靚婆婆
2021年5月31日 星期一
双色南瓜糕
好耐冇做这糕,明天見朋友,諗住送一盒比佢試吓,所以今天做了「少甜版」
今次的配方:
白色部份
椰汁200ml
水100 ml
糖60 gm
盐1/8茶匙
木薯粉150gm
粘米粉30 gm
南瓜部份:
南瓜蓉150gm
椰汁200ml
水100ml
糖40 gm
盐1/8茶匙
木薯粉150gm
粘米粉30gm
以上两份料分別開匀,過濾過,候用。
每層蒸约5至6分鈡,最后一層蒸夠8分鈡,候凍切開,若放雪柜後,要蒸熱才吃。
薑葱雞
今日又要去睇牙,所以匆匆整定碟「去骨的薑葱雞」就算。
一陣煮碟米粉跟嚟食。。。一樂也。
2021年5月30日 星期日
同一樣的眼神。。。
。。。但不一樣的年纪。。。三十多年前的一張陳年舊照,帶出無限的唏嘘。。。唉。。。往事如煙。。。嘻嘻。。。雖然頭髮白了。。皺紋多了,好彩皮膚還可以,總算有点安慰吧。
共食午餐
今天又同鄰居一齊開餐,蒸魚,湯,雞肉炒四季豆粒粒,蘿蔔炆排骨。
2021年5月29日 星期六
大熱網上食譜
近日在不同的群组有很多人post这碟餸,作為單生人的食譜,这是個不錯的選擇,因為一次過可食齊三。。。。
款餸,沒有那麽平凡吧。
2021年5月28日 星期五
沙律晚餐
近來天气太熱了,沒有什麽胃口吃熱嘢,所以做了碟沙律,加些腸仔同麵包食吓就算啦。
素午餐肉煎蛋飯
上星期買的新豬肉,還剩低一包在雪柜,所以今早整碟「素午餐肉煎蛋飯」食。
2021年5月26日 星期三
杞子蕤仁肉豬潤瘦肉湯
以前这個湯水我每星期都會煲一次比先父飲,當年的
冬蟲草只是四千多元一斤,時至今天巳飛升到七至八萬蚊/斤,我當然沒法食得起啦。所以只能用瑤柱,龍眼肉代替冬蟲草。
據聞这湯水長期飲用对眼晴十分好,先父至臨走時還不用「老花眼鏡」呢。
2021年5月25日 星期二
瑤柱扒青瓜/煎咸魚肉餅
这是今天午飯的餸菜,我覺得唔錯,咸魚煎肉餅夠惹味,瑤柱扒青瓜夠青爽,互相配合,十分滿意。
2021年5月24日 星期一
早飯
由於今日要出街,提早吃了個早飯,有麵醬豆卜蒸鯇魚腩,韓國海帶湯,白飯。
2021年5月23日 星期日
花開花落有時盡。。。
緣來緣去早注定!
好容易明解的两句話,人總是為了一份執着而放不下,近年總算参透了。
人与人之間之認識,最少要經過五百次的回眸,若能成為親人更要經過何止千萬年的回眸,所以只要能在相遇的短短數十年能互相珍惜巳足夠,無論是善緣或惡緣,總是避不了,只要心中無悔亦無恨,還清塵世間的一切,自然能歸樂土。
2021年5月22日 星期六
咸魚肉饼飯
好耐冇吃咸魚了,今晚買咗一片梅香馬友咸魚,用了一半來蒸肉餅,感覺良好,雖然唔健康,偶然一次滿足吓自己吧,現在咸魚都不平呀,小小一片都成四十蚊。
我蒸肉饼的手勢自問越嚟越好,因為加完調味料後要向同一方向搅及之後撻數吓才會好食,同時要加入水同生粉。
素午餐肉炒飯
估唔到素午餐肉炒飯比预期的好。
昨天在超市買到包新豬肉做的午餐肉,今早拎雪柜內淨低的菜头菜尾,加隻雞蛋,一於炒埋碗隔夜飯食做午餐。。。
2021年5月21日 星期五
罗宋湯
雪格入面有些碎牛肉,今天用些蔬菜( 红蘿蔔,西芹,洋葱,蕃茄,椰菜,加入茄膏,香葉炒過)煮成濃濃的罗宋湯)
2021年5月20日 星期四
韓式前菜之蓮藕片
