私家驗血

本來星期一至驗完血（通常心臟覆診一星期前便要驗血）、但只是醫生指定的！

眼見近日腳患未好、又發覺右手的手指不能屈（並不是一般的彈弓手、而係不能揸埋拳头）、朋友建議我去私家驗吓是否患上「類風濕關節炎」、若真的患上亦早些求醫、心諗若到覆診時才对醫生講、便要等下次覆診（半年後才能作轉介）、既然我的醫療卷還有四千多元、那便早些驗清楚、巳作轉介之用、現在看私家專科連驗費、一次便要$1300、若不是有醫療卷、跟本是難以負担呢、我不是怕死、只是若一旦失去自理能力、就算給我長壽亦不想、因為若然不幸患上類風濕關節炎、嚴重的將會手指變型、那就生不如死了😭😭😭

今天去到太后以前睇開的醫生診所驗血時、竟然發覺三年前拍落的「醫生蛇」宣傳單張還貼在牆上呢😊

假期（07.01.2020）之共食午餐

今日假期沒有外出、同鄰居一齊吃午餐、煮完食完我就入房歎冷气、佢就負責洗碗、是日午餐有：蒸黃花、冬瓜瑤柱蓮子煲豬骨、灼菜、雞絲煮豆腐、簡簡單單又一餐🤤🤤🤤

糖醋骨

今早做了碟糖醋骨、材料十分簡單、主料係一字排、兩條骨斬開三至四段、先用薑片煎香、贊酒、之後加入陳醋、片糖、茄汁、老抽、水、滚後用中火炆至汁液收到杰身、最後灑入葱花便熄火🤤

紅荳清心丸糖水

因為今日要返醫院抽血（準備下星期覆診）、回程時在土瓜灣食完午餐才回家、不過而家習慣了自己煮、發覺外面的食物真的唔好食囉、好彩不是每天啫！

回來後睡了兩小時（因為現在每晚都失眠、一般來講每日下午都要補眠两三小時才掂）😳

起身後見雪柜還剩低少許清心丸、反正今天已抽完血、一於煲少少糖水食吓、这是一個新的配搭、估唔到又幾夾呢😛

全魚餐

今早用龍躉骨滚草菇絲瓜肉片湯、再加碟粉絲蟲草花云耳蒸龍躉片、清清地都唔錯呢🤤🤤🤤