『越美舞淺』日的最后衝刺

不知是什麼人起了这個名稱、所以我又跟吓隊囉😂😂😂

昨天同太后的好朋友完茶之後、回到住的那區買了兩份魚（$100/2份）、黃腳立拎嚟蒸、青根煮湯（紫菜豆腐）、發現雪柜還有蟹肉剩低、所以加入红蘿蔔碎、洋葱碎、蘑菇碎做餡、又整两個「釀蟹蓋」、好好食🤤🤤🤤

千禧新世界酒店~午餐

今日約了太后的好朋友及兒子午餐、经過幾年的疫情、我們很久没有見面了、今時今日世事千變萬化、所以捉緊每一次相聚的時刻吧😚

那酒店的点心偏贵（因為是五星级）、但個人口味不太喜欢、菠蘿包超硬、煎堆仔唔鬆、沒有炒粉麵飯、75折之後都成$800、酒店出品不外如是吧🤭

辣子雞丁

今日做的「辣子雞丁」是從網上學的、同以前做過的配方有少少出入🤭

这一次用了雞柳（切丁方）、花椒、辣椒干、蒜片、花生、香芹（切段）

调味：老抽、糖、茄汁、生油

七彩炒米粉

今早做完個手抓餅卷、剩低的餡不如炒個米粉就算😋😋😋

不過唔太喜欢個手抓餅卷的口感、餘下的手抓餅同餡比埋鄰居、可能自细跟得我家「太后」多、所以有少少「衰格」囉😂😂😂

鮮沙薑炆雞翼

这碟餸是幫鄰居煮的、佢前两天由湛江返嚟、帶咗好多「新鮮沙薑」、又靚又新鮮、所以個叫我幫佢煮味餸帶返工食🤔

雞翼溶雪後用盐洗吓、拖拖水、新鮮沙薑去皮切片、在煲仔爆香沙薑片至出味、落雞翼、赞酒、加入蚝油、糖、老抽、水（不要太多）、太火炆至汁液收乾便可上碟🤭

煎牛扒~南瓜湯

今日鄰居想吃西餐、所以我做了南瓜湯同煎牛扒跟烚菜同薯蓉、一於做餐~西餐吧😋😋😋

先炒麵捞、加入南瓜蓉、同鮮奶、雞湯、之後用搅拌机打過後過濾便ok

牛排每边煎一分钟左右便可以、煎的過程中灑少少盐同黑椒😋😋😋

干燒伊麵

今早食湯伊麵、今晚就用草菇同韭王炆碟「干燒伊麵」同鄰居一齊食吧😄

这個伊麵都好喜欢吃、但伊麵油份多、平時都不敢多吃的、偶然一次相信都可以嘅🤭

蟹肉伊麵

記憶中在年幼時、那時去飲宴、開席前若肚餓可叫碗蟹肉伊麵吃（这當然要得到主家的簽名才可以order）、不過现在早巳沒有这類安排了🤪

今天自己就煮一碗嚟喚起「那些年」的記憶吧

先將伊麵煮好放碗中、放入上湯（當然現在最方便就是用史XX)啦

再用油炒過蟹肉同韭黃、放入湯、埋獻、熄火、再推入蛋白、之後放在伊麵上就ok

题外話：今天兩隻花蟹要$138、拆完只得小碗肉而矣

同鄰居開餐~（晚餐）

今晚鄰居同我一齊開餐、當然我做主廚、用了大概$280、做了三餸一湯、包括葱油沙薑雞、蒜茸莧菜、（翅群边煲雞殼海竹豬展红蘿蔔湯）、糖醋红燒骨

都頗豐富的、味道就等她們評價吧🤔

每人都唔駛$100（3人晚餐）

五香咸旦腐皮卷

今日自創这個「五香卷」、味道唔差、可惜個脆漿做得差一点、唔夠脆身、有進步嘅空間🤔

五香卷的餡料有免治豬肉、咸旦、馬蹄、五香粉、加入一般的調味（盐、糖、豉油、生粉）、用腐皮卷上、煎熟、再開粉漿炸過、切片、再两边煎一煎、可蘸茄醬、或雞醬、沙律醬之類

不過今次的賣相差少少就真🤭

日式豚肉炒河粉

今早返教會前買了包日式豚肉、回家匆匆加些椰菜絲、红蘿蔔絲、炒咗碟河粉食就算、半斤河粉都要分两次食才可食完🤔

味道同賣相都唔錯😉

荷葉飯

幾年冇做過荷葉飯嘞、本來想等有「新鮮荷葉」賣嘅時候才做的、但等不及啦、今天做了幾個、自己食一個、其他三個送比鄰居吧😋😋😋

今次的餡有青島貝、冬菇、八爪魚、虾仁、帶子、蛋、故富吧、调味就一般的豉油、老抽、蚝油！

冬陰公花甲湯濑粉

今日同朋友飲完下午茶、上咗街市買到一斤好大只嘅花甲、用咗冬陰公嘅方法整咗两碗湯濑粉、一碗自己、一碗鄰居、超级好味、我的食慾當堂返回來啦😋😋😋

海鮮福建煎米粉

这两天真是「作死」、連少少的食慾都欠奉、但每天煮食的習慣暫時還好、重可以（雖然煮完冇食慾）、若連煮的動力都『失埋』就真係快蒙主寵召嘞

今早的海鮮福建煎米粉、概念來自福建炒飯、材料有急凍虾仁、帶子、青島貝、冬菇、雞蛋同西蘭花（先將米粉煎至两面燶燶地、放碟上、煮好海鮮料埋個比較杰身的人才淋在米粉即成🤤🤤🤤

