南瓜栗子雞肉拌飯

近日愛上食『拌飯』、今天用昨天剩下的雞肉、加入（南瓜、栗子蒸腍切粒）、椰菜切小塊、加入調味（蚝油、老抽）炒過再拌入白飯便可進食

葱油手撕雞

今早教會有半天旅遊、先去城寨花園、之後去將軍澳那條新橋、再去觀塘海濱公園、最后返尖沙咀午餐

回到家做了半隻『葱油手撕雞』給自己做晚餐

回鍋肉

今天做了一碟回鍋肉、不知是否正宗、但我煮食從來都是隨心隨意、只要是合自己口味的、就冇所謂啦

我的配料除咗有豬腩肉、還有青紅椒、洋蔥、椰菜

調味有豆板醬、蚝油、老抽、糖、煮好後加入數滴陳醋便可以

做法:

先用蒜片爆過料头 、加入巳烚過切片的腩肉、赞酒、放入調味、快手兜勻便可上碟

麻辣雞絲粉皮/日式雞絲粉皮

昨天做了两款雞絲粉皮、一款是麻辣的（蒜茸、麻辣醬、老抽、糖、陳醋）、另一款是日式芝麻醬的雞絲粉皮

兩款各有千秋、味感各不同

元宵午餐

今早因鄰居想『慶祝佳節』所以她出錢買餸、我负责煮🤔

我們的午餐菜式有：

蒜茸粉蒸龍躉

荷豆炒肉片

青边鮑煲豬展蓮子百合海參

麻辣雞絲粉皮

日式气炸三文魚頭/魚鮫

今早同鄰居飲茶、之後逛了一陣街市、買咗两包三文魚頭/魚鮫、我用日式的醃法（日式三寶：鰹魚汁、料理酒、味淋）、先醃一會、再撲上少少生粉再放气炸窩焗約12至15分钟、再搽上糖漿焗多5分钟左右便進食

雜錦有味飯

昨天偶然在fb見到這款飯、覺得都幾特別、所以便試吓啦

雜錦的材料有：臘腸、腩肉、冬菇、芥蘭葉

做法：將臘腸蒸熟切片、冬菇蒸腍切粗條、腩肉飛水後切片再切條

先用油爆香以上材料、加入調味（蚝油、老抽、生抽、糖）最后加入芥蘭菜葉同白飯 、兜勻便可

素咕咾肉

之前食過素咕咾肉、但自己就未做過、今朝登買咗2猴头菇、青紅椒、新鮮菠蘿、一於自己做番一碟試吓先

個汁用蕃茄醬、茄膏、糖、白醋、鹽、今次加多少少麥芽糖、等個汁煮起嚟「包身」一些

猴头菇先浸後飛水、切件、楂乾水、上蛋、再加入麵粉同生粉、炸2次

先炒料头、加入巳炸過猴头菇、最後加入甜酸汁、快手兜便可上碟

英式鬆餅

年青時很喜欢食英式下午茶、一杯伯爵紅茶加件英式鬆餅、是每個週末的指定動作

自從返了香港之後、加上年紀漸長、口味改變了、由絲襪奶茶+油占多士取而代之

今日突然想回味下、所以上網找個食譜做幾只嚟玩吓、可能太耐冇做過、做得麻麻地

新年團拜

昨天年初十同契姐/妹係銅鑼灣皇室堡飲茶當拜年、我地一行六人飲咗唔駛$500、今時今日都算合理價錢、而且重係午飯時段添

之後有幾個走咗、我地四個人继续在鰂魚涌的荷里活飲下午茶、天南地北继續吹水、直到差不多六点才散band

我地個個都一把年紀、見得一天得一天

新年過後隨想

唔經唔覺原來我巳搬了過來九龍足足五年、除咗三年的疫情、變化都頗大、这個新年過得不太好、年尾大感冒、一路反反覆覆直到昨天才有好轉、年尾時又掟親隻腳指尾、直到前天才照X-ray(如果唔係糖尿我懶得去睇添）

昨天收到個壞消息、同層的一位老人家過年前不知什麼原故入了醫院、一路昏迷直到前天終於解脱了、我突然有種感覺、都幾羡慕佢去得咁順利、起碼好過自己每天都有吃不完的药、同差不多每個月都有不同嘅醫生覆診、理性上是明白現在自己信了主、應該將一切托給『神』、可能暫時還不是一個稱職的教徒吧🤔

兒時的回憶~咸酸菜煮牙帶魚

这是一碟兒時外婆常常煮的菜式之一、五十年代家境不太好、這是平價魚（但今時今日都不便宜、半條牙帶魚都要$60、我鄰居（韓國人）很喜欢買嚟食、我本人就头一次自己煮這種魚、首先切片後用鹽醃過夜、之後沖洗、吸乾水份、用古月粉、生粉抹吓再煎香、咸酸菜切好白鑊煮過（不加油）、再用油炒過、赞酒、加入麵醬、糖、老抽、水煮一陣、最后放入煎香的牙帶、炆煮片刻使上碟

銀芽滑蛋蝦球炒河

昨天晚上炒了碟这樣的河粉、成本唔貴、$14/河粉、$6/銀芽、$20/中虾、炒完一大碟、又可同鄰居分享、何樂而不為呢😊

新菜式~釀蘿蔔

心血來潮、突然想搅吓新意思、原本想用虾膠嚟釀、可惜新年假期還未有完、沒有貨、所以改用墨魚膠

先將白蘿蔔去皮、切厚片再吸出圓形、蒸蘿蔔到半腍、再釀上墨魚膠、上面放入一粒杞子再蒸熟、之後用上湯煮薄獻淋入便可😊

餃子午餐~年初四

今天是假期最后的一天、但街市還是大部份都未開、可想而知現在的经济幾差、往年年初二巳開了一半嘞

今早買咗半斤老過我嘅菜心（重要$22/斤）、蒸咗少少蒜茸排骨（点知重硬過我條命）、最終都食唔到、唯有煮咗幾只新年前包定的鮮肉餃子食就算

廚餘蔬菜炆排骨

我見雪柜有好大袋蔬菜、都係这幾日煮齋剩低的、有黄芽白、豆卜、鮮竹、紅蘿蔔、小棠菜、瑤柱、甜豆、於是我拎咗嚿排炆埋一煲、今晚又可以慳番餐囉😊

年初三~豬扒菜飯+上湯生菜

今早的午餐簡單点、有昨天醃定的豬扒加碟上湯生菜、加埋小棠菜做的菜飯、好味😊