靚婆婆: 8月 2023

2023年8月31日星期四

一個異想天開的問題

今日突然係fb問咗一個問題、十分搅笑、網友有不同的回應、有说要健康、有說要1千萬、有说要快樂、但我問題的精髓是二選一：1千萬定回復30年的青春

因為自覺若巳到咗70歲的年紀、一切的机能巳下降、就算比多20年的生存机會、对於1千萬嚟講、能暢快地使用亦不多、分分钟这筆錢只能用於醫療上的開支、但若能找回三十年的青春、相信大有机會搵到健康、快樂、亦有机會找到多過1千萬啦、所以我的選擇還是：（2）

今天的我同30年前的我、就知我的選擇是沒錯的吧🤔

2023年8月30日星期三

今早買咗惠康的$100/3pack肉、其中一包係豬扒、一包入面有三片、我用少少食用梳打粉加水浸豬扒、之後冲乾淨後再拍打一吓豬扒、最後吸乾水準備焗豬扒汁（茄汁、茄膏、糖、白醋、水）煮好汁加入麵粉水煮至杰身、加入炒過之洋蔥同蕃茄、淋在飯面再灑入碎芝士、入焗爐焗約六至七分钟便ok
份落调味（盐、糖、古月粉、雞粉）、先撲麵粉、之後蛋漿、最後麵包糠、開火落油、炸好豬扒候用、煮好白飯、落蛋炒過飯、放入玻璃器皿、鋪上豬扒

大中華素食

今天又約咗朋友去佐敦西贡街的『大中華』食午餐、她和佢先生久唔久都會同我食飯、每年生日前一定请我食飯同给我大利是、搅到我十分不好意思、我只能回饋那些cheap cheap的手工月餅做回礼、希望她喜欢吧🤭

我顺道去咗上海街買「轉化糖漿」、想試吓做「果皮豆沙」傳统的中式月餅😉

2023年8月29日星期二

麻糬（紫薯蓉）迷你月餅

本來冇做月餅幾年、但前兩天係fb入面見到位靚女YouTuber post咗個幾得意嘅迷你月餅上嚟、見唔係幾難、所以今日又試吓學人玩吓啦😅

其實主要係個餡用紫薯蓉包住麻糬、而皮係曲奇皮、有興趣可上yandy個專頁、而我就是是但但冇跟足佢嘅方法嚟做、所以冇咁靚、但我只係做幾個玩吓啫🤣

2023年8月28日星期一

名都酒樓午餐

今天又约咗以前太后的姪女嘅子女飲茶、我們都好多年沒見面、以前他們是基督教的、如今我亦信主、應該有共同的話題、神的奇妙安排令人不得不信吧！

我亦通知了他們今年十二月嚟我教會、见证我受洗的重要日子❤️

我們一行六人在「名都」飲茶、可惜食物的質素下降了不少、價錢亦不便宜、不過難得我們有机會再見亦不枉这次的聚會🤔

2023年8月27日星期日

海鮮豆腐羹

每次當我的胃口不佳時、我便會煮碗湯羹嚟食、有時西湖牛肉羹、有時粟米羹、有時紫菜豆腐羹

今次我用咗虾仁、帶子、豆腐、雞湯、最後用馬蹄粉埋獻熄火後推入蛋花即成

豉椒炒虾

前日買咗包越南急凍虾、朋友講这款虾好有『虾味』

所以今日試做半包（4只）

我先用水冲至溶雪、（这做法不會令虾肉霉喎）、將虾一開二、吸乾水份、抹上塩、雞粉、生粉、煎熟、加入配料（青、红椒、洋葱）、將虾回鑊、赞酒、加入豆豉蒜茸、落水湯匙、兜勻、焗2分钟便可上碟

2023年8月26日星期六

魚香脊裡肉

这個餸是近日在fb中學的、個餸本身唔難煮、難就難在那些剩低嘅配料唔知点處理、因為本身不是做開食物馆、所以只能諗吓做其他有關的菜式吧😅

全部材料切絲（脊裡肉、亦叫肉眼）、木耳、紅蘿蔔、蒜芯、青椒、另外蒜茸、薑米、葱粒各少許

汁料：陳醋、老抽、糖、生粉

水（埋獻用）

脊裡肉切絲後加胡椒粉、糖、雞粉、生粉、水先醃吓後拖水（本來是走油的）

做法：用油先爆吓脊裡肉、之後順序放入薑米、蒜茸、葱粒、其他配料、之後落汁料、快手炒勻再用生粉水埋獻、便可上碟

足球會的『预祝生日自助餐』

今年朋友改在香港的足球會慶祝生日（雖然正日是九月一号）、今次是食自助餐（雖然现在食量甚細、加上近來胃口不佳）、但是志不在食、主要是在年头大家還可以相聚一吓、我們幾個人都相識超過半個世紀、而且主人翁重係我在英國時的室友、回港後大家的友誼一直保持直到今天、買在難得嫁😉🎂🎉

