沙嗲海鮮炒米粉

之前買咗包急凍海鮮煮意粉。。見還有半包剩。。今天試吓用沙嗲醬炒埋d米粉。。唔好嘥啦。。。都好惹味呢。

一人飯煲的雞飯

發覺原來一人电飯煲用來煮簡單的有味飯最正。

今早我買咗半隻雞。。醃後(一般豉油豆粉糖)。。之後用薑片加酒爆吓候用。。。煮到飯收水時加入雞件。。煮好後臨食時再加入芫茜葱焗约五分钟。

白鰂魚先用薑煎吓加水滚至奶白色。。。臨食時才加莧菜煮淋。

夾心朱古力

好多年冇做朱古力。。昨天心血來潮做番幾粒嚟玩吓啦。

當然冇做咁耐手勢係生疏咗少少。。但都勉強見得下人嘅。。。當然亦有進步的空間。

自己浸發水鱿

我之前上網學吓自己浸發魷魚。。本來諗住整咖喱(心諗自己浸發点都健康一些吧。。但由於自己附近的街市買不到大只的乾鱿魚。。又心急想做。。是但用咗細的來浸發。。。當然効果沒有預期的好。。。所以今次用韓式的做法就算。。。做法如下。。。

。

惹味咕咾骨

前一陣係網上跟人學咗個甜酸汁。。好方便。。煑定一樽可放雪柜隨時用作甜酸魚。。雞。。咕咾肉。。甚至酸齋。

今天煮咗一小碟跟飯食。。好惹味。材料大致上沒有特別。。。除咗白醋。。茄汁。。盐。。糖。。之外加入少許檸檬汁。。同埋罐头波蘿入面的水。。最後少少一两滴醬油(老抽)作調色用。

南瓜(蒸)月餅

今年搅吓(新意思)相信沒有很多人吃過的蒸月餅。。。材料不外是南瓜蓉加入糖。。椰汁。。糯米粉搓成的餅皮。。而餡方面我用咗開边綠豆+糖+芝士+椰汁煮成做餡。

原理等同做南瓜煎軟餅。。不過原來發覺綠豆蓉同南瓜好配合。

魚湯浸魚

記得廿多年前我學飪時期曾經有老師教我們浸魚。。浸雞的菜式。

今天我用这方法用於一人餐的食譜中。

先用梭羅魚煮湯。。再加入冬瓜片煮好後。。放入黃腳立浸熟。。跟豉油吃。好吃又可「一镬熟」哈哈哈。

散尾(加料)云吞

平時的廣東云吞只有虾。。豬肉。但今次我包的加埋滑蛋。。白菜茸。所以特別滋味。

紅棗綠豆糕

这是一款幾健康的糕点。。。不用炸。。焗。。只要將開边的綠豆先浸淋。。隔去水份再蒸淋。。之後用隔隔出蓉。。加入糖。。牛油推到豆蓉成粉糰狀。放涼後用月餅模吸出型狀。。雪凍後便可進食。

泰式酸辣汁海鮮沙律

这個沙律主要嘅材料有。。鮮魷。。虾。。三色椒。。蕃茄。。紫洋葱。。干葱。。。蒜片。

個泰式酸辣汁嘅材料有。。芫茜茸。。蒜茸。。泰式雞醬。。魚露。。青檸汁。。椰糖水。。。青。。红。。指天椒。。

燕菜月餅

今年不做傳統的月餅。。原來今年係fb大熱的是健康版嘅燕菜月餅。。。本來諗住用新鮮果汁嚟做。。但唔知成功与否。。所以用食用的顏色試做吓就算咯。

一人前之午餐

今朝隔離師奶的菜式唔啱自己的口味。。所以各自煮自己的午餐。。。。所以煲咗個湯同蒸咗碗「陳皮馬蹄牛肉」飯就算。

黑白芝麻糖

早两日係fb見到这個糖。。一心又想試吓。。。不過可能係第一次做。。經驗不足。。。應該下次改良過之後會好一点。。。今次似乎煮得焦咗少許。

危險的晚餐

昨晚為咗黐餐。。走咗去朋友家中作客。。去的時候本來好太平。。。鬼知到咗七点幾又話红隧有人佔領。。好彩只係快閃。。终於食完免費餐安全回家啫。。日後唔通成日唔出街咩。

唉。。。估唔到臨老至遇到这種事。。。正如我講過。。人的一生是没有完美的。。。太后細時經歷過日治時代。。而到我这一代就經歷(還未搵到合適的形容詞)。。亦印証先苦後甜。。同先甜後苦的道理就真嘅。

陳皮鴨腿湯飯

Le個飯係細時很喜歡吃的。。但現在很少地方有得食。。。前两天買咗一边冰鮮鴨。。係沒有食譜的情形下亂咁撞。。。雖然唔太似细時食過的那種味道。。。自我安慰的當成功咗啦。。。哈哈哈。

陳皮鴨

早輪朋友送咗樽「新會果皮絲」比我蒸魚用。。我試吓用嚟做咗半隻鴨。。。効果唔錯。。我重留起隻肶今晚做冬瓜鸭腿湯飯添。

今次我的做法係先用薑葱加酒飛水。。之後用老抽醃過。。再煎吓鴨身。。加入花椒。。八角。。桂皮。。香葉。。生抽。。蚝油。。糖。。水。。再炆约一小時。。拎起斬件。。。將剩餘之汁用生粉水埋獻。。隔渣淋在巳鋪在碟上之鸭件即成。

碟头飯。。。蔥油手撕雞(肶)

今晚一個人食。。簡簡單單就算。。。一早用盐醃定隻雞肶。。蒸熟後用手撕成條狀。。再淋上用葱煮過熟油。。再灑上芝麻葱花就是。

午餐同樂日

今早落街市買到條游水嘅黃腳立。。。返到屋企同隔離師奶開心share、一於每人出两味餸。。我出豆腐佢出茄子。。。佢出肉碎我出節瓜。。。食得開心又一餐。。。話之出面立立亂。。。食咗至算囉。

紙包雞之。。。靚婆婆版

昨天post咗纸包雞翼係fb(本來是八号風球前做比朋友的)由於唔想雪咁耐。。。所以昨天焗完送晒比人食。今天去朋友家中作客。。。所以又做咗十幾件(今次用雞肶肉。。因為佢奶奶牙力唔好)、其實我这方法係自己諗出來。。同以前在沙田酒家的味道差不多(因為沒有配方。。加上事隔太耐唔記得乜味。。。一於靠估)。主角其實係干葱同葱白。。原裝的係成件炸。。我用焗的方法比較健康DD。

豆腐魚餅

近來因還未搅掂d牙齒問題。。。差不多日日食豆腐。。為咗不同嘅口味。。有時我會用肉碎扒豆腐。。海鮮扒豆腐。。釀豆腐。。。今天又試一味豆腐魚肉餅。