以前常常聽人講。。。。錦上添花易、雪中送炭難。。。。那時還未睇透箇中的含意、如今完完全全明白这話之含意。。。。師傅！明白了！
其實如今的社會生活困難、個個自身難保、揾朝唔得晚、莫講說幫忙、只要不是落井下石巳經是天大的喜訊。
回想當年、先父年青時(當然我是聽别人說的)、不但贈衣施葯、就連街坊死後沒錢善後佢亦幫助殮葬、(當我有認知時)亦見佢幫助那些窮學生去外國讀書、到晚年還捐送绵被比露宿者、他的做法亦没有為留名、相比之下、如今很多有錢的人之所以做善事、或多或少都只為方便為自己舖路(只屬個人意見)！
當年窮的日子他巳是这樣的一個人、相信現今社會、这樣的人就如冰山一角而矣。
(圖片來自網絡)
做人問心無愧就行了！
回覆刪除世伯在生行善，他也福歸來生！
我都係咁諗。
刪除時移世易，現在沒有我為人人，人人為我呢隻歌仔唱喇！
回覆刪除明白！連喵喵星人都覺做咗人唔happy啦。
刪除我老牛身上仍有張活游吳楚帆年代的俠義心腸，早幾年一個朋友話個女生意失利被追欠款，向我求助；佢女婿都睇死呢個世界無人會幫佢。我話我無錢，我老媽去世後辦妥遺產有幾萬銀，即借比佢應急。佢個女亦識做，丟掉幻想老實打份工，每月還幾千，一年幾就還清。女婿驚嘆世界竟然仲有好人。
回覆刪除我當年(廿多年前)夠好俠義心腸地幫助過一個好久冇見的(家姐X男友)、可情遇人不淑、那三千蚊去如黄鶴啦。。。當年太天真以為好心有好報！今時今日當自己落難就。。。。。唉！
刪除