相隔半個世紀的生日

悠悠歲月、眨眼間「半個世紀」巳過去了、所以今年我特别重视我的生日、過埋今晚再無慶祝😄

當年青春無敵的歲月、如今巳成為『便利店』的掌門人😚

以前有句話：上天给你關了一扇門、一定會留給你另一扇窗、神的恩典給我一個很好的見證、感恩有妳們的陪伴、我會盡最大的努力回饋社會给更有需要的人😘

港式炸醬麵

記得早於八十年代我很喜欢食利舞台附近的「何洪記麵舖」的炸醬麵、雖然現在巳搬了去希慎中心、但出品巳不同咗、可能以前的老師傅早巳移民「天國」啦🤔

記憶中我諗那炸醬有茄汁、茄膏、辣椒醬、豆板醬、老抽、糖、醋同水煮成

肉就用「里肌肉」又名肉眼、切絲、冬菇絲、加入干葱炒香再入加以上炸醬煮成的

做出來的味道自己覺得都幾相似😋😋😋

未曾食過的冰鮮魚~鮟康魚

今日黐咗線、同朋友食完晏、見好耐冇巡落去City Super、点知就出事嘞、本來早幾天係fb到見到有人食这種魚柳、聞說可妣美石班肉、於是乎買了一條魚柳、（明知City Super係贵）、但冇諗過係咁贵囉、我可能聽錯係$305、比錢時才知係$505、「肉赤」到我吖😚

今晚用咗豉汁同青瓜嚟炒、口感唔錯、有点似食「爽口」的白鱔、不過以冰鮮魚柳嚟講、覺得真係「贵」囉、所以下不為例😄

老火湯之章魚節瓜

一早出去買齊料煲湯才出街同朋友食晏、今次可能多料、加上又煲埋唔係好多湯、只夠自己同隔離房、所以特別甜、連盐都唔駛落😋😋😋

今次有節瓜、章魚、瑤柱、眉豆、花生、豬骨

好好味呀😉

XO醬炒米粉

未來的两三日都有飯局、所以我今晚食埋雪柜入面的食物、用咗肉絲、紹菜（黄芽白切絲）、紅蘿蔔絲、蛋絲、加入XO醬炒米粉、炒完一大碟、自己留起一小碟、其他分晒比鄰居😂

補祝「農曆生日的晚餐」

今晚約埋三個鄰居去「大中華」食齋、望吓個月曆原來今日係農曆九月初一、懵盛盛原來昨天是農曆生日都唔記得添（平時我只會慶祝西曆生日）、就當同自己補祝農曆生日吧！

今日我們点咗有四個餸+三款壽司、共$660、都算ok

豆腐虾仁丸子

其實個原理同琵琶豆腐差不多、只不過今日個胃多舒服、做少一層工夫、就係唔將材料放在湯匙上先蒸（因為個湯匙蒸完似琵琶、定型後再煎）、今次就咁用匙做到似球狀咁落鑊再半煎炸、之後打個蚝油獻舖在灼熟嘅「福花」上面就是！

(至於豆腐丸子嘅做法：將豆腐加入虾膠、蟹籽、蛋、盐、胡椒粉、生粉、向同一方向搅再搓成丸子狀)

