湯飯

这幾天真是熱得令人不適、所以臨返查经班前整定個滾湯：「咸旦肉片節瓜湯」、蒸定碗飯、放學回家後一於食碗「湯飯」就算！

愛從何來

近日甚迷惘、对於「靈修」两個字不甚理解、甚至不知從何着手、清晨突然從夢中扎醒、打開手机、第一張圖入落眼中是「曉遇」的其中一段：

『彼得前書』1：22-25寫着

不是因為弟兄有多可愛、也不是自己有多偉大、而是因為我們巳得着蒙恩的生命、且靠着「神活潑常存的道」才能愛

這算是開竅了嗎？

我这幾天求神給我開啟智慧令我明白何為靈修的成果嗎？

雜錦炒米粉

今早做完雞絲粉皮、下午用剩餘的材料炒碟米粉就算、月尾慳得就慳、反又吃得不多🤭

雞絲粉皮

这两天熱到溶、加又係月尾、所以慳慳地整碟雞你粉皮（原本想整冷麵的）、冇得賣、雞胸冇、只好用雞肶代替吧

芝麻醬的做法：

麻醬

熱水

白醋

糖

豉油

份量因個人而调教

七星伴月（飯糰）

前两天係網上見到類似的飯糰、昨天見（坐骨神经老朋友）坐了一天便離去、心情大靚、所以又跟吓風、當然餡料不同😋

我的「七星伴月飯米糰」除了本身係白飯之外、其他配料有三色小椒、雞肶肉、南瓜、芝麻、紫菜、做法只要將配料炒熟、加入日式芝麻醬捞過、掐成小球七個、大球一個、放在碟中再灑入紫菜同芝麻碎即成

这天气熱的涼快「便當」十分好吃吧😅🤭

最后加多碗滋潤的糖水

椰汁红荳糕

Le輪身体真麻麻、眼睛還未醫好、一早起身老朋友（坐骨神经）又嚟探我、搅到連崇拜主日學都要停一次、重要鄰居幫忙替我買早、午餐添🥲

希望搽完那專用（坐骨神经）的药膏再休息一天、那朋友快些走吧🤔

昨天做的椰汁红荳糕是在網上有位個網友（fung fung）的食谱、做法簡單、好食、谢谢🙏

（又金又銀）炒粉絲

昨天晚上突然好想食炒粉絲、試吓個新配方、材料有粉絲、云腿、魚肚、雞蛋

做法亦很方便、先浸粉絲、飛水後剪小段、魚肚先浸過後出水再剪碎（用雞湯煨下）（即是煮片刻）云腿蒸完切小粒、雞蛋煎過再切碎（部份蛋液捞過粉絲一齊炒）

落油先炒粉絲、之後加入云腿、魚肚、最後加入少少盐、雞粉、同雞蛋碎便可上碟

「冇飯吃」的星期四

由今天開始、隔天才會吃一次飯、所以今天只吃餸🤪

先整一碟素釀瓜甫、跟着用剩下的餡加埋大豆芽、红蘿蔔絲、魚片炒多一碟「是但小炒」、希望血糖會keep得好一些吧😚

鲩魚头滾蕃茄湯

昨天剩低的另一份鲩魚头因為放在冰格（沒洗）、所以今天拎出嚟解凍、之後吸乾水、加入胡椒粉、盐、薑汁醃吓、加薑煎香两边、赞酒、放入蕃茄煮片刻、加入水大滾15分钟出味、轉中火再滾多15分钟便成😅

鸳鸯龍崗雞

今天要返查经班、食完早餐入了街市買咗隻冰鮮龍崗雞（$82）

回家後先蒸定碗飯、一半雞做葱油雞、另一半做簡易豉油雞

查完经回家煮少少翠玉瓜、翻熱白飯、斬少少雞伴碟就成😋😋😋

是日煲仔菜之（晚餐）

今晚继续食埋那大魚尾、用咗半磚豆腐（煎吓）、放煲底、再將略煎的大魚尾放上、加入调味、少少水、生菜、再煲煮片刻便可上枱嘞🤔

是日煲仔菜

早上去了一轉街市、買了三個鲩魚头（因為比大魚头平好多）、叫魚飯斬開、一半用嚟滾芥菜豆腐湯、留起一半明天滾蕃茄湯、半條大魚尾（用嚟今晚做生菜豆腐煲）全部都合共$80、比起鲩魚尾同大魚头平成一半有多、可以食三餐、这都是慳錢方法之一😅

