三色莱飯+鴨脷

今天做咗le两款比朋友！

用三色米做菜飯
加埋柱候醬辣鴨脷

好味。

黑糖馬拉糕

見好耐冇整過、咁啱有朋友送咗包黑糖比我、於是用咗cook one cook的高太食譜做咗一底囉。

佢的做法如下

黑糖80gm
蛋2只
自發粉80gm
吉士粉20gm
發粉3gm
梳打粉3gm
鮮奶60gm
云利嗱香油少許
冇盐牛油20gm

全部粉類篩過、黑糖加入無盐牛油坐溶、加入鮮奶、蛋、香油、拂匀、過濾、輕手拌入巳篩過之粉、放入模、大火蒸半小時便OK。

好想死。。。。。

我家的太后、病情越來越嚴重、噚日巳經由早上玩數銀紙同利是、玩足一整日、而家連半粒安眠药都失効、一直玩到零晨二点、拎住d錢瞓着才收科、而我近日瞓梳化瞓到坐骨神經開始想發作、又去到家當散盡、真唔知点撐落去、如果可以有方法死得唔醜樣我真係想試吓、而家連工人都比佢玩到血壓高至二百幾、咁搅法我地變晒死人都未到佢、真係唔知可以点啦。。。。。唉！

噚晚瞓得三個鈡、继續咁落去、簡直係慢性自殺、當年都係頂唔順佢晚晚食完安眠药唔瞓至搬開住、估唔到廿幾年後的今天又再重臨。

葡汁雞搥

噚日做完素釀雞翼、重有雞搥剩低、所以今日用d葡汁煮埋去比人。

材料、有雞搥、茄喱醬、紅蘿蔔、粟米仔、椰汁、搅掂！

之後再配三色飯

紅蘿蔔煲田雞湯

今日煲咗個红蘿蔔田雞湯比太后！

尤於佢而家味覺冇晒、加上又十分咀刁、唔like的話、話之理幾貴吖、不過le款湯聽講。。。。good for bone、唉！佢唔飲自己都要補吓d骨啫。。。。材料用2斤田雞加個有泥紅蘿蔔、加片果皮、紅棗两三粒、瑤柱两三粒。

自己就炸咗碟七味粉炸排骨……先用古月粉、蛋、盐醃吓排骨、加入炸粉+麵粉、炸熟後、回鑊、赞酒、七味粉、芝麻。