韓國炒粉絲同餃子午餐

今早韓國鄰居炒粉絲同蘿蔔湯，我整餃子。

一齊開餐都幾開心。

芋头有味钣

今晚用個一人煲，煲咗有味飯(芋头，冬菇，雞肉，豬肉，臘腸，芫茜，葱）。

再加碟灼菜心，好滿足。

菜遠肥牛米粉

昨晚的食物有剩，我分到肥牛，所以今早用咗菜遠，肥牛，煮了一碟米粉做午餐。

两人前之燒烤＆一人一窩

今晚即興玩燒烤＆一人一窩，因鄰居有塊燒烤石，加埋各自出動一人窩，又可燒烤，又可打边爐，十分有趣。

我們買了很多海鲜及蔬菜同豬牛肉，不過由於只能两人同枱，我們只好燒完後分發给另一些鄰居食，否则两人根本吃不晒呢。

凉拌「陳村粉」

今早同鄰居買米同厕纸，顺便外購咗盒「凉拌陳村粉」食，由於唔食辣，所以只捞麻醬，味道都唔錯。

有時唔想煮時，間中買些外購的食物，幫助吓個經濟都好吖。

生炒牛肉飯

今早食咗雞肶菜飯，而今晚就食生炒牛肉飯，由於沒有西生莱，只好用雞蛋同牛肉一齊炒，賣相都唔錯呢。

隨心隨意的生活

現今世界每天都在驟變中，過往的數十年從未遇上，所以自己的思维亦改變了，年青時好有理想，想着畢業後，工作，结婚(不生育），後來發覺很多事都並不是如計劃中實現。

加上近年發覺很多事都不可能预計，现在我奉行做什麽都是「隨心隨意」，不做任何計劃，这分鈡只要自己開心而又不影响他人便去做，反正下一秒都不知能否「生存」呢。

就算平常的生活習慣亦改變不少，以前每逢買了新衣，新鞋，往往收藏至一段日子都唔穿着(甚至忘記了），現在買完第一時間就穿着，食物亦一樣。

(圖片來自網络）

芋头炆雞

芋头同蘿蔔都是冬天的至佳食材，这碟餸是為咗今晚而準備定的。

平時我少在午餐時煮的，因鄰居不吃芋头，所以我多數在晚餐時才煮(因佢要返工）另一款香芋油鴨我遲些都會煮。

牛肉湯米

今早继續食雜糧，昨晚食捞麵，今早就食湯米，無油，又簡單，是是但但又一餐。

牛肉捞麵

之前買落的生麵，還有两個在雪柜，今晚煮一個嚟做晚餐，用牛肉同椰莱伴麵食。

最後灑入虾子同炸蒜、加強真相😛

午餐（Jan.26.2021)

今天同鄰居一齊開餐、所以多幾味餸😋

午餐有：紅燒肉、荷荳炒臘腸、蒜茸蒸茄子、羊肚菌燉湯

眉豆糕

这糕幾年前曾經做過，今次因為上次做完的眉豆茶棵剩咗d餡，唔想再整，所以加番少少虾米同冬菇，再蒸底「眉豆糕」食吓啦。

份量:

粘米粉150克

粟粉50克

水600克

盐约一至二茶匙

眉豆餡约200克(巳有調味）

油少許

大火蒸约45分钟

大雜會

摷雪柜發覺有些冬菇，虾米，瑤柱用完剩低咗，又有小塊白蘿蔔，荳卜，终於抱著慳家的心態，煮埋一碟，臨尾灑入「虾子」，目的是影相靚d😆

翻版的KFC蘑菇飯

個人喜愛这飯，但不知怎樣製制作，偶然在YouTube 某频道見到怎樣做，所以今早又做「東施」。

電飯煲焗雞

昨天買了一個煲飯同煲粥的唔黏底嘅電飯煲，大特價，只係＄188！

今早試用嚟做「電飯煲焗雞」，十分方便，做完後那些放在煲底的薑葱十分美味。

星期六的午餐

今日食蘿蔔有味飯，日月魚湯(昨日的），荷豆炒帶子。

眉豆茶粿

终於今日成功做咗眉豆茶粿，感覺上都有八九成似。

今次個餡照足網上的做法，先浸眉豆過夜，再蒸约一小時至腍，加入切碎之虾米同甜菜甫(用五香粉，盐，糖炒過）,再壓碎及混合成餡。

皮的成份:

