韓醬水魷魚旦

如果唔係FB的reminder、差d唔記得去年今天做過这一碟惹味的小食！

不過今次我加入魚旦添。。。。。可惜用不到上次我朋友介紹的魚旦、唯有係街市是但買吧、不過又多粉同添加劑、出水時發到大一大、煮完又勁細。

Le味勁正的小食、用來送公仔麵一流嫁。

去年的出品

廚餘炒米粉

今日全日勁慳家、因為两餐都唔駛錢。。。。。係雪箱的剩餘物資。

先用盐油煎香米粉、放碟底

將菜莖、蛋、帶子、紅蘿蔔。。。。用上湯埋獻、之後淋上面便OK。

廚餘莱飯

Le輪google唔知搅乜鬼、無la la回覆走出幾個、如果個銀包d錢係咁就好咯！好似我咁黐黐地就真。。。

今朝出完去見個新朋友、番到屋企是是但但煮少少㕑餘莱飯做午餐、咸肉毛豆同百頁都是厨餘、加少少冬菇同云耳又變成碟唔錯的餸莱。

同場加映。。。。朋友送咗支微量元素的礦水泉我試、聽說对身体好。。。。等我試吓先、是否有効就拭目巳待！

炆鮮南非鮑

從來只有人欠我、我從不欠别人的人情、尤於朋友不停向我提供治療、唯一可以償還的只有。。。。食物！

今天炆咗两隻南非鮮鮑送比佢。

那些年之。。。續集篇

早幾天整理舊物時、無意中摷到这張發黄了的照片。。。。28定30？忘記了！只記得曾經年青過吧。

哈哈。。。有朋友常說、妳咁喜歡post照片、唔怕咩？我答。。。唓。。以亞婆这年紀、無錢、又冇貌、還有什麽可損失啫、而且從这些舊日的回憶中、重拾回一些自信、給自己留下美好黄昏的印記、未嘗不是件好事吧、否則一旦好似太后咁、唉！想做都做唔到啦。。。。人生就是如此、人人必經之路、誰人都無一倖免。

可惜我早巳將自己安排好第日做。。。無言老師！否則攞这張照片做遺照也不錯吧！