日式雞扒飯

今天又學吓扮日本人、做客不太正宗嘅「日式雞扒」飯、所需材料有：

雞扒一塊、洋蔥、蛋

調味有醬油、味淋

生粉

鰹魚汁、味淋、日本清酒、水

先煎好雞扒、切件、放在白飯面

炒洋葱絲至焦黃、加入調味料、推入拂好之蛋漿、熄火後淋在雞飯上

陳皮一字骨

自從超市有$100/3pack嘅肉賣之後、我一見有靚既「一字骨」就會儲定在冰箱、今日見冇事做、用朋友送给我嘅「陳皮絲」做咗这個煲仔餸😅

估唔到幾惹味、如果啤一啤重正

做法一如既往、解凍後冲去血水、用乾布抹乾（或用廚纸）、先搽少少醬油、在煲煎至焦黃色、落浸過之陳皮絲、赞酒、落浸完陳皮之水、冰糖、慢火先炆半小時、之後大火收乾汁液、便可轉入砂煲上枱

（我來都唔會教落少糖、生抽等等之類）、全靠感覺、煮得多便知曉😅

魚湯餃子米線

今日買咗料做餃子同云吞、有兩種餡、冬菇木耳、粟米豬肉虾同菠菜肉两款、並買咗两份青根魚煮魚湯、加少少新鮮米線、十分健康🥰

葱油雞扒飯

前兩天在茶室下午茶時見到有人叫咗客「葱油雞扒飯」、連飲品承惠$48、咁啱昨天係超市有包特價是雞扒（即將到期）$18/一塊、所以買了回來試做同樣的葱油雞、後果都相近🤭

『月尾族』的下午茶

其實「月尾族」也可以好慳家的、半斤河粉分兩次、$30肉片又分两次、今早食「湯河」、下午又炒碟「菜遠肉片河」、有時我都幾佩服自己的控制能力、慳又得、大駛又可以😅😅😅

『月美族』的午餐

自從係fb學咗这個新名詞、十分好用、一到咗自己認為冇錢的日子、这個新名詞就大派用場啦🤭🤭🤭

今早是是但但食碗滑肉菜心湯河就是、这餐『月美族』的午餐不錯吧🤪

煎釀茄子/辣椒

昨天晚上簡單做碟釀茄子/辣椒、加碟蒜茸菜心、同一位鄰居一齊開餐、其實只要做人滿足、一切自然能平安喜樂❤️🥰

一人飲早茶

今早學人飲茶做早餐、点知第一次獨自飲茶就出事、因為尤於要搭枱、亞姐亂寫單、寫到我張單變成搭枱的大叔嘅、大叔的就變成我、最終我比咗我個份錢大叔一齊找數、下次都咪搅我啦🤔

自制無骨海南雞飯

自從眼睛有事後、現在每次只能睇10分钟手机便要停一停、因為感到眼睛容易疲倦及流眼水！

今早落雨、所以買了隻雞、兩隻脾做無骨海南雞（先用黃薑粉搽吓才蒸、顏色會靚一些）、再用海南雞飯料煮少少飯、買了雞腎同用雞殼煲個湯、加入冬瓜粒又變成住家式的「海南雞飯」啦🤭

与此同時分享吓前幾年的舊照同今天的、分別真的很大、我谂这是我最后一次穿「短衭」了、对腳實在太嚇人呢🥲

芝士白汁蘑菇焗豬扒意粉

今早清埋雪柜的凍肉、見有包豬扒、於是用酥炸的方法（麵粉、蛋、麵包糠）、炸完煮個蘑菇汁、捞吓烚過之意粉、再放回豬扒、淋上白汁、再舖片芝士在面焗至焦黃就是😚

當然影完相只吃了1/4、其他留比鄰居囉🤪

我係fb都講、煮嘢係現在每天支持自己的動力、若連这興趣都消失埋、咁真係快上「天堂」咯😅

菜飯+豉油煎豬扒

经過幾天的「重量級」晚餐後、係時候要簡單一点、否则三高又跟着嚟探我嘞🤔

近來發覺人老咗唔係「張三就李四」、後生時當然係講緊男朋友啦、而家就當然講不同的病排住隊嚟揾我、唉！

刚刚至搅掂膀肛的問題、而家又到隻眼、遲一些唔知什麼病啦🥲

今早就食菜飯+豬扒

今晚就整碟芝麻菠蘿骨

母親節的晚餐

雖然「母親節」冇我份、但鄰居是個母親、仔女不在身边、我就幫佢慶祝吓啦🥰

今晚食埋剩低的白鱔（今次用梅子蒸）、虾仁帶子炒蛋、冬菇馬蹄蒸肉餅、同蒜茸菠菜、这餐家庭式的晚餐不錯吧😚

沒有母親的母親節

今年巳是第五年沒有了母親的「母親節」嘞、今早鄰居請我去咗廣場的「茶皇殿」飲茶當慶祝😚

由於是星期日加上又落雨、都幾多人排隊等位、而且又加了價、我地兩個人連六碟点心都要成$250、不過還好味道都唔差😋

昨天晚上半夜左眼又赤痛、今早嚇到連教會崇拜都唔敢去、瞓到成九点才起床、見沒有再痛才敢去飲茶咋