糯米粉150克

粘米粉50克

盐少許

大滚水约160至180ml

搓成粉糰後，分割成(大约30至35克）一份，可做8個左右

包入餡料，再用蕉葉(搽過油）包着蒸15分钟便成。

日月魚乾螺头煲節瓜

以前日月魚賣得幾貴，唔知点解今次只賣＄70(4両）。

上網摷到個湯譜(原本是用合掌瓜），不過我改用節瓜，其他材料有:海竹片(玉竹），准山，百合，龍眼乾，乾螺片，水展(豬肉），果皮。

據聞这個湯是補腎，滋陰，明目的。

看透了的人生

記得两年前母親的離世，心中充滿怨恨，恨家人的無情，事隔两年，發覺这两年間變化之大，世界更變得不再是自己認識的世界，自己土生土長的地方變得令人「陌生」，現在反而慶幸母親離開得及時，若然留到今天，可能不可以將她的葬礼安頓好(而她能活到九十高齡亦算長壽，現在她能離苦得樂）回想起來，我的怨恨亦漸漸淡忘了不少。

現在每天能睁開眼晴继續生存，真的是感恩，自從母親離去後，我这幾十年的壓力亦慚慚消除，以前有句話:父母在，家還在，但在我心中並不認同，因為自己的個案比較特別，他們不在我反而找回「真」的自己。

(这是今天在fb彈出來我曾節錄的金句，作為对自己的提醒）

外購午餐及晚餐

今日全日都懶惰，上午因有師傅來修理洗衣机，所以只買咗客「两餸飯」，现在这些两餸飯的舖同凍肉公司開到成行成市，梗有一間係左近。

下午一個人又走了去九龍城行街，(因為每天困在家中，再唔走動一下真係會發癫嫁）

回程時經朋友介绍在土瓜湾買了一客南乳炆豬手回家捞碟粗麵食。

古法蒸年糕

我很久以前曾經學過蒸年糕、但由於失手蒸唔熟就放棄了多年、今次朋友介紹我上網學这款用糯米浸淋後加入糖水打成漿再蒸約一小時的「古法蒸年糕」、果然唔錯、永不失手😅

口感方面、可能我還未掌握到竅門、還差少少、有待改進！

素腐皮卷午餐

今早大厦洗水箱，好彩一早留定水蒸碗飯，再蒸幾條之前做定的素腐皮卷，簡單又搅掂。可能前两日出街太耐，搅到條腰骨同隻腳(之前痛開那隻）又痛番添。

唉！人老咗真係多痛症。

方便餐

昨天晚上又再次吃得簡約一点，只是「菜」方面換上绍菜，肉就换上「腩片」，同時加上炸蒜，令賣相看得「靚」一些。

雖然近年看透世情，能吃得飽便算，不過。。曾經是個「完美主義者」，所以在食物上点都要「整色整水」😉

电飯煲叉燒

今日幫鄰居做咗碟「电飯煲」叉燒。

効果都唔錯，因為佢講在焗爐焗的太熱气，所以要求用电飯煲嚟整。

四季盐焗粉蒸雞

今日照完超声波，走咗去西營盤買雞兼買油角仔(俗稱酥角）記得细時有親戚嚟拜年一定帶给我食的，近幾十年巳没有食過这種角仔，知道西營盤有間舊式的餅舖有得賣，所以顺道走一轉。