XO醬西芹炒班塊

昨天買了急凍的班塊、今早試吓我嘅平民版XO醬加入西芹嚟炒、相信會好味的🤔

去完教會返屋企、鄰居巳煲定飯等我、快快手炒埋碟餸就開餐😂

今次这包「石班肉」都算ok

好似係印尼的😘

光酥餅

这是一種兒時的美食、雖然唔太記得清楚那味道是如何、昨天偶然的机會看到「廚娘365日」的食谱、所以今天又跟她这個食谱、不知道是否成功、但感覺上還可以吧！

聽说用嚟跟维他奶一起吃、是别有一番風味的、等一陣我會試一吓😅

平民版XO醬

今日突然好想食XO醬（因為好耐冇整）、但因為冇虾米、又冇瑤柱、加埋又冇大地魚粉、諗諗吓不如做個「平民版」啦😅

今次这個平民版只有干葱、蒜头、指天椒、虾皮、青島貝、各100克左、加入虾子、豆板醬、加入油、慢火推煮直至泡泡變走晒便可離火、候凍、最后放入預先高溫消毒過的樽子😘

今次做了三樽👏👏👏

晚餐食咸雞湯米線、加入平民版之XO醬一起食、好味！

蕃茄虎虾

今早洗雪箱、發現有四只虎虾、所以用咗蕃茄、加糖、蕃茄醬煮個汁、再將虎虾煎熟、兜入蕃茄汁、即可上碟😋😋😋

另類早餐

平時每天都愛吃西式早餐、但有時都要變化吓、今早將冷飯變成另類的早点：咸肉菜飯😘

豆腐雞蛋蒸黃花魚

早前係fb 那裡學到这種蒸魚的方法 、所以今晚試吓、首先將黃花魚在魚身上界幾刀、抹上塩、鋪上薑絲、放在碟的一边、另一边放入豆腐、再將一只拂好的蛋（加水）、放在豆腐的面上、蒸好後淋上豉油便可進食😚

蟹籽虾仁炒青瓜

昨天係超市買到包泰國的急凍虾仁、今早試炒嚟食、發覺同一般急凍的虾仁不同、平時那些急凍的虾仁、得個爽字、完全冇味、但这包不但爽而且甚有「虾味」、值得買🤔

有時放定一包在冰箱、方便隨時可以用囉😘

龍躉骨煲蕃茄洋蔥湯

原本今日落旺角是去小米維修部詢問新手机的問题、点知食完早餐才知中心是開11点、所以只好轉去街市買龍躉骨返屋企煲湯😚

煲好湯之後分享咗比其他鄰居、留起一碗今晚、另一碗就用嚟煮「半個米粉」做午餐😋

酥炸韓式辣雞翼（單骨）

之前買咗包單骨雞翼、一心想試吓網上好流行的一隻「酥炸粉」、終於朋友同我在淘宝買咗、所以急不及待立刻試做、（平時甚少食炸嘢）嘅我、破例一次吧🤣🤣🤣

因為用咗韓國的辣椒粉嚟醃雞翼、所以叫「韓式炸辣雞翼」、做法甚簡單、將一包（100gm)嘅粉同一樣比例嘅水開勻、加一只雞蛋、拂勻、中火炸熟、上碟後再灑入辣椒粉😋😋😋

眉豆豬骨冬菇湯

今早見好少少胃口、嗱嗱臨出去吃個早餐、跟住回家煲湯、今次的湯是用：眉豆、冬菇、瑤柱、蚝士、西施骨、果皮的組合嚟煲、希望好飲吧😋😋😋

現在的胃口時好時壞、所以一旦好少少便盡量去食、唔想瘦下去就好！

杞子水晶雞

今次不用黄油雞嚟做、試吓用白皮的清遠雞、雖然做完的賣相唔靚、但勝在皮薄（爽）肉滑、甚有雞味😚

之前用盐醃過、蒸約半小時、凍了之後才斬、蒸雞的汁加入杞子、打個玻璃獻即成😋😋😋

蒸魚晚餐（金古）

今天夠晒運動量、來來回回上山落山成三四次、今日去茶餐廳食早餐時叫老闆同我係街市買咗條「金古」、所以今晚又再落去食「蒸魚餐」、其實我食金古主要係食佢嚿「肝」、超好食、以前曾经食過一條好大的金古、嚿「肝」成個一蚊銀咁大、可惜只吃過一次咁大把😋😋😋

香辣牛肉茄子

今次用豆板醬嚟煮、茄子去皮切條、先用生粉洗吓、冲水、白鑊炒乾身、牛肉加生粉捞吓、飛水、先爆香蒜茸、加入豆板醬炒吓茄子、再落牛肉、兜勻、赞酒、少少雞湯、炒到茄子軟身、上碟後加入赞過熟油之蒜茸、辣椒、葱花便可😋😋😋

