七一回歸之鳗魚烏冬

今天巳是第29年之七一回歸假期，時間匆匆巳過了这麽多年，可能巳经

麻木了。。。想不出有何慶祝。

今早在759買咗pack鰻魚，一包乾烏冬，一支鰹魚汁，就煮碗日式湯麵食吧。

無何否認日式湯麵是眾多湯麵中最健康。

虾丸荳腐

自從经營咗Threads之後，便少咗上嚟这裡，而且可能巳沒有什麽follower添。

今日見黑雨，又沒有外出，所以又巡一吓啦。

今早買咗两件布包荳腐，一斤虾（打咗虾膠），所以就煮碟这樣的配搭吧。

先打虾膠再做虾丸，荳腐切大粒，略煎，放入虾丸，加入蚝油虾子獻即成，周边放入灼過之菜心。

角螺煲羊肚菌湯

近日少咗在这裡貼文，因為自從開咗小紅書同Threads，忙於四處走動，但亦惦念着这處陪伴多年的朋友（可能现在有很多人沒留低嘞）。

今天貼这個湯上來的原因，因為實在好飲，而且「角螺」近年都少買（因為贵咗好多）角螺12粒，羊肚菌適量，瑤柱两粒，陳皮一角，豬展一嚿，杞子適量。这是一個十分滋陰的湯水，老少都適合。

日式咖喱牛肉

昨天韓國鄰居送了包牛肉比我，可能佢唔識切，搅到牛肉「好韌」，心諗用嚟炒可能唔啱，不如用咖喱炆的做法，所以改良咗这做法，加入薯仔，红蘿蔔同蕃茄。

効果唔錯。

2026第一條貼文

今天是2026的元旦。

所以簡單地做碗湯河同炒河嚟慶祝一吓。

人越老越吃得簡單，因為發覺年纪大咗，食量相对減少，而且沒有年青時的食量。。。只要身体健康，食多与少都沒関係。

在此祝福朋友們2026年平安喜樂。

2026第一條貼文

今天是2026的元旦。

所以簡單地做碗湯河同炒河嚟慶祝一吓。

人越老越吃得簡單，因為發覺年纪大咗，食量相对減少，而且沒有年青時的食量。。。只要身体健康，食多与少都沒関係。

在此祝福朋友們2026年平安喜樂。

2025的回顧

每一年的最后一天我總會回顧過去一年的喜与悲。

2025沒有多大的改變，身体還算健康，血壓受控，血糖略高但還算合格，青光眼都OK。

自從两年前受洗後，心境改變了不少，不再執着過往的不快，一切靠向主，因為全能嘅天父自有祂的安排。

对於外婆，父母只有懷念在心中。。。希望2026會減少天災人禍，祝願世界和平，人人開心。

新菜式~辣椒紫金蘭炒爽肉

自從玩多了小红書同Threads就少了post貼文在这裡，因為發覺越來越少人關注这裡。

今天趁有空又post番一点貼文吧。

近日發现了这紫金蘭（对我來說是新產品），我試煮了我次，發覺幾合自己的口味。

今天用咗辣椒同爽肉一起煮，色，香，味都唔錯。

糯米飯

近來很少在这裡貼文，因為现在除了fb，ig，小红書，又加埋Threads，所以忙得很。

前两日重做一次糯米飯，近幾年都好少整，因為怕吃了「骨又痛」。

今次改了少少步驟，我洗完米就用雞湯浸糯米約2小時。

之後放蒸盆蒸熟，加入巳蒸過之臘腸粒，冬菇粒，虾米，瑤柱，爆香後放入蒸好之糯米钣加入調味（老抽，蚝油）兜匀，上碟後灑上花生，蛋絲，苣茜葱就可進食。

预祝生辰的晚餐

自從由2019年搬了過來之後，從未款待過好朋友來吃钣，昨天晚上請了两位兒時的玩伴，基本上由他父母及外祖輩巳認識，以前自己寄住在養父母家不方便，今次適逢生辰在即，便邀請了他們姊弟二人，及弟婦一起過來吃钣，同時叫埋兩位鄰居作伴，由於家姐不爱吃肉，我煮了幾味海產的食物。