燒賣

昨天做了少量燒賣、是豬肉、虾同帶子混合的餡、今天就做了少量的魚肉燒賣（魚肉釀支竹、剩下來的）🤔

素菜煲

今晚唔想食飯、買咗西蘭花同支竹、是但整個「素菜煲」就算吧😚

西蘭花先飛水、支竹亦拖吓水、之後用湯先煮淋支竹用蛋白埋獻、放在巳有西蘭花之煲仔上继续煮片刻、再放入蛋王在就是😚

雜錦炒飯

今天要返「查经班」、下午有師傅嚟修理水箱、所以嗱嗱臨炒定这碟飯才去教會、放學後翻熱便食得😚~懒

雖然全都是廚餘、但都幾豐富嫁、有帶子、虾粒、煙肉、菠蘿、西蘭花

经網友建議、再加埋蛋一齊、顏色靓咗好多🤪🤪🤪

第二次~鸳鸯奶凍

今日買咗好好味嘅榴槤同小腰芒、一於做幾杯甜品😋😋😋

榴槤加奶打成茸

芒果肉加奶打成茸

魚膠粉加水坐溶

分別加入以上

一層餅碎一層芒果茸、再加一層餅碎一層榴槤茸直到滿為止、雪凍後便可品嚐🤭

自家制的~脆pizza

今早去完黃埔的「吉吉岛」 、買了成枱嘢、出完消費卷就「手痕」😋

回家後先玩吓脆pizza

在網上摷個食谱、方便、是但加入車厘茄、罐头菠蘿、煙肉碎、芝土碎、焗約14分钟便可出爐😄

我的~新眼鏡

其實这眼鏡配了差不多两年、但一直都少戴、因為太新潮、所以接唔到job、而黑边那副比較容易接到job、但昨天跌壞咗、所以唯有戴住先、等有錢再配過另一幅類似的吧🤪

瑞士炸雞中翼&日本湯拉麵

近幾天食慾不太好、今晚用雞中翼飛水（加酒、薑、葱）再浸瑞士汁、撲少少生粉炸過

日本拉麵拖水後放入葱粒、再煮滾湯淋在麵上即成😉

翅群边煲玉竹雞湯

今天執柜時、發现有袋玉竹同翅群边（唔記得幾時買）、於是走去超市買隻平價雞同豬展煲埋佢、當然要加片果皮啦！

近日不知為什麼失眠、胃又唔舒服、完全冇「食慾」煲啖湯飲吓就算啦！

聽聞玉竹有壓血糖同滋潤肌膚的功效、發覺皮膚近日好乾、都係煲多些嚟飲吧🤔

燕尾~芫茜云吞

前兩天误打误撞竟然包到这款「燕尾云吞」開心呢❤️

雖然今天食得唔太滿意、好彩今晚这碗云吞補番數、可惜包得太大隻、希望下次有所改善啦😉😉😉

咖喱天婦羅

今日約咗朋友係九龍城飲下午茶、因為早到咗、所以去咗廣場（地庫）一間叫「銀咖喱」的店、食咗碟「咖喱天婦羅」、並叫咗杯凍飲「柚子茶」、真把鬼、個飯又腍又凍、而最差係杯凍飲、柚子蜜全部在底都唔溶、上面只係白開水（正常應先用熱水開勻柚子蜜才加入冰水）

真係冇下次囉😡😡😡

4/15/2023 午餐&晚餐

做一次粉果、剩低的餡料夠今天「全日」的午餐&晚餐！

因為有草菇、红蘿蔔同沙葛剩低、所以午餐買咗少少魚片、再煮個米粉、炒埋又一大碟嘞、我留起一小碗米粉比自己、其他又分咗比鄰居囉😅

至於今晚、買咗嚿「布包豆腐」同$5豆卜、加些红蘿蔔同草菇又煮多個「煲仔菜」

素粉果

很多年前做過、頗成功、餡料隨意、我今次用咗沙葛、冬菇、雞肶菇、草菇、红蘿蔔、飛水後、全切碎、用盐、雞粉、糖、胡椒粉、用油炒過埋薄獻、候用🤪

粉的比例1：1（例如50gm生粉对50gm澄麵）、搅勻後加少少盐、冲入大熱水（加少少油）、快手搅勻成粉糰（水的分量要目測、靠感覺）、之後分割成小粒粉糰、用棍轆平包入餡料、放在搽了油的碟上蒸約六分钟（水滾計）

4/14/2023的早、午餐

一早落山買嘢包云吞、見很久沒吃過粢飯同豆漿（明知道糯米对骨同胃都唔好）、所以只食咗1/4而矣、始乃情意结😚

之後包了些芫茜云吞、中午時吃了五只、鄰居比咗碗鮮淮山杞子蟲草瘦肉湯我飲、咁又搅掂一餐啦🤪