金蚝炆冬菇發菜

過年前買落都唔得閒整、一條友唔敢食咁多蚝、買咗一串(有四隻)、浸咗幾隻冬菇、一小撮發莱(我諗可能係假的,而家都唔比採摘)。

首先浸腍冬菇、用生粉洗吓(香d同清潔d)之後用酒油糖蒸約1/2小時、(炆起會香d)、金蚝浸吓用油煎至微黄、拎起、用蒜片起鑊、先落冬菇、雞湯炆約十五分鈡、再落金蚝、再炆多十五分鈡、加入蚝油、糖同巳浸過之發莱、煮多十分鈡便加少許生粉上埋獻。……不過我今次發莱煮耐咗(太腍)。