焗豬扒飯

明天唔駛返工、但要準備定d煮好的餸、唉！諗到头都大、醃咗唔煮佢地又唔識跟煮、唯有焗定豬扒飯翻熱、不過一定冇咁好的。冇法啦。

有机雞

話時話我還是喜歡平時食開街市的黄油冰鮮雞、噚日見買開有机莱又學人訂咗隻聽講冇杭生素的走地雞、重要今日特登再出去攞添！講真亞婆冇牙点食d走地雞啫、重硬過我條命、又貴、百五蚊呀、不過人一世、物一世、叫做試過囉！

我用個煲放竹笪在底、铺上薑葱、放三湯匙紹酒、同三湯匙水(當然隻雞用盐擦過、雞肚放薑葱紹酒)平時我用电飯煲按两次就OK、但用这煲唔識跳制、我煮咗半小時啦、之後斬件、淋上葱花、煮番d汁再淋面就搅掂。

自助餐。。。。再臨閣

今日約咗朋友去尖沙咀的YMCA食自助餐！

食物就一般啦、勝在夠平、加完一都係一百六十三蚊、今時今日算OK嘞、不過食物的水準我個人就比較喜歡窩打老道那間YMCA。環境就尖沙咀le間新同舒服d。

晚上簡單滚過魚尾湯同兒時的至愛。。。腐乳捞沙糖、送碗白飯又一餐啦！

紅棗糕

今年真麻煩、冇咗個廚房、乜糕都蒸唔到、但我手痕都用最簡單的方法做咗两底經過修改(高Ling)師傅的紅棗糕送比人。

希望明年都未腦退化！再蒸過啦。

過客。。。。

近年同朋友曾討論这問題、亦不停反覆思量le两個字的真正意思。。。。原來任何人都只不過>過客<而巳。。。誰都一樣、誰不是誰。

上天派我們到这世界上、各人都有一定的任務、在過程中大家有机會偶遇对方、當完成後便要離開、所以亦不必悲傷、惦念、因為就算父母、至愛、甚至仇人、當大家的任務完成後就必需離去、什麽恩愛情仇都會隨風回歸大自然、又何必計較呢、正如佛家中的一句。。。本來無一物、又何處惹麈埃！

所以我們必需放下執着、笑看人生。

嘻！我又突然記得小時候每當派成績表時考得差時、我總為自己解釋。。。没有最尾又何來第一名呢？。。。。現在諗番起我當年我都明这道理(其實為自己開脱的歪理就真)。。。哈哈哈！