2024年3月31日 星期日
假期第二天
今日幫朋友係樂富開檔、返到屋企巳七點幾、放低嘢立刻煮飯、跟着冲涼、煮定飯就開始切洋蔥、剥虾殼、醃虾、整汁(泰式雞醬、糖、白醋、豆板醬、紹酒)、一煮完立刻用蛋、芫茜炒饭、之後虾走油、回鑊虾、洋蔥、汁、熄火
2024年3月29日 星期五
假期的第一天
每次長假期、香港總是走了很多人、無論國外定國內、今早過廣場買早餐、水靜河飛、冇學生、行人少、到下午再試行落去土瓜灣下午茶、又是一樣、不過據鄰居講、旺角就好旺、聽新聞各關口就迫爆人、唉!留番我地这些又老冇錢嘅人、又點可以振興經濟呢😅😞
2024年3月28日 星期四
特式菠蘿骨
今次我用脊骨代替一字骨、効果都唔錯、配完排骨(古月粉、鹽、糖、生粉)後加入蛋王、再上生粉、炸两次、第二次是臨食前才
至於汁方面、我用(茄汁、泰式雞醬、陳醋、李派林、老抽、糖漿)
小貼士:汁不能太多、煮滾開始杰身才加入排骨
2024年3月26日 星期二
2024年3月21日 星期四
2024年3月20日 星期三
菠菜雞蛋越式米紙卷
昨天做了幾條這樣的小食、因為之前買了包越式米紙同即食紫菜、想盡快消滅佢、所以做了幾條當下午茶
那些餡是用菠菜碎(灼熟切碎)、蝦仁、滑蛋
米紙浸軟身、中央放片即食紫菜、再放入餡料、卷成春卷形再炸過、配泰式甜酸醬跟食
2024年3月18日 星期一
2024年3月17日 星期日
花生一口酥+雜干果仁一口酥
今天全日冇出街、所以有大把時間在家搅搅貢
做咗些一口酥、有花生的、干雜果仁的、配方同之前腰果酥一樣、200克麵粉、花生碎、雜果仁碎各100克、糖50克、少少鹽、油(粟米油、大概能搓成粉糰為準的份量)用气炸窩焗約15分钟
今次花生一口酥用木製的模吸出型狀、而干果一口酥就搓成圓型、这份量做到迷你size大約各三十多件左右
2024年3月16日 星期六
香檸雞
今早有高人指点如何醃雞肶肉同点做個汁
雞肶去皮後切件、加古月粉、盐(雞蛋、麵粉、生粉、吉士粉)、去捞醃吓
炸時再上生粉、最好炸兩次
檸汁:檸檬皮(最後才
加入)、玉泉忌廉汽水(代替水)、檸汁、糖、吉士粉開勻
做法:炸過兩次的雞件、快手兜入檸汁料便可上碟
可能第一次做、個「獻」控制得麻麻地😊😊😊
2024年3月15日 星期五
Fusion 菜式~日式飯糰配金盞虾球
終於知道為什麼一般fusion菜式會貴、因為除咗工序多、有時需要嘥嘢(會有些下欄)、今天自創咗個日式飯糰配米紙金盞「甜酸虾」
飯糰制作:煮好白飯、加入拖過水之红蘿蔔碎、黑白芝麻、紫菜碎、少少鰹魚汁、用保鮮紙包成飯糰、放入碟中
甜酸金盞虾:將越南米紙剪好、用濕布抹吓、放入一張紫菜在中央、用雞批模壓住、用大滾油炸成金盞再放入蝶中、虾用大滾油走油、回鑊虾及快手兜入泰式甜酸汁、之後放入金盞中即成
2024年3月14日 星期四
2024年3月13日 星期三
沙田馬會午餐+嘉道理農場
今天母親故友的女兒約咗我去沙田馬會午餐、之後更車咗我去嘉道理農場逛逛(其實我從未去過)、可能現在不是花的季節、加上農場内有很多工程進行中、所以沒有太大的吸引力、我們只逗留約半小時便走、最后她叫司機車埋我回家添
母親故友的女兒比我大十年左右、都成八十多歲、而先生更九十多歲、成枱人加加埋埋幾百歲、真係值得珍惜相聚的每一刻
感恩我們還可以坐在一起缅懷過去、細說兒時的趣事
2024年3月12日 星期二
釀沙白+紹菜巻
今早跟咗fb一個菜譜做、睇似簡單、但釀起嚟颇有難度呢、原來釀完好難「唔分離」、可能要用刚刚開口的沙白、不能開口得太大、否則蒸完會太多空位、hold唔那些肉、我都係勉強做到八只咋
至於那些做衰咗嘅肉、我用超菜捲起嚟蒸、再打個玻璃獻就是
2024年3月11日 星期一
2024年3月10日 星期日
軟餐學習課程
昨天有機會去了東華三院旗下的I-Bakery 其中一個工作坊上堂(軟餐制作)、很高興能參与、從而認識到現在的軟餐十分先進、令到很多長者受惠、重拾對食物的要求、加強對吞嚥困難的認知、可惜當年母親未能受惠到这些先進的「軟餐」食物
2024年3月9日 星期六
牛奶魚滾蕃茄湯+虾鬆西蘭花餃子
今早街市個魚檔老板介绍咗这種叫「牛奶魚」的魚用嚟滾湯、佢講好甜的、所以試吓加入蕃茄一齊滾
另外上網見到这個餃子的配搭幾特別、所以又買咗包餃子皮嚟玩吓、先用中虾略剁碎、加入西蘭花碎、調味、搅勻再撻吓、包入餃子皮、半煎炸的做法、又幾特別囉
2024年3月6日 星期三
红炆牛肋條
昨天剪完髮去咗朋友公司買牛肋條、好平、美國嫩牛肋條$130/900gm
我今次用無油煮法、牛肋條飛完水切段、用薑片白鑊炒乾牛肋條、加入香葉、桂皮、蕃茄、红蘿蔔、赞酒、調味(蚝油、老抽、冰糖、茄汁)、加入水、炆煮約1/2小時、(是乎牛肋條的腍度)、再收乾水份、加入生粉獻埋汁
2024年3月5日 星期二
2024年3月3日 星期日
2024年3月2日 星期六
2024年3月1日 星期五
訂閱:
文章 (Atom)