有蕃茄南瓜龍躉骨湯，蒸龍躉腩，焗三文魚鮫，翠玉瓜炒虾仁帶子，炆鮑魚魚唇，麵醬菠菜。

蝴蝶腩炆蘿蔔

見好耐冇整这餸，今早同鄰居買開豬骨時顺便買少少嚟煮蘿蔔。

先飛水蝴蝶腩（其實近豬肺附近），口感有点似牛腩。

之後用蒜头起鑊，爆吓醬料（甜面醬加老抽，生，抽糖，雞粉）放入蝴蝶腩，赞酒，再加入巳飛過水之蘿蔔，水，继續炆煮到收汁。

蝴蝶腩炆蘿蔔

見好耐冇整这餸，今早同鄰居買開豬骨時顺便買少少嚟煮蘿蔔。

先飛水蝴蝶腩（其實近豬肺附近），口感有点似牛腩。

之後用蒜头起鑊，爆吓醬料（甜面醬加老抽，生，抽糖，雞粉）放入蝴蝶腩，赞酒，再加入巳飛過水之蘿蔔，水，继續炆煮到收汁。

日本和牛套餐

早幾天在City Super買咗幾包日本牛肉，特價$400有三款不同的牛肉，免治，西冷，和牛。

第一餐用免治煮意粉+西冷。

第二餐煎蛋加和牛

蚝油炆魚唇冬菇豬手

早前在雜货舖買咗包魚唇，浸完似花膠，但當然平很多，勝在有膠質，用嚟煲湯冇乜味，所以加豬手，冬菇，發菜，炆一碟做餸。

少汁蕃茄蛋

前幾日在網上學咗这個簡單版嘅蕃茄蛋，若屋企冇餸，只得蕃茄同蛋亦是一方便的碟头钣。

主要材料：蕃茄两個，蛋两只，調味：茄汁，糖，少少白醋

做法：將蕃茄切開，拎走晒入面含水份的蕃茄籽，淨肉切粒，蛋打發後加入盬。

首先加入蒜茸先煮蕃茄，加入调味煮片刻，拎起放碟。再用油快手推煮滑蛋，之後快手將之前煮過之蕃茄捞入即成。

老薑黑醋骨

很久沒有做这糖醋骨，今早鄰居想吃，於是就買了一條金沙骨，斬小件，加古月粉，盐，老抽，生粉醃片刻，先用油爆過帶皮的薑片，金沙骨，加入冰糖，老油，陳醋，水，炆排骨至收汁為止。上碟後灑入芝麻做裝饰。

酒樓式的干燒四季豆

这個做法很多年沒用啦，因為用油太多不健康，但偶然一次也可接受。

四季豆切段後用油炸至微燶拎起候用，用油先爆香蒜茸，指天椒，放入肉碎，（今次加了榄莱）再放回四季豆，赞酒，調味（老抽，糖，雞粉，半茶匙盐，一湯匙水）煮片刻便可上碟。

厨神上身

昨天晚上化作厨神，去鄰居家中作客，並煮了幾味家常菜，其中包括蟲草花云耳红棗蒸雞，史云生雞湯蒸滑蛋，薑葱芫茜蒸鱸魚，蒜茸白菜，榄菜四季豆炒爽肉。

雜糧糕

这是我在fb跟一個視频學的，雖然第一次做，又唔錯（賣相有待改善）。

主要成份有小米，紅豆，砵仔糕粉。

红豆加入糖蒸淋，小米加水蒸熟。另外準備黄片糖煮水，凍後加入砵仔糕粉（分两份），二份加入小米，另一份加入红豆。

先在盆底放一份小米漿，先蒸好，加入紅豆那份，再加最后一份小米。

干咖喱雞

这款咖喱雞我用咗咖喱油同咖喱粉先醃雞件，之後用油略煎過，加入蕃茄，糖，盐，少少老抽，同约半碗水，之後煮至汁液略收乾身便成。