英式鬆餅（Scones)

这两天没有煮嘢，手痕痕先整幾個英式鬆餅嚟玩吓。

我的下午茶配方如下:

麵粉210克

發粉8克

糖50克

蛋半個

凍奶85克

凍牛油55克

蛋王一個用來搽面

做法:

將麵粉，發粉，糖，牛油搓成沙泥一般(輕手）再加入半蛋，凍奶，輕手按成粉糰，再用木棍轆成约一吋厚度，用模吸出，再用蛋王搽面，预熱焗爐150度焗至金黄色便ok😘

回家後的反思

雖然今次住院只係短短的一天，不禁令我感觸良多，不期然回想毌親往主前住醫院期間的点点滴滴，當時看到她的孤獨与無助，想到若有一天自己如她一般的躺在床上，樣樣不能自理，甚至大小二便都要假手於人，那種全没有尊嚴的感覺，想起都驚呢。

人若去到要死的話，最好就是快，相信心臟病是最好的一種了。

真的希望自己他日能死於心臟病就好了。🙏

出院了

住咗一晚，照咗CT，confirm咗真係有石在膀肛，現在先用药試排走，但最终都要我做膀肛鏡，暫訂十一月（真係超级驚）！

不過最驚人是驗到尿液中有蟲蛋（而这種蟲只會在埃及或非洲才有）莫講我從未去過这两個國家，基本上我連新机場都未去過啦，我好有理由相信是搅錯別人的尿液吧。

醫生又講这隻蟲是會導致「膀肛癌」咁又点到我唔做膀肛鏡檢查呢?現在唯有希望那排走结石的药無効而要做手術，那時可以全身麻醉一齊做埋膀肛鏡檢查，咁就不用咁驚。

留院檢查

今天朋友陪我回醫院睇報告，原來真係要留院照电腦掃描，因為上次照Xray發現有結石，姑娘講若要排期可能要等一两年，所以要我入院就可立刻照，否則一旦塞住尿管會劇痛的。

回想起上次入政府醫院巳經係2000年。

上次入院是誤會以為心臟病，不過到咗2004年终於確診了心臟病，所以都食咗心臟药十多年嘞，唉！人老咗什麽病都排着隊，希望今次沒有太大的問題就好啦

今天的午餐&晚餐

由於明天要返醫院睇報告、所以簡單食少少、今早就食魚肚蟹肉炒滑蛋（昨天在旺角街市買的急凍魚肚同蟹肉）魚肚好正、蟹肉就麻麻、好彩都唔腥、可以接受）

今晚就食現成巳醃好的豬扒（超市）、因為若自己醃太麻煩、又嘥調味料😊