復活節的星期日午餐

今天巳是長假期的第三天，鄰居們浸發了性海參，不懂怎樣煮，我講海参本身没有味道，只靠其他配料，可煲湯，釀海參，或煮用來炒肉。

所以今日我用咗豬肉，馬蹄片，露筍來炒，其他還有蘑菇白汁香煎豬扒，同埋節瓜片露筍炒牛肉。

「点心到」的下午茶

今日下午鄰居陪我去新世纪廣場逛逛，去之前我們又去了「点心到」的專門店下午茶，今次食了很多東西，每人都只係58蚊，十分抵。

西芹炒牛肉

昨天晚上摷雪柜時，發現還有一包早前買落的新鮮牛肉(而家新鮮牛肉太貴，平時甚少買，只間中買半斤嚟食，當然肉質比冰鮮或急凍的美味。

跟着看看雪柜還有些甚麽蔬莱，見只剩低洋葱，红蘿蔔同西芹，於是终於炒咗这碟餸跟少少白飯就算。

復活節午餐

今早同鄰居一齊開餐，扮吓大廚整幾味。。。。有蒸黄脚立，青瓜肉片，薯仔煮雞搥，同埋牛鳅仔煲鮮准山茨實蓮子湯。

祝各位復活節快樂😘😘😘

流浮山之旅

今天趁假期前夕，去咗元朗的「逢吉鄉」探朋友，相约在西鐵元朗站集合，先去流浮山食晏(我N年冇去流浮山嘞)由於只得三人，只買咗一斤蚝去酒家加工，之後叫咗個苦瓜炆黄立䱽碟头飯同一碟咕咾肉（超正)

連買蚝及加工，每人＄120。

食完再乘車去佢屋企小坐片刻。

不過回程我就行到死死吓，事缘我与另一位朋友想試吓搭巴士（268C)返回蒲崗，佢轉乘小巴返西貢，我就搭17号車返何文田，点知我在「四美街」落車後，行錯方向，找不到譽港湾，兜兜轉轉去咗彩X花園那個站搭107返土瓜湾，下次都係咪試新路線嘞。