昨天見網友整沙翁、又名>冰花蛋球<、心思思又玩番轉、本來之前都整過、但不甚成功、今日心心不息再玩過、去到接近成功的階段、希望下一次會再靚仔少少啦。
近日同網友閒談中、又勾起我对以前寵兒無限的思憶。。。。由於性格方面較為黑白分明、自覺同動物在溝通这方面較為合拍、因為牠們思想比較簡單、只要主人全心全意地去愛牠們、佢地亦全心投入、忠心不二、不似人類般互相計算、表裡不一、有人形容貓狗的心智尤如一位孩童、所以每一個孩童是最快樂的(當然不包括戰火中及貧窮中)。
婆婆一生(記憶中)曾有三貓、四狗、三龟龟陪伴成長至2010(最後的samsam)。。。終於畫上句號！
自從日本瑶柱價格標升後、巳經好耐冇整私房XO醬嘞。
今次同>老媽<買咗d青岛紅貝仔、一於做番幾樽>平民版<亞婆超級私房XO醬啦。
材料有。。。。
樱花虾/紅貝仔/虾子/大地魚粉/乾葱/蒜头/指天椒/荳板醬/塩/糖/雞粉
做法。。。。
先浸紅貝仔、蒸完撕閞、用油先炸過樱花虾同红貝仔、拎起、放入乾葱蓉、蒜蓉、指天椒、推煮至冇水份、加入之前之樱花虾同紅貝仔、調味、推煮至冇水份、熄火、候凍、放入巳消毒之玻璃樽、再放入雪柜。
(>一個月内要吃完<)
上網買咗d52头青边鮑、原來好正、又溏心、又易腍、真係買得過。
今日材料有准山、恣實、圓肉、果皮、雞肉、瘦肉、青边鮑、好清甜。
今日學人整小籠包、賣相超肉酸、但勝在好味。
等我再改善個賣相、再post食譜出來啦。
