婆婆晚餐之叻沙湯麵

今日去完會展的焙烘展之後……去咗陶源飲茶……之後再行Sogo……終於買到星加坡的叻沙麵。
晚餐煮咗一碗嚟食……嘩！点知煮完好大碗添……

婆婆韓式一字骨

近來買到le隻一字金沙骨真係好正……焗完重好juice……我今次用上次Double媽帶我去買的韓國醃肉醬……味淋……鬼佬黑醋……茸蓉醃咗一晚……用焗爐180度焗熟後……放在沙律莱面……再灑d杏仁碎……好味呀！

婆婆有味飯

今朝又冇水……所以一煲過……整咗有味飯……有瑤柱……冬菇同八爪魚亁……煲完巳经好香……加埋葱花重正！

婆婆的A貨南瓜糕

係FB見到以前blog友5B媽整咗個南瓜糕……等我又做吓copy cat啦……但我就唔钟意搓爛d瓜……所以d顏色差少少……其實同蒸蘿白糕的原理一樣……我le底糕用咗1杯粘米粉……1/2杯粟粉……大約1杯半水開匀……炒香d料……加埋粉漿煮至杰身後……放巳搽油之糕盆蒸半小時就得嘞。

陳醋韓醬骨

前幾曰見到blog友TNP做咗個陳醋雞……我今日又玩吓個差不多的金沙骨……我除咗用鬼佬沙律黑醋嚟醃之外……重加埋隻韓國醃肉醬添！個効果又幾好喎。