素翅青瓜卷&素翅釀節瓜甫

上次買的素翅想KO埋佢 、所以一次過做两款、冷盤同熱盤、因為素翅本身冇味、所以加入瑤柱絲增加味道😅

老正同學會的午餐

自從疫情之後、我們这班「老頑童吃喝玩樂组」甚少聚餐、今天相約其中三位去飲茶兼參觀「老正工作室」在油街展覽的「同亞婆傾吓偈」展出😘

本來我們这「個食組」一共有七位、其中一位因疫情還留在澳洲、一位忙碌、最令人伤感的一位最近上咗天堂

我們飲完茶再去參觀在油街的展覽 、完畢後各自歸家、期待下一次的聚會🙏

簡單的晚餐

今天吃得太多東西、所以晚上吃得簡單一点、只煮了一個虾子麵、加入一個荷包蛋和幾片肥牛同菜、最后都只是吃了一半😉

一則題外話、剛在fb中看到一段頗為欣賞的其中一段、說出我的心底話：

（摘自fb)~忘记了出自那篇文      章

蒜茸豆鼓蒸三文魚

上次買的三文魚還剩低一半、今早用蒸的方法嚟煮、又是另一種風味！

我常常喜欢煮定一樽蒜茸豆豉在雪柜、方便隨時有得用、每次需要用到蒜头豆豉時只需要拎出加入調味汁料煮片刻、候凍加入嚟蒸魚、排骨等等😛方便又好食

傳统花生糯米糍

平時少做之这一款糯米糍、但今次個配方好好（自己覺得）😉

材料：糯米粉150gm 、木薯粉20gm 、糖30gm  、椰汁150gm（加少少塩）、水100gm全部開勻過濾後加少少油、蒸約25分钟（用快筷插吓中央便知熟未）

之後分割成36gm/粒、可包入餡料（糖、花生碎、芝麻、椰絲）搓圓後再轆過椰絲、这份量可做10粒左右

口感唔錯🥰🥰🥰

自創韓式豆腐海鮮窩

一早落山食早餐、食完買齊料回家學整韓國鄰居嘅「豆腐海鮮窩」不過、唔太記得用什麼料、我只能發揮自己的「小宇宙」、是但的做一次吧😅😋

希望好食啦🤣🤣🤣

涼瓜炆三文魚虾子麵

自從發現这款三文魚之後、很多時都會買定一pack在冰箱、今早就用涼瓜加蒜头豆鼓嚟炆三文魚同跟「虾子麵」食😋😋😋

做法：

將涼瓜切片、先用盐醃吓、冲水後用白鑊（沒水沒油）烘乾後拎起候用、

三文魚先用盐、古月粉、生粉醃完煎吓两面

用蒜头豆豉先爆涼瓜、赞酒、加入已準備好之調味（蚝油、糖、老抽、水）煮片刻、加入煎過之三文魚（不煮要太耐、否則肉會鞋身）、再打個獻、舖在巳煮過「虾子麵」上、便ok😘

蟹肉炒素翅

年青時跟着母親常常有好嘢食、現在年纪又大又窮、加上本身的消化能力下降、就算好嘢都冇本事食囉😜

而且近年要環保、「真翅」都不要食吧🥱

今次買到这「牌子」的仿翅、個人可接受到、亦不太硬、出水後用雞湯煨吓便可跟雞蛋蟹肉嚟炒、就咁睇真的似坊間的「炒桂花翅」嫁😋😋😋

中秋節~自煮午餐

同鄰居一早约定、煮午餐賀中秋（因她們两個都要返工）、我一早起身煲落湯、整完豉油雞後落山去食早餐、再入街市買蚝、魚、貴妃蚌同菜、回家後立刻開工、十一点半食完、不過洗碗就留比鄰居慢慢享受啦（因我至憎係洗碗、以前幫人煮飯時、我要有姐姐至答應去做嫁）😅

今天的菜式有：蓮藕章魚煲红蘿蔔湯、排骨炆花膠海參、蒜茸粉絲蒸貴妃蚌、蒸馬友魚、薑葱生蚝煲、豉油雞、我們一共四個人、不過唔駛其中一個亞婆夾錢、三個人夾（每人$160）抵食過出街食呀😋😋😋