魚湯（蕃茄紅衫）虾丸上海麵

今晚食得清清地、先煮咗個魚湯、之後加入虾丸、紹菜、上海麵、便成了一碗冇乜油嘅湯麵、（虾丸加入粟米紅蘿蔔碎捞吓才唧成虾丸）、所以比較特別

特別口味的魚肉餃子

早幾日在土瓜灣下面的美景街一間新開的餃子店食到一客幾特別的餃子（蘿蔔韮菜鯪魚肉）、今天突然東施上身、自己做餃子皮、包了幾隻魚肉餃子（我用白蘿蔔、紅蘿蔔、粟米、鯪魚肉）做餡、做完試了一只（純試味）、之後比了鄰居、因為近來的胃不太好、所以每次煮完只試一口、確定調味是否ok）

父親節的午餐&晚餐

近來少在這裡寫嘢、多數在fb（我的專頁）出帖子、因為那裡有多點回應、比較多互動一些！

今日午餐簡單煮碟炒米粉、因前兩天見完營養師、佢講我的飲食不太均勻、叫我食多些菜同生果

今晚我就用今早淨低的椰菜同紅蘿蔔、加些火腿同青島貝煮碟『拌飯』

炆牛筋腩

昨天分別買了2斤牛筋同牛腩

我用咗新的方法嚟炆

第一款

豆板醬加蕃茄

先將牛筋煲10分钟（高速）

之後用豆板醬炒牛腩、牛筋、加入蕃茄、糖、老抽、加入水炆多10分钟（高速）

最後用明火收汁

第二款

椰汁沙嗲醬

同之前一樣程序

再用沙嗲加、糖、水炆10分钟

（高速）最後加入椰汁收汁

荷葉飯+去骨海南雞

今晚約咗個新朋友去土瓜灣下面浙江街一間茶餐廳食飯、点知佢又再一次遲大到、上次（第一次約佢巳遲咗45分钟、点知今次又係咁、所以十分嬲、認識我耐的人都知我『守時』、甚至早到、所以我決定再比多一次机會佢、若下次再遲就不再來往、加上我覺得佢講的說話不盡不實、真真假假都難辨

後來我自己去餐廳、叫咗碟荷葉包着的飯+去骨海南雞、總體而言都不過不失、價錢都差不多、兩個套餐共$162

好友飯聚

自從老工作坊成立以來、我地有幾位比較傾得埋的朋友、每年總有两三次聚會、有從情疫後其中一位返咗天家、我們最近再攪些聚會、昨晚先去海運一間叫（Charcoat Bar)happy hour、之後吃埋晚餐、本來諗住之後落海防道的熟食中心食牛丸、可惜去到時巳關了門、而家市道唔好、尖沙咀八点幾巳靜得很、各商場水靜河飛、街上更烏灯黑火、唉！今時不同往日啦

唔知是否太耐冇出去浦、感覺上好似刘姥姥走咗入去大觀園咁、海運大厦同我之前變得不一樣、自己變成個大鄉里咁囉🤭