迷你午餐＆晚餐

由今日開始、自煮自吃實施了！

尤於两個工人煮完d嘢唔食、今天開始配給制、我買開两份餸等佢地自己煮！而我就煮迷你午餐同晚餐比亞媽。。。相信咁嘅安排唔駛比人咋型話嘥嘢卦。

午餐係鹵雞翼、油麥菜、煎獅头魚、

晚餐係鸭脷、蓮藕炆排骨、生莱湯、光波南乳雞翼

簡單晚餐

今晚煮咖喱牛肉飯同燉湯比亞媽！

等條八婆印佣食自己、下午我細佬两夫婦入嚟同佢訓話、佢百般藉口、又話我針对佢、又話冇打賓賓針、總然知多多藉囗就是。

佢地一走、立刻黑我面、超、我講若再不合作的話、我一樣日日鏟、边個都冇面比。

星期天的簡單午餐

今日個賓賓放假……得個八婆印佣on duty、费事煮埋比佢食(反正佢都唔食、而家同我鬧气、淨食自己的家鄉嘢)！話之佢死啦！

今朝煮咗個有味飯(瑤柱虾乾)、同蘋果雪梨水、幫亞媽两份食。

澄碧邨。。。大嶼山

早幾日偶然的机會下在电台中聽起有主持提及这在七幾年代曾經是一所十分豪華的渡假邨现今(會所)由於各種原因變成好似鬼域一般、由於没有運作、整個會所的一切停留在八幾年代、好似鬼屋的一樣、而那些曾經是一流建築的屋苑亦十室九空、聽來十分之感慨。

回想起當年售賣这屋苑時、婆婆有幸曾參与其中、後期亦在建築過程中曾工作咗一段短日子、當年亦有一段颇難忘的回憶、歲月怱怱、轉眼巳是三十多年的往事了、所以那天聽起。。。澄碧邨。。。这三個字、唏嘘不巳。

人老了。。。。往往舊日的回憶不斷湧現心头、反而昨天的記憶就。。。。過目即忘、相信距離。。。腦退化。。。不遠矣！

唉！

·

太后之全日餐之。。。。(8)

今日要同太后去瑪丽覆診、怱怱煲咗個花生眉豆雞脚湯、蒸撻沙、黄芽白、炆咗碟冬菇發莱、今晚就食煎撻沙、炒粒粒、湯。

点知两個工人唔食蒸魚、但又蒸喎、搅到我火都起、丙咗两個仆街一餐、嘥晒d錢。

見天气凍走咗去買两張厚被比佢地、返到屋企又發覺竟然冇人提我同亞媽換膠布(腦退化的药貼)、再丙多鑊、所以話啫。。。將心比己、这句話对d外佣係no use嘅。

潮州糖水之。。。。薑薯

自從有一次唔覺意食過le款潮州地道糖水、不知不覺愛上了。

前两日係湾仔街市比我發現咗有得賣、所以立即買了幾隻回家煮。

温馨的提示。。。。一定要帶手套去皮、因為滑潺潺的嫁。

糯米釀雞翼(完成篇)

雖然我今次係用光波爐焗、但起碼健康d、無用炸的方法咁魔鬼、至於颜色方面就要再研究
温度的調教嘞！

糯米釀雞翼(未完成版)

今晚有糯米飯剩、打算明天試吓用光波焗、試吓做住一半步驟先。。。。

半生炒糯米飯

今個星期超忙、Mon的行程最忙、上午十一点半開始出去、先同太后去太平館食晏、之後去剪髮洗头同修甲(好彩今次醒目、帶定摺凳比佢半路坐吓休息、否则又叫救命腰骨行唔到呀)。

