪的日子！

變身美中女

而家唔玩咁多煮食，玩吓日日變身先。。。。今日搖身一變又做美中女。。。。。謝謝你們的欣賞！

哈哈哈。。。。

「世態炎涼」

这句話聽得多，亦明白点解，但人若不去到某個境界是不會明的，这十年來深深体會到箇中真諦。

有人話人走茶涼，在先父走了之後早巳看透，但當時還抱着一絲希望，朋友會如此，但至親應該不會吧？

現在經過十多年的看透，原來每一種關係都是建築於利益，人事同金錢上，其實無論親人，朋友，愛人，伙伴，好的。。。。。一個巳足夠，何需多呢？

所以從今以後，我对人亦會改變心態，不再盲目地去信任人，樣樣不再容易受騙，因為過橋抽板的大有人在。

Love you ?看看有冇利益先。。。

(圖片來自網絡)

美女出場(40年前)

哈哈哈。。。。最近學玩咗这apps、時光倒流四十年。。。。我再年輕番。。。。。好開心呀！

双紅(紅荳/紅棗)椰汁糕

又玩咗底新款甜糕，用咗高ling個紅棗糕嘅份量，做咗底双紅椰汁糕，有d似晚上那套大陸劇[那年花開月正圓]入面的甑糕，不過佢用糯米我就用木薯粉+糯米粉+粘米粉同椰汁而做成的。

等我今晚叫人試食吓好唔好食先。

Jan.28.2018的午餐

今天食自制海南雞肶，油飯，生菜，香焗薑蔥大魚头。。。。。

好正呀！

蘿蔔糕

今期我整的蘿蔔糕係健康版的。

因為冇臘腸，火腿，同瑤柱。。。。。

只用櫻花虾，Parma ham,冬菇，同埋青島貝，所以同以往的不同。

材料

蘿蔔淨肉約5斤

粘米粉約450gm

粟粉份約20gm

澄麵約1湯匙

水適量(煮完蘿蔔後)边加边搅，直至杰身

調味

盐，雞粉，糖，古月粉各適量

其他配料分別用干葱爆香才加入粉漿中。

以上份量可做四底左右

新年裝飾

趁個blogger le輪無黐線，快快脆又post 吓先。

前兩天同太后換神花，順便裝飾埋個大門，等有番d新年气氛啦。。。明年再算吧！

Jan. 24.2018的晚餐

今晚的晚餐有自家打的鮫魚肉生菜湯、燒肉、黑毛豬午餐炒蛋、筍虾南乳煮腩肉(唔記得影相)、同埋三色飯。

黑毛豬。。。豬頸肉(Jan. 23.2018)之午餐

我平時好喜歡用虾醬蒜茸指天椒爆豬頸肉食，但自從有報導豬頸肉平時打激素針，所以沒吃了很久。

今次見凍肉鋪有黑毛豬的豬頸肉賣，胆粗粗整番次啦。

加埋煎魚鮫魚，大芥菜魚骨湯，昨日的餸尾(栗子炆雞翼)

素翅蟹肉福袋

早两天買到包油揚，以前只在日本超市見到，而家街市的凍肉铺都有得賣。

今次見雪柜有素翅，吃剩的蟹肉，於是做幾個福袋啦。

2018。Jan。20的午餐

今天食得豐富些。。。。有。。。。

游水油班
炆鴨舌
櫻花虾XO鮮油蘿蔔

燉了响螺湯比太后

櫻花虾XO醬鴨舌

昨天做的櫻花虾parma ham XO醬炆鴨舌。。。。。

再加番d辣板醬。。。。。果然好味！

櫻花虾Parma ham XO醬

今期唔用虾米，金華火腿瑤柱做XO醬。試吓做这方法。。。。。

材料

櫻花虾一碗(白鑊烘吓)
Parham ham (蒸熟切小粒)约1碗
虾子(2至3湯匙)白鑊烘吓
大地魚粉(2至3湯匙)白鑊烘吓
其他。。。。

乾蔥(一包)切茸
獨子蒜(二包)切茸
指天椒(切小粒)约1/4碗

調味

雞粉，塩，糖，辣荳板醬各適量

花生油一公升

做法

落油煮至微温時，先落干葱蒜，跟着蒜茸，再落指天椒，边推边搅，直到水份冇晒(看油中有冇泡沫而定)，之後加入巳烘過之櫻花虾同蒸熟過之Parma ham,最後加入虾子同大地魚粉，各調味，又再边煮边推，直至油中冇晒泡泡便可熄火，候凍入(巳消毒)之小樽。

(以上可製成13至14小樽)，同時大概推了半小時左右。

双菇炆雞翼

今日試吓用草菇同冬菇炆雞翼。

好味！

冬菇又用快速浸法，之後草菇加薑葱飛水，用蒜片爆香，加入冬菇，雞翼，蚝油，糖，老抽，少少水炆至雞翼熟透，汁液收剩少許便可上碟。

虾子柚皮

以往我買到bb柚友(泰國的)每年一定會做二三十只自用或送朋友。

自數年前買唔到之後，我巳停做了，昨天試浸到些平時食開的沙田柚(要自己去皮，浸兩天，出水後)煮了些魚湯煨吓，再加入蚝油及虾子，最重要係炸咗d豬油去煨，做完試味都覺得唔太差。

