星加坡咖喱蟹

以前曾经吃過这蟹，昨天經過街市買咗两只，顺便试做一吓。

今次我跟咗小红書一位老師的方法做的，他的做法先將南瓜烚淋加入椰奶打汁，之後將蟹斬件煎熟，先炒彩椒，加入蟹，咖喱粉，黃薑粉，南瓜汁，上湯，兜匀，生粉水埋獻，推入蛋漿，攪掂上碟。超级惹味，跟法包一流！😋😋😋

藕片腩肉

前两日係fb見到这個食谱，覺得幾好，今日試吓做碟配潮州白粥。

藕片去皮切薄片，飛水约两分钟，腩肉烚约10分钟後切薄片，青椒切塊，蒜片，紅椒。調味：老抽，糖，蚝油。

先炒腩片，青椒，蒜片，藕片，最后加入调味即成。

上海粗炒

雖然自己是廣東人，但比較喜欢吃外省，潮汕等食物。

以前去親上海舖一定叫上海粗炒，近年少去咗，就算去都覺得而家d海粗炒又油多又唔好食。

昨天偶然買到半斤粗炒，一於自己炒番碟嚟食吓啦。

咖喱雞钣

昨天臨出街前做了咖喱雞肶钣，晚上分了三份，一份自己，另外两份给了鄰居，现在胃口變细了，但為了upload上fb同小红書，不得不煮，其實另一個原因继續煮是唔想停下來，近來記憶越來越差，驚一旦停下來就會有腦退化。

素炆伊麵

本來想炆蟹肉伊麵，可惜近來什麼蟹都贵，甚至以前不贵的三点蟹都贵了不少，反正我煮完都只是影影相，再upload上Facebook 同Ig

或小红書等等，無謂花太多錢啦。

所以今次我用咗红蘿蔔，金菇，鲜冬菇(全切絲），飛水後加入蚝油，老抽，雞湯，炆好後上碟再灑上虾子点綴便ok。

蒸鳝餐

個人十分喜欢食白鳝，但由於價錢偏贵，加上最低消费要買半條，一個人實在食唔晒，所以一见有套餐刻order(不過由於太大碟）只能影完相打包一半回家請鄰居食。

近來胃口越食越少，怪唔得當年太后都是这樣，唉！

冬菇羊肚菌炆海参

查看雪柜時發現重有幾條海参，於是浸些冬菇，瑤柱，發菜煮咗那幾條海参。

煮完都幾大碟，買些生菜放碟底，咁又可以分一半比鄰居啦。

柱候炆蘿蔔牛腩(碎）

前两天買咗50蚊牛腩碎（因為平一些，反正自己食少少）慳些啦。

用柱候醬加蚝油，老抽，糖，炆完影完相，留起少少比自己，其他比咗清潔姐姐做午餐。

蕃茄龍躉骨湯

今日過咗香港同契妹們飲茶，之後去咗天后買龍躉骨煲湯，可惜今天只賣到少少，三十蚊。

所以用咗2個蕃茄，1只薯仔，半個洋葱，煲埋三碗左右。自己飲一碗，其餘的比鄰居。

朋友聚舊

昨天同朋友在官塘下午茶，近年十分珍惜朋友相聚的日子，去到这年纪见得一次得一次吧。

这間酒樓唔錯，唔貴，味道亦好。平均每人消费$50

打風午餐

今年雨水多，但打風少，相信今次是头一次掛8号風球（预計今天四至七時掛）。

沒有什麽特別想吃，不如就蒸個中盅头排骨钣同青岛貝煮粉絲椰菜。