做法同之前的前菜一樣,没有多大分别,一樣先切片,後煮腍,再用蒜头麻油起鑊,加入藕片兜匀,落萬字醬油,芝麻,煮一陣,加入糖漿煮至收汁便ok 。。。送粥一流。
2021年5月19日 星期三
芒果椰汁凉粉
昨天在深水埗樹記買荳卜做今天的南乳齋,刚好見到他們有凉粉賣,所以買了一些返室企,雪凍後用加入芒果,椰果,同椰汁一齊食。正。。。真係好好味。
佛誕的素菜
今天又是一年一度的「浴佛節」,所以今天全日食素。
午餐就食南乳齋同苦瓜炒蛋。
2021年5月18日 星期二
彩椒雞絲炆米粉
今早又去咗北角同契妹們飲茶,回到家巳下午二時多,一直都很飽,所以連下午茶都吃不落,直到傍晚時才炆了碟米粉當晚餐。
2021年5月17日 星期一
韓式前菜(牛篣红蘿蔔絲)
今天韓國鄰居放假,叫佢教我整咗個前菜,好味。
將牛篣去皮切絲,浸水,換水數次,用水煲腍一些,加入红蘿蔔絲,滚一陣,隔去水份。
用麻油爆過蒜片,兜入牛篣絲同红蘿蔔絲,再加入韓國豉油,雞粉,味淋,芝麻,边炒边煮,加入糖漿,炒到汁液乾身,便可上碟。
2021年5月16日 星期日
白菜煎餃子
上星期包咗廿幾隻白菜冬菇豬肉餃子在冰箱,今晚唔想食飯,所以拎咗d出嚟蒸完再煎,放些甜鼓油落去一齊食。好味。
外賣海南雞飯
我平時很喜歡食海南雞飯,但昨天出咗街一整天,回家時巳很夜,所以諗住試新嘢,屋企附近開了間泰國食店,諗住買盒雞飯回家食就算。。。点知。。十分失望,同之前在砵蘭街那海南雞專門外賣店真有天淵之别,除咗貴,重唔好添,食後的感覺連冰鮮雞都不如。。。立刻咗我的飲食「黑名單」
2021年5月14日 星期五
自創韓式湯烏冬
今晚食碗自創的韓式湯烏冬就算。近來可能天气太熱,没有什麽胃口,加上運動量少,不想食太多肉食。
我今次用鰹魚汁做湯底,用雞肶肉配烏冬,加些红蘿蔔絲,翠肉瓜切絲,云耳絲,紫菜絲,同芝麻做配襯。色,香,味都齊晒。
自從睇過韓國鄰煮食後,發覺整理食物都注重颜色的配搭多了。
清洗小貼士
自從在網上學咗这方法清洗云耳,冬菇同红棗之後,食得安心又放心。
方法就是先浸水,後加入生粉同糖再用個有蓋的盒,大力搖匀十至二十下) ,開蓋隔去水份再冲水便ok,目的是將依附在食物上的污物清洗晒。
2021年5月13日 星期四
牛孖根湯河粉
今天逛街逛到成五点,回到屋企附近食碗至愛的「五香牛根河」同一枝樽裝的玉泉忌廉汽水就算。
原來老细講樽装汽水停產了。以前又只能回味在腦海中。
帶子虾仁美極炒飯
这幾天比較忙,是但摷埋雪柜的剩餘物资,炒碟飯食就出街。。。。
今次用埋上次的急凍虾,三只帶子,雞蛋,菜梗,冷飯,美極去炒。。。美味。
2021年5月12日 星期三
鰹魚汁金菇翠玉瓜炆牛肉米
雪柜有包金菇,半條翠玉瓜,一於用牛頸脊炆碟米粉食吓先。
反正還有少許鰹魚汁,來一碟特式炆米吧。
好好味。
我的鯖魚午餐
一路以來我都十分抗拒这魚,一來並不認識这魚,二來食開海魚,直至有朋友叫我好醜都試吓,而且日本人十分喜愛,又講營養價值頗高,所以今天一試,煎完用日式的三宝做個汁,食完不再抗拒,亦不會常吃,,因為覺得很多骨,以後當諗唔到食乜時,或許都會再煮的。
常在心中的愛
今年的母親節過去了。
回望過去三年沒有了母親的日子,本以為巳重獲自由,但原來失去了才知原來她在心中是如此重要的。。。套用前人的一句話:失去才知後悔。。。今天亦套用「常覺師姐」的圖片,道出对她的思念。。
媽媽,永遠的懷念!