洗完头再坐的士落湾仔睇老人科(腦退化)、早到咗例牌又要坐低。。。食食食！簡直飽到嘔！

返到屋企巳經四点、好彩先準備好d材料、一於先蒸好糯米飯、再炒入臘味、搅個半生炒糯米飯啦。

泰式肉捞虾子麵

噚日朋友同我揸細咗d相至可以再post到上blogger咋！

原來我個懵鬼收到Gmail都唔知其實話咗我個相片容量得番1GB

等我問吓人点加大個容量先。

今日是是但但用d泰式沙爹肉整碟虾子麵就算。

大閘蟹之夜

朋友聚會！

食得好高興、好耐冇咁寫意、得閒減減壓。

茶樹菇護肝湯

今日煲咗個護肝湯、好正！

材料

茶樹菇
瑤柱
杞子/ 元肉
瘦肉
果皮
雞肉

Testing

等我再試吓先。。。。。

Testing

testing

太后全日餐

Google的blogger始終都post唔到相、唯有post去google+ 啦！

等有高人指教吓至再返來吧。。。。

Testing

两日都post唔到嘢上嚟、又再試多次先！

潮州菜。。。百樂

話咁快又到咗洗头日、太后又呃又氹至肯冲涼、搅到晏咗至出街、去到洗头那條蘭芳道、没有一間有位、只好同佢行去附近的潮菜酒家。。。百樂。

点知例牌食完又行唔到、又要虾去醫生到打針、唉！佢條尾龍骨巳弯到冇得救、除非换過條啦、又唔肯坐輪椅、神仙都冇符啦。

出盡八宝又呃又氹、終於快手搅掂完事、嗱嗱臨打道回府、每星期都要同佢玩一舖、攰死我嘞。

紫薯栗子露

見有嚿紫薯剩低、加埋d栗子做個特色糖水！

两樣唔同的東西走埋一齊、估唔到又唔錯喎。。。。

粉絲蒸龍躉腩加厨餘小棠莱

本來今日同亞媽角力完、冇乜心机煮、見雪柜有碗炆完鮑魚之雞腳汁、於是出街市買少少龍躉腩、用金銀蒜粉絲蒸、加碗小米菜飯、再用雞脚汁煮碗小棠莱。

自己食咗少少、其他又送晒比朋友囉。

加油！

食完早餐又要同太后角力過！

今早要同佢去物理治療、臨時又要玩去冲涼、唉！神仙都比佢玩謝、日日新款、但見醫生時就醒過任何人、唔知以為我講大話添、冇佢符！

睇怕今日都係煮唔到餸、唯有post吓去年11/11的舊作頂住先。

龍記燒鵝飯

下午去完送杏汁豬肺湯比人、费事煮。

走咗去中環龍記買咗1/4燒鵝回家做晚餐、估唔到都幾好食、平過一樂園添！

加埋碗超級靚湯、好感恩又滿足。

杏汁豬肺湯

今朝叫肉檔亞姐同我洗咗個豬肺、煲咗我至愛的杏汁豬肺湯！

尤於工序烦多、我一年至多煲一至两次、搅咗成日至飲得一碗仔。

太后全日餐之。。。。(7)

噚晚太后食咗半粒药、又幾好瞓喎、我同賓賓可以瞓到幾粒钟！

今日佢的餐單

中午

生莱魚球粥
银芽炒米粉

晚餐

昨晚的咸酸莱蕃茄蜆干湯
虾仁炒蛋
通莱
檸檬炸雞翼

蟲草花炒雞柳

噚晚同太后覆診完好攰、是但炒個餸做碟头飯就算啦。。。。

材料

一撮蟲草花、先浸後出水
雞肶肉(起骨切成雞柳)
草菇
蒜心

醃肉

盐、糖、古月粉、蚝油、生粉

做法

草菇切片飛水

用蒜片起鑊、先爆雞柳、赞酒、加入其他配粉、炒片刻便可上碟。

油池(又名蘿蔔絲餅)

曾經兒時的小食、一路都想學整、無意中看到Moonmoon的食譜、又學吓人做東施啦。

下次想試吓炸蕃薯同虾餅。。。

再接再勵、最后都做番個正宗的！

生日飯局。。。龍皇

噚晚有朋友生日、去咗觀塘的龍皇食飯、順便敍吓、我又可鬆吓气！

回到屋企巳經九点幾、尤於今日印佣放假、我要攪掂佢两餐飯至可以出去。

太后全日餐之。。。。(6)

今日個印佣放假、除咗買重要做埋廚娘添！

全日餐單係。。。

中午食

大芥莱魚尾湯
炆鴨脷
牛肉煮白蘿蔔
咸魚

晚餐

上午left over 湯
牛肉煮蘿蔔
蒸梅莱冬菇肉餅
炒生莱

靚婆婆特式糖水

今朝買咗夏威夷紫心蕃薯、韓國黄心蕃薯同栗子、一於搅吓國際大都會糖水先。。。。hehehe！

油麻地之行

今早走咗去油麻地果欄行一轉、鬆吓气。。。。大收鑊！有無花果、夏威夷紫心蕃薯、云吞、栗子、莱心、日本蘋果！再行上海街買到個炸油池的模、等我明天試吓先。

Little Angel。。。。赤柱之夜

朋友請我食飯、去咗赤柱的Little Angel食西餐。。。点知亞媽個奪命追魂call停不了、一時又話冇錢、一時又話冇利是！終於熄咗部机至可以安樂至食得完餐飯。

唉！睇嚟我都要見吓精神科至得啦。

太后全日餐之。。。。(5)

今日太后個總掣又黐黐地。。。。唉！

全日餐單。。。。

芥蘭
油麥莱
Lady finger
炆BB罐头鮑
盐焗雞
酸筍蒸魚头
蒸冬菇鱿魚肉餅
昨天湯(蟲草花、紅蘿蔔、粟米、合掌瓜、豬骨)

唔知印姐点安排嘞。。。因為佢成日都要同我打对台嫁啦。

梅莱蒸茄子

今朝淨係搅太后冲凉都搅咗成朝、由七点幾又呃又氹、至十一点唔覺唔覺除咗佢件衫、又話同佢出街飲茶至肯咋、重辛苦過自己冲吖。明天又要去做物理治療有得再拖至出le招咋。

終於十二点幾至冲完、是但用梅莱蒸碟茄子送碗白飯做lunch就算啦。。。。巧攰呀。

太后全日餐之。。。。(4)

噚晚又比太后玩謝、食完瞓教药九点十五分唔瞓、玩數銀紙直到十二点、唉！其實一路數一路瞓、但拎住d錢一郁就醒。後尾頂唔顺对佢講、而家十二点嘞、妳唔瞓我都要瞓啦、可唔可以明天才數呀。

今日佢的餐單

紅衫魚。。。两絛今朝、两條今晚
白莱滚魚片
薯仔炆雞
炸莱蒸牛肉(噚日冇整)
南乳齋
鹵水鸭脚(街買)
炒雜碎(有荳卜、生根、粉絲、肉眼根)