米形意粉

之前係雜誌見過这意粉，一路都揾唔到，前幾天咁啱比我係希慎下面的超市發現到，咁就一於做吓白鼠囉。

今日我用白汁煮完，再加幾片雞下肶肉跟來吃，果然不俗呢。

山西陳醋雞

今日消滅埋d紅黄椒，所以用咗山西陳醋來煮雞，果然味道都唔差。

材料

雞肶一隻斬件(用古月粉，盐，生粉醃過)
羌片數片

紅黄椒，洋葱切角適量

調味

糖，山西陳醋，老抽

先用油爆香羗片，放入雞件煎至金黄色，加入配料，調味，煮片刻至熟便可上碟。

彩椒炒豚肉粒

今日炒個七彩的餸。。。。。就係彩椒豚肉粒。

材料

黄椒，紅椒，紅蘿蔔粒
洋葱粒
豚肉粒

調味

味淋，萬字醬油，盐，糖，黑椒碎

做法

先用油爆香蒜片，落豚肉粒炒至半熟，加入彩椒同調味，快手兜到汁收乾便可上碟。

Feb.25.2018(Sunday lunch)

今日食得簡單d,煮咗個鮮茄肉碎煎蛋碟头飯，加多個乳酪生果沙律就算。

Feb.24.2018(年初九)的午餐

尤於今日要開工，那印佣又未出院，所以叫咗太后個媳婦來顶更。

我今天整咗瑞士雞翼，釀茄子荳卜，觀達菜(太后私家餸)同埋西洋菜滚肉片湯

臨出街前比咗半碗川貝燉雪梨太后飲，如果我唔親自監場，佢又呀知呀咗嫁。

魚湯米線

今朝冇乜胃口食嘢，是但用魚骨煮咗個湯，加d米線同幾隻『東東云吞』就算。

魚香茄子

由於近日人手短缺。。。。是但地煮簡單餸就算。。。。今天这味是超簡單的魚香茄子。

年初五(Feb. 20.2018)的午餐

今天一切回復正常的生活，亦是没有印佣的第一天(因佢要入院檢查幾天)好彩暫時都搅得掂。。。。我搅好晒太后坐定定食早晨至出去買餸(速去速回)。。。。今天的午餐係。。。。

咖喱雞
鴨脷
煮黄芽白

雞油鮮虾扒豆腐

今日用埋開年那天蒸完雞的雞油來一味。。。。物盡其用之菜式，雖然係邪惡咗少少，但一年一次半次都算吧。。。。反正我都係揾白老鼠多点。哈哈！

開年午餐(Feb.17.2018)

每年年初二最细的妹一家五口一定回來食開年飯，今年亦不例外。。。。等佢地見多太后一面啦。

大年初一(狗年)的午餐

『十年如一日』的例牌新年午餐。。。源自外婆至今從未改過！

南乳齋
生菜
腐乳

用紅快筷，添飯，朝齋晚雜自幼食到老。。。。哈哈！

Feb.15.2018(年三十)的午餐

一年容易又到咗年三十(送雞迎狗)的中國除夕日。。。。。

唔知否年纪大咗。。。。每年的新年都是没驚喜的渡過，加上太后的病情加深咗，自己亦能力有限，很多習俗亦没有做了，更覺没有新年的气氛。

團了年，所以今天亦簡單地回普通的家常餸。。。過了明天。。。一切亦會回復平時的日子。

麻辣雞翼尖

今朝買咗包(冇激素，佢話咋)的雞翼尖，我用麻辣醬同老抽，糖炆咗佢，一來惹味d,二来又可去雪味。

筍虾炆腩肉

自幼由亞婆開始，每年的年尾家裡一定炆定煲『南乳筍虾炆腩肉』壓年的。

今年不例外，炆定两斤筍虾來壓年。

做法

水浸筍(两斤)一定要浸至两天，要換水

再飛水候用

先烚淋腩肉，用蒜片起鑊。加入腩肉爆香南乳，芝麻醬，放入筍兜勻，加入蒜仔(類似葱)，加老抽，糖，盐，水炆至筍及腩肉入味。

墨魚膠釀糯米

昨天做完糯米蒸排骨，見重有糯米剩低，突然諗到不如用墨魚膠包着來蒸，之後打番個玻璃獻，又唔知好唔好食呢。。。。咁就要留番比d白老鼠話我知嘞。。。。用这两天胃炎唔敢試呀。

Feb.12.2018的午餐

今日的午餐係食冬菇炆雞，豬潤瘦肉韭杞滚湯，同埋糯米蒸排骨。

傳統角仔

相信做埋今日我應該收爐，因為之前跟人做的角仔係肉鬆餡，個人口味唔啱，所以我都係上網搵食譜，試吓傳統的花生芝麻又如何。

今日这食譜很簡單。。。炸完都OK,唯一唔多滿意就係個颜色唔夠金黄，可能我唔想嘥油，唔夠多卦。

魚湯樱花虾蘿蔔糕

今日搅搅新意思。。。。。新產品！

冇得頂之笑口棗

今天自己炸豬油，所以特別鬆化。。。。。好好食！

材料

麵粉300gm
發粉1-1/2茶匙
食用梳打。1/2茶匙

糖55gm)。。。。
暖水27gm)。。。
蛋1只)。。。。。。
豬油20gm)。。。。以上撈勻

按成小粒，灑水，轆過芝麻，炸香OK😁

Feb.3.2018(sat)的午餐

今天食。。。。。

紅棗蟲草花云耳蒸雞翼
煮節瓜片
雜菜XO醬炒鮮鱿虾仁
花生雞腳

Feb.2.2018的晚餐

有人唔抵得我家太后食用好，我就偏要煮好d,吹咩？

其實係有d人大把錢但又唔用，想留番d錢第日帶埋落去駛卦？我都幫唔到佢咯。

今晚食蒜茸蒸盲鰽魚，蒸素腐皮卷，豬腳仔，雞腳花生，腐乳炒生菜。。。。其實每碟都是細細碟(有d重係隔夜餸)，咁都睇唔開都冇計嫁。

Feb.1.2018的午餐

今日因為要抽血，返到家巳經十点幾，是但煮個咖喱雞同灼生菜就算。