排骨蒸陳村粉

一路我都好想整le個餸……咁啱前幾日係电視見有人整……今朝又買到陳村粉……所以又學吓人整囉……不過post完都係比咗人食啦！

素扒荳腐花

前幾日係电视學咗le個素莱……今日剛好係人日……啱晒啦！

材料係荳腐花……金菇(代替瑤柱)……菠莱(代替荳苗)……素蠔油……生粉水……簡單又好味。

釀雞扒

做完兩日亞四……見印姐好d……交番亞媽比佢搅……今日開工大吉……噚日煑多咗飯……買隻雞肶將飯炒咗嚟釀入雞皮同雞肉之間……再焗香佢嚟做午餐！不錯的選擇。

橙汁馬蹄糕

Le兩日太無聊……印姐又未病好……唯有係屋企backup……好彩暫時坐骨神經冇發作……否則神仙都冇面比！

今朝將過年前剩餘的花膠蓮子料同橙汁做底雌雄同体糕……之唔係橙汁馬蹄糕同花膠蓮子糕囉……有時我都幾有創意嫁。

八宝糖水

勞勞碌碌話咁快又過完個年……今年乜都冇做……冇團年就冇開年啦……因為亞媽個腦退化越來越嚴重……日就話夜……新年又話中秋……加上連印姐都冧埋……自己又唔舒服……唉！好似當年九七咁……要嚟都始終要面对嫁……癈話講完……整番個黄淑儀老翻八宝糖水先……材料有少許分别……有蓮子……白合……元肉……果皮……羗……無花果……雪蓮子……花膠……加少許冰糖就是。