獨居老人守則

我為自己定了以下的守則

煎牛扒晚餐

下午落山、去凍肉公司買咗包冰鮮牛扒、今晚煎咗嚟食、用節瓜伴碟

每边煎約2分钟、落少少食鹽便ok

肉質都唔錯、可以再encore 🤪

無題

今天化身成為一位愛情咨詢大使、前一陣認識咗一位年青的朋友、她突然前幾天WhatsApp 我、談及和她男朋友分手的問題、並提出種種的指控

我才知原來現在的男女關係非我們这一輩能理解的、時代的進步、原來可以係半年的交往就可以去到「同居」的階段、而又可以脆弱到分手的階段、是他們的前衛定我們的古老思唯呢？

當然我聽完她的故事、只能理性地用第三者的角度去分析、我說我非局中人、更不清楚背後的真實、只能從表面上的理解给予忠告、我說既然大家不能和平共處、只好用「好聚好散」的態度去面对、反正現在感情不深、假以時日定能遇到生命中的一半就是🤔

牛肉拌飯

近來睇得小紅書的食譜多、不知不覺都學了新菜式、但由於内地的食譜偏向多油、所以我盡量用少些油

牛肉切粗粒、菜心將菜莖（切小粒）、红蘿蔔切小粒

牛肉用蚝油、糖、老抽、雞粉、生粉略醃

先煮好白飯、用油炒過菜粒、红蘿蔔粒、加入牛肉粒炒熟、將白飯撈入以上材料、搅勻便可上碟

珍珠米咸肉糭

由於近年不能食糯米、所以最近學咗用珍珠米+開边綠豆嚟包

我的配搭是一斤珍珠米配半斤開边綠豆、（分別先浸1小時）、隔水候用、珍珠米加入開边綠豆、放鹽、雞粉、生粉、捞過、最后加入少少生油

餡我用（醃過五香粉同玫瑰露之腩肉）、咸旦、栗子

包好後放入高速煲、放水至剛蓋過面、煲約1小時15分左右便ok

母親節~2024

今天是母親節、突然有感而發、抒發一吓自己对两位母親的思念！

坑腩兩吃

今早係街市買咗斤幾坑腩、我先用鹵水料煲到半腍、加入白蘿蔔、老抽、糖、鹽、日式醬油、炆到剩下少少汁便成一道好好送飯『红炆牛腩』

至於第二味『清湯腩』加入鮮雞湯、白蘿蔔繼續煲到腍道剛剛好便可上碟

老正同學聚會

今天有『老正』的同學回港（四年前移民星加坡）、難得回來一星期、所以安排了一次下午茶聚會、雖然今次得五人參加、但我們都過了幾小時的happy hour 😊

希望很快有再次的聚會、这些年特別珍惜每一次的相聚、原來黃埔近海傍有間十分好環境的西班牙餐廳、聽聞lunch buffet 亦不貴、下次一定會試試

沙薑雞煲

前日在街市買咗嚿新鮮沙薑、昨日醃咗半只雞、趁今天同鄰居開餐、蒸了條游水黄魚、蒜茸菜心同埋这一煲『沙薑雞』

食得飽飽又愉快😅