快速午餐

由於今日要返醫院照腎，所以今早快快食個「速食」午餐。

肉片菜湯米就是今天的「速食」。。。

韓式海帶蚝湯

昨日韓國鄰居又整嘢食，做完送了一碗韓國海帶蚝湯给我，材料除咗有海帶，韓國蚝，還有類似魚仔乾的東西，都幾惹味，冬天咁凍的气候下，喝一碗熱呼呼的湯實在好溫暖呢。

今日排期排到去照個「腎」，近月腰部都常常「陰陰痛」，唉！希望不要住醫院就好咯。

花生芝麻茶菓

今日試做甜茶菓，因昨日做的眉豆咸茶菓不太成功，今天再接再勵，重做試吓個皮，餡料有花生，黑芝麻同糖。

枝竹魚鬆煮蘿蔔

今日煮咗碟好送飯的餸。

本來食譜只是枝竹炆蘿蔔，但我加了鲮魚肉一齊炆，多点鲜味囉。

素腐皮卷

昨天做了幾嚿素腐卷，分別蒸同半煎炸。

今次的餡料我用:翠玉瓜，粉絲，云耳，紅蘿蔔，鲜冬菇，金菇。

蒸完的腐皮卷打個蚝油獻淋在腐皮卷上，煎過的腐友卷可跟陳醋一起食。

雜糧

而家慳得就慳，早餐食唔晒嘅炒麵，加入唔同的雜菜再炒埋一碟做晚餐。

糖不甩

以前我十分喜愛这甜品，不過現在有咗「糖尿病」，只能好耐好耐至食兩三粒。

昨晚鄰居們想吃，我做了一大碟，自己只食咗三粒。

南瓜雞肉飯

这幾日天气還是很凍、煮有味飯就方便好多、一煲過、不用洗咁多碗碟、慳水慳力添！

所以昨晚煮咗南瓜雞肉飯做晚餐🤤

馬蹄糕

之前在贴文中曾經講過，因身体越來越差，今年不打算做太多賀年食品，每種糕只做一次嚟滿足下自己的胃，所以昨天做埋「馬蹄糕」便收爐。

今次做得十分滿意，無論是口感，軟硬，颜色，自己都認為有80分左右。

材料:馬碲粉250gm/黄片糖250g/水500gm（開粉用）/ 水750gm(煮糖用）/馬碲肉约200gm(部份切片，部份打碎）

做法:粉開水後加入馬蹄碎打勻，糖煮溶後加入馬蹄片，再冲入有粉之水內，加數滴油，边煮边搅到杰身，放入盆中大火蒸约40分钟即成。

母親的死忌（Jan.14.2021）

今天是母親的死忌、兩年過去了、當年的事還歷歷在眼前、心中還是未能釋懷、但願時間能令我淡忘過去的伤痛！

由於目前處於疫情的關係、故未能於墳前獻上鮮花、今天只能在家中給她懷念就是😢

相處數十年之回憶、相信有生之年都未能忘記、但願佢現在於西方極樂也好、天堂也好、能無憂無慮的同她的家人继续生活吧🙏

（圖片來自網络）

（希望某一天、我能做得到）

白蘿蔔粒煮有味飯

今晚跟YouTube 上一個食譜，用白蘿蔔粒，豬肉粒，冬菇粒，青岛貝加米炒過，煮有味飯，煮好時加入蒸熟之臘腸粒，同葱花芫茜碎，再淋上煲仔飯甜豉油一起食，好正呢。

炒飯午餐

雖然今天回暖了幾度，但形然覺得凍，加上流鼻水，叫咗鄰居幫我買收鼻水药，希望冇咁辛苦啦。

所以今早是但摷吓個雪柜，看看有什麽可以食的，最终用叉燒，蛋，粟米粒，菜粒炒咗碗飯食就算。

雜糧

昨晚天气還是很凍，不想搅太多要洗的晚餐，匆匆買了半斤芽莱，切了少許唐芹，加入幾片瘦肉，炒咗碟米粉食就是。

今早起床，鼻水流不停。。。惨呀！

冬菇雞腳燉湯

今天又想清吓個雪柜，見有雞脚，雞柳，所以用咗幾只冬菇，两片云腿，燉两碗湯，天寒地凍，飲些熱湯保吓暖吧。

彩色的晚餐

今日全日留在床上渡過，因為實在太凍了。老人家不習慣咁凍的天气，所以今晚將昨天食剩的另類糯米飯改變一吓，又成一道美味而又顏色鲜艷的米飯喇。

蕎麥麵早餐

連日來都處於寒冷的天气下、為咗預防低溫症、今早食碗「熱呼呼」的早餐！

我跟足韓國鄰居的教路、先將蕎麥麵煮過放在碗中央、麵上放入白蘿蔔茸、葱花、芝麻、（自己加入少少蟹柳）、先淋上蕎麥汁、（本來巳完成、但不習慣食冷麵、所以在碗边再淋入熱湯）🤤🤤🤤

另類「糯米雞」

由於骨有事，唔敢多吃糯米，唯有改用「台湾米」試做幾只，估唔到效果唔錯，原因台灣米有種類似「糯米」的口感。

至於餡方面有义燒，瑤柱絲，冬菇，臘腸，用蚝油，糖，老抽，水，打獻就是。

金菇绍菜炆米粉

昨晚食雜糧，煮了碟炆米粉食。

材料有金菇，紹菜切幼條，肉片，用雞湯，蚝油一齊炆咗碟米粉食。

一人午餐

由昨天開始二人聚集伸展到我們的長者屋苑、暫時只好各自煮食、分開嚟食囉！

今早鄰居留起碗三色飯比我、自己釀了碟「鲮魚白蘿蔔圈圈」、簡單又一餐😊

蜜糖一字骨

今日突然好想食「一字骨」，走咗去買冰鲜一字骨，原來冰鮮的都唔平，小小的幾嚿都要六十蚊，如果買新鮮（肉枱）的，相信要成百蚊呀。

鄰居今早買了隻即劏的雞，原來要 ＄280（＄90／斤）嘩！真係嚇死人呢。未來的糧食真的越買越貴，遲些可以真的要食「豬油捞飯」咯。

作為100000萬瀏覽量的一個總結

我從2011年（大概）開始寫網誌、期間經過亞虎的摺埋、又要從新開始在另一平台继续 、經過差不多十年的每天分享「生活点滴」、從中認識了不少網友、有些雖然中途失联、有些甚至「往生」咗、亦有數位維持至今、心感榮幸、而且在分享的同時、遇到心情欠佳時、得到不少的鼓勵及開解、回想當年寫網誌主要原因是因為陪伴咗我17年的愛犬離世、加上當因誤會（不明當年她的失智）和母親發生了問題、在心情極度失落的情形下開始、估不到時光飛逝、轉眼間十年巳過、近來身体欠佳、不知還有多少個年头在这裡(继续分享下去）、所以選擇了一幅比較滿意的舊照作為結尾😛