亞婆焗豬扒飯

好耐冇整焗豬扒飯，今日心情好，焗番碟嚟歎吓啦。

豬扒拍鬆
加入調味。。。盐，古月粉，生粉
上麵粉，蛋漿，最後麵包糠
炸完切件放入用蛋炒過白飯

洋葱切絲，蕃茄一開六
用油炒吓，落茄膏，蕃茄醬，糖，水，煮至杰身，淋在飯面，再灑上芝士碎入爐焗至焦香便可。

覆診兼扮靚日

今期成五星期冇同太后覆診，所以見天气冇咁凍，立刻嗱嗱臨同佢去見醫生兼扮靚。

之後去剪髮同修甲，最後去番希慎個food court 食午餐才返屋企。

近期太后肥咗同好胃口咗。。。希望继續好落去啦，一切都只好盡人事，聽天命。

腐皮虾條兩吃

今日要當更，所以冇出街，係屋企搅搅貢，做咗两味腐皮虾條，一碟煎香跟雞醬，另一碟炆冬菇鮑魚(平價版的鮑魚。。。38/蚊四隻)!

都唔錯嫁。。。充得吓！

昔日的網友(亞虎時代)

今天無意中同朋友閒談，原來今晚佢要參加的一個葬礼的朋友亦是數年前亞虎曾經交往過的一位網友。。。

唉！人生無常，雖然未曾見過面，但亦有点絲絲的難過同唏嘘，明知这條路每個人最終都要經歷，只是遲或早。。。。人到了我这年紀，朋友亦越見越少，所以能珍惜的話我們更要珍惜才是。

最後。。。。希望妳。。。。一路好走！😢

(圖片來自網絡)

2018。Jan。12。的午餐

今天的午餐。。。。。

金菇粉絲煮節瓜
煎馬友魚
玉子豆腐肉煮草菇

Home made 錦鹵云吞

之前見網友涼粉子的鹵云吞好吸引，所以周圍去找錦鹵云吞皮買，終於今朝係本區的麵舖訂到一斤。

这個小食亦是兒時的至愛。。。。十分懷念！

大豆芽菜鬆

今朝又煮咗碟比太后食。。。。。功夫餸，平價菜。。。。

牛鰍煲蕃茄薯仔

今日去鴨脷洲買魚，見到有游水牛鰍魚，所以買咗條嚟煲蕃茄薯仔。。。。。好正！

救命水

江湖傳聞，無花果蘋果煲水係冬天的救命水，咁我又無理由唔試吓啫，所以去金飯碗買咗包紫色無花果(聽說煲完冇酸味)、用咗半包跟两個蘋果(我冇用富士蘋果)、一少塊果皮，果然好潤喉。

紅油拌菜料

这是一樽好正的麻辣汁，我個人唔吃得麻辣，都可以接受，無論涼拌或炆嘢都係好帮手，雖然没有零售，但每次我都上網睇吓在那裡做promote,再唔係就打电話一次訂五樽在地铁交收。

2018。Jan。7的午餐

今朝比我買到好大條的芥蘭头，一半攞嚟炒，一半用來做涼拌。

午餐食。。。。

涼拌麻辣芥蘭头
瑞士雞翼
豉油皇炒河
鹵水鵝片(買的)

餃子餐

今朝又食餃子，我喜歡放湯食。。。。。

自從有人教過我放滑蛋(將蛋落鑊快手炒，趁未熟時熄火)加落餡到包，發覺真係正好多！

今次我用菲菜，红蘿蔔，虾，肉，滑蛋做餡，自己搓皮。。。。正。

太后的至愛

噚日一次過買齊太后的至愛。。。。

莙荙菜(又名豬乸菜)
同魚肉炆柚皮

細時外婆成日煮这两味餸，尤其是冬天。

但以前冇咁健康，要加大量的豬油去
煮，但時至今天，什麽也講求健康，所以只用花生油去煮。

不過煮柚皮還是要先用鯪魚煮成奶白色的湯去煨，之後加入魚肉便成一道很美味的兒時風味餸。

香芹半煎煮黄花魚

今晚煮咗碟潮式半煎煮魚。。。。我靠估嫁咋。。。。都未學過。。。。今次用黄花魚，先用油熟，落大量蒜片，香芹，葱段，赞酒，落湯，煮片刻，放入碟中，再淋上湯便可進食。

2018.Jan.3.的晚餐

前两天係电视學咗三姐的榄菜乾燒排骨，雖然唔健康，試吓煮一次咁多啦。

再煲個象拔蚌红蘿蔔栗米湯，同煮碟椰菜中和吓，希望好d卦！

蒜香豬扒

網友(Thomas)的好介绍。。。。今日試吓佢提供的醃豬扒方法，不過我用鬆肉粉代替梳打粉，感覺上好似健康d😄

之後我加入蒜茸葱花同紹酒回鑊。。。。好好味呀。。。。謝謝你。。。。如心！

2018。Jan。2的午餐

今天食。。。

大蒜洋葱炒肥牛

沙薑雞脚

西洋菜魚球湯

新年小食之燒賣

今日因為要當更，冇出街，買咗d燒賣皮，一於整番碟蟹籽燒賣。。。一於紅一紅，攞番個好意头啦。

2018。1月1号。新開始

今天是元旦(2018)。。。。。新的開始，所以要食紅皮赤壯(大紅燒肉)，一於旺吓啦。。。。我地d古老人係八卦d嫁。

各位。。。。新春愉快！