生娘不如養娘大,多謝過去數十年的守護,此生銘記💕
2021年5月11日 星期二
虾仁瑶柱菜飯
今晚用白菜仔,青岛貝,同急凍虾仁炒咗碟菜飯食。
本來打算落街市買虾的,但因為懒,是但用急凍虾仁就算,當然急凍虾仁冇乜虾味,只得「爽」字,一次半次就算啦。
蟲草花云耳紅棗蒸雞
今天早上同鄰居一齊開餐,我出这碟餸,其他佢地包辦。
我先將蟲草花,云耳,红棗浸透,用生粉搓過(方法是令他們去塵)之後飛水,再隔去水份,用羗片加酒,蚝油,爆香,拎起,候凍,再捞入巳調味之雞件(豉油,糖,生粉)一起蒸。
这方法亦可用於蒸班片或龍躉。
2021年5月10日 星期一
Beef Burger跟蘑菇湯
今晚食埋上次買的beef burger,再跟之前外購的cream of mushroom湯做晚餐。
牛頸脊白菜炆米粉
前两日又在牛肉檔買咗半斤牛肉,今次不買牛柳,改買「牛頸脊」,肉質比牛柳好食,當然價錢亦贵好多,半斤牛頸脊比牛柳贵多成五十蚊。
不過真係好食囉。
2021年5月9日 星期日
日式咖喱飯
今早韓國鄰居煮咗日式咖喱免治牛肉。。留了一碟比我,所以今晚食埋半碗白飯就算。
母親節午餐
今天只得隔離鄰居一齊開餐。。同佢炆埋半隻雞,有冬菇,花膠仔,海參。
青瓜煮帶子,我就出椰菜粉絲煮青岛貝。
母親節的甜品
今天是一年一度的母親節,我既不是母親亦沒有了母親。。。所以对我並不重要。不過為了慶祝母親節,我從網上學咗这甜品。。。。鸳鸯芝麻卷。
2021年5月8日 星期六
味噌金菇豬肉卷
上次在柴湾購買的其中一包巳醃好的味噌豬肉片,今晚我用嚟卷着金菇,加入味淋煎香,再灑上芝麻,非常惹味。
苦瓜宴。。。午餐
今早食「苦瓜宴」。。。
有苦瓜黄豆排骨湯
麵醬炆苦瓜排骨
蒜头豆豉炒苦瓜雞片
灼菜心
蒸馬头魚
2021年5月7日 星期五
炒飯午餐
由於咋天蒸咗白飯沒吃到 (中日韓午餐的原故),所以今朝要食炒飯。。。今次的材料有腸仔,雞肉,椰菜粒,大葱,雞蛋,蟹籽。。。用咗「美極」嚟炒。
2021年5月6日 星期四
特式湯烏冬
近日見韓國鄰居整食物整得多,不知不覺也學咗佢,煮什麼都扮到「七彩繽纷」。
今晚用了4粒帶子(切薄片)用鲣魚汁做湯底,煮了碗湯烏冬,加入紫菜絲,蟹籽,芝麻,成碗烏冬當堂靚晒。
中,日,韓午餐
今早我地又共食,鄰居煲湯,我整沙律,韓國鄰居做意粉同韓式飯壽司,加多碟外購鳗魚。
久違了的英式早餐
我自從十多年開始少食多餐後,巳很少食個。。。full breakfast ♥
昨天見買咗法蘭克福腸,今早又來一客英式早餐啦。
2021年5月5日 星期三
豚肉burger 晚餐
今晚先開齋那豚肉burger,首先將薯條放入焗爐焗熟,煎熟個burger,放在麵包上,再舖片芝士在面,放焗爐焗溶芝士便可進食。
大豐收
今日有事落咗去柴湾工業城一轉,比我找到間凍肉地舖,買咗好多嘢,有帶子,法蘭克福腸,柚子醬,雞扒,豚肉同和牛burgers 。全部都唔駛$250。唔知叫做抵唔抵?
2021年5月4日 星期二
蕃茄雞絲飯
自從食咗糖尿药之後,对於日常的飲食比較以前節制很多,現在我的飲食習惯係少食多餐,例如上午食過飯之俊,晚上我只會食雜糧,如果中午很過雜糧,我的晚餐就會食半碗白飯,亦保持早餐半杯奶茶加片麵包,下午茶間中食吓餅干或生果之類。。。。講到尾,不是怕死。。。係怕死唔去要住醫院等住死。
所以今晚的食糧將會是碟头飯。
較新的文章
較舊的文章
首頁
訂閱:
文章 (Atom)