靚婆婆: 4月 2018

2018年4月29日星期日

『半生瓜』

很耐冇煮这半生瓜嘞。。。。但对我來講又何止半生呢！

今天用去骨雞肶同蒜头豆豉來炒。。。。十分惹味呢。

2018年4月26日星期四

黑白芝麻甜酸雞球

一隻起肉雞肶巳經可做到碟小食。好正呢！

雞肶起肉後，上蛋漿，生粉炸脆身。

準備定個甜酸汁。。。。茄汁，白醋，糖，泰式雞醬，黑白芝麻。

回鑊再炸第二次，放回汁快手兜匀灑入芝麻便可上碟。

2018年4月24日星期二

粟米雞粒一人餐

我今晚食碟头飯，簡簡單單
又一餐。。。。今次用咗新產品(对我來講算係，因為之前未見過)北海道甜粟罐头湯，好正。

加多碗去濕老黄瓜水。。。。yummy!

2018年4月22日星期日

白酒蜆肉意粉

今日黐咗線，突然想食意粉，特登走咗去Sogo買新鮮『鬼佬番芫茜』，照足食譜。。。有花甲，新鮮番芫茜，干辣椒，指天椒，蒜茸，白酒，意粉。。。正式係「妹仔大過主人婆」嘞😂

Sunday lunch

本來食肉醬意粉。。。。点知冇意粉。。。。唯有窩蛋免治肉碎碟头飯，太后就食大魚头同炒西芹。

2018年4月21日星期六

April.21.2018的午餐

今日試新配搭。。。雪裡红，翠玉瓜同草菇一齊煮，都OK噃😊

粟米汁虾球

咖喱素魚旦(口感好似)

酸梅麵豉蒸大鱼头

2018年4月19日星期四

这两天的午餐

昨天的全魚餐。。。加埋今日的雞，南乳齋，酸齋羊肚菌燉湯。。。。

2018年4月17日星期二

簡易豬扒焗飯

昨天懒懶地整咗個超級容易的焗豬扒飯。。。。。

材料

白飯
自製蕃茄蓉(鲜蕃茄去皮，加糖煮成蓉)、不用加水

蒜茸豬扒煎熟

先放入白飯、豬扒、淋上蕃茄茸、再最後灑入碎芝士、放入预熬焗爐、焗至芝士溶便可食。

2018年4月16日星期一

西洋菜餃子

今次怕麻烦，唔自己整餃子皮，做咗幾十隻嚟送比人，自己留起幾隻用蕃茄放湯食，見重有皮剩就煎幾隻食吓啦。

我的餡有豬肉，西洋菜，鲜虾，滑蛋。

2018年4月14日星期六

我的週末午餐(4。14。2018)

今朝食釀辣椒，樱花虾煮粉絲椰菜。。。。再加多碟『新發明』。。。。哈哈哈。。。金沙炒滑蛋！

從电視偷師的菜式

这味餸估唔到幾好食，以前好怕食秋葵，怕佢滑孱孱，但咁煮法又唔錯喎，因為加入陳醋同糖嚟煮，惹味得嚟好送飯添。

2018年4月13日星期五

没有食譜的榴槤乳酪慕蛋糕

我曾經很愛榴槤，但隨着年纪大，血糖高，巳戒了很多年，但昨日在超市見到又忍唔住。。。。一於做番個自創(因没有份量)的慕絲蛋糕。。。。。估唔到効果都唔差。。。。除咗有榴槤肉，低脂乳酪，忌廉同少少糖，加多層清蛋糕，應該都會健康d卦。

2018年4月11日星期三

四季盐焗粉焗雞肶

四季盐焗粉係我至喜歡的醃料之一，通常我整盐雞多數用佢作醃料，隨着我同太后越來越細食，由一隻雞減至半边雞，而家重减到一隻去骨雞肶添。(方便太后食)

而家屋企的姐姐好巴閉，唔食我地d嘢，我買開等佢自己煮，我淨煮比自己同太后食。

2018年4月10日星期二

扮靓的日子

今天又係同太后去扮靓兼食晏。。。。一如往日去希慎個food court食。。。。因為工人隨佢地喜好order自己的食物，反正我都係食少少啫。

2018年4月9日星期一

『佛系』的年代

近日網上流行『佛系』这两個字，我亦隨波俗流的學人談論吓，雖然这两個字完全同宗教没有關係，但我所理解的是现今大多数人的心態好似得過且過，没有任何動力去做任何事，近日我發覺可能自己都步入『佛系』的老年期，不愛社交，不愛煮食，不愛思維。。。。好像什麽也提不起興趣，每天都是起床後等再到晚上再睡過。。。。这種日子好像等死一樣。