婆婆家常餸之柚子骨

之前買的金沙骨……我攞咗d嚟做柚子骨……做法好簡單……用蒜茸……生抽……糖……醃過夜……再上粉(我用木薯粉……因為脆d)……之後用柚子蜜加水同糖煮杰身……兜番炸過之骨捞匀就Ok……好好味嫁！

婆婆点心篇之A貨腸粉

我每次做的腸粉都唔成功……今次終於完成人生第一碟頗成功的虾米同鮮虾腸……le個咁正的食譜係出自blog友高Ling嫁！

婆婆素食日之三色卷

噚晚唔知攪乜鬼.......post唔到嘢上嚟......個柱侯炆栗子蝴蝶腩只好post咗上facebook囉！

今日又初一.....又要食素.....我le個唉吔素食者又是是但但整碟三色卷啦.....都冇乜心机煮......因為條頸重係唔多掂......睇嚟都要電多次咯。

今次用最簡單的做法......用鮮竹包住三色椒嚟炸......之後用柱侯醬煮少少汁淋上面就OK啦！

婆婆家常餸之栗子炆蝴蝶腩

我今日全日都外出.....中午係洲際同blog友食自助餐.......之後去咗九龍城買荳沙同韭菜粿.......冇時間煮嘢......好彩臨出街前炆落le碟柱候醬炆栗子蝴蝶腩.....可惜明天又係齋期.......諗落都要比咗人食嘞。

婆婆午餐之煲仔飯plus白肺湯

最兩日幫朋友洗咗兩個豬肺同豬肚....再打咗半斤杏汁.....打咗斧头拎起兩嚿豬肺同一碗杏汁.....自己燉咗碗杏汁白肺湯嚟飲！

再蒸煲梅菜肉眼根(豬扒後面的根.....好好食嫁......可打边爐......又可蒸虾醬.....十分惹味)....加片梅香咸魚......十分滋味呢。