2023年8月25日星期五

雞肶肉冬菇蒸飯

近來越食越少、有時覺得好似細時玩『煮飯仔』咁🤣

今早買了雞肶叫檔主起骨、切大粒、加入蚝油、生抽、糖、盟、生粉醃過、冬菇用盐、生粉冲洗過、加入调味（糖、塩、生粉、油）蒸腍

蒸好飯再舖上冬菇雞肉蒸多八分钟左右、淋上蒸魚豉油一起食

涼拌茄子

前兩天在fb见到有人教怎樣做法可以令茄子唔『變黑』、原來好簡單、只要茄子加塩冲洗過、再用生油將茄子抹過、切段才蒸、當然不要蒸過火、这碟我蒸了七至八分钟

至於調味汁料有蒜茸、指天椒、麻油、生抽、老抽、糖、陳醋

2023年8月24日星期四

龍躉晚餐

今早同鄰居去咗深水埗飲茶、但那些点心唔好食、比添好運差得遠、d点心又凍、又唔好食、一於冇下次、之後去咗北河街街市買「黑牌」橙、这是我最愛吃的甜橙🤪

之後還買咗龍躉骨、龍躉翅边回家做晚餐

所以今晚的餸除咗有湯、蒸魚、還有芝士蒜茸焗蚝、椰菜煮粉絲虾米添

2023年8月23日星期三

素紹菜卷

連續两天煮素菜、今天就用紹菜包住那些金菇、本菇、木耳同红蘿蔔絲、、蒸完後打個獻就是、剩低的餡料再炒碟河粉、物盡其用呀😅

2023年8月22日星期二

素腐皮卷

今次的做法、餡料有金菇、發菜、红蘿蔔、至於调味有素蚝油、糖、老抽、素雞粉

做法先將餡料煮過、用生粉水埋獻、先炸後蒸、切件再打個獻舖上去

2023年8月21日星期一

魚肚瑤柱黄魚羹

这碗湯羹不用我介绍都知一定很鮮甜、因為我用咗6條青根嚟做湯底、6條細黃花魚拆肉、加埋魚肚、瑤柱、蛋白、所以真係好好味😋😋😋

豉椒炒雞腸

今早食完個差d講粗口嘅早餐（因服務質素勁差）、加埋塊餐肉燶過我塊面😂

但無損我的好心情、係雞檔見到有份雞腸賣$25（好大份）、近來鵝腸唔靚、就不如炒碟雞腸食吓啦

首先用生粉、塩、冲洗吓、剪去咗部份肥膏（但不要全部）、加少少食用蘇打醃吓、再沖洗去後拖水

用爆吓青红椒、洋蔥、落豆豉蒜茸、雞腸、赞酒、快手兜勻、下调味、老抽、糖、少少生粉水、搅掂

2023年8月20日星期日

老娘焗叉燒+叉燒薑蔥捞面

今天又用「老娘叉燒醬」嚟整叉燒、不過今次用咗梅头豬肉做、諗住食唔晒用嚟試吓明天做「雪山叉燒包」、不過唔知得唔得嫁、等我今晚上網摷吓点做先🤭

今日全日心情都靚、走咗落山買隻雞殼、加些虾米、滚個湯、再加些椰菜、一於做個薑蔥叉燒撈麵再配碗湯、咁就真係「super」嘞😚😚🤣

2023年8月19日星期六

咸魚肉餅蒸飯

昨天晚上很遲才吃飯、因為午餐吃得很飽、加上鄰居放工時又買了一大個榴槤（貓山皇）回來同我們分享😅

所以我蒸那碗飯只吃了一小碗、其餘的给了鄰居吃、我地大家相處得十分融洽、比一家人還好呢😚

添好運的点心午餐

昨天去咗奥海城找鄰居午餐、因佢在那裡的超市番工🤔

佢提議我們試吓「添好運」点心專門店、因為冇加一服务費、比較其他食店經濟

我們点了七款点心、連埋茶錢都只係$222、所以每人$80都唔駛

今次是近來吃得最沒有中伏的一餐了、而且味道唔錯、出品又夠熱、應该有下次再去的机會

2023年8月17日星期四

銀芽海鮮炒米粉

这是昨晚的、買咗半斤銀芽、解凍咗少少虾同帶子、用些少沙嗲醬嚟炒碟米粉做晚餐、當然炒完大部份比晒鄰居、自己留起一小碗嚟食就算😋

終於知道由於近日晚晚失眠、搅到情绪波動、連胃口都冇埋、今早因昨晚又失眠、連去水中運動都取消埋😮

今日是是但但煮碗虾子麵食就算

2023年8月16日星期三

童子軍日行一善

昨天做了一次「童子軍」因為同樓有位平時很多說話的亞婆「腳痛」、原來她從未用過醫療卷、亦不知如何用、為了本着善心、免為其難的帶了佢去我之前的中醫診所做「針炙治療」、我之所以很怕同她交往、是因為自己是個急性的人、一般嚟講、我通常是一句起、兩句止、三句到結尾、但每次她總喜欢将她由八歲起的经歷、点慘点慘地重覆不斷向我訴說、搅到我十分怕怕🥲

自從有了信仰後、希望『愛心』能令我有所包容、所以就做一次善事吧🤭

今早煮了碗比較特別配搭的粥嚟做午餐