有時对住太后真係有这種感覺、以前三十多年前对住亞婆、同十幾年前对住老豆都未曾有这種現象、佢能夠瞓都半夜突然問亞婆瞓向边、又話点解唔見老豆咁多日、食食吓飯又會問点解亞婆唔食飯、我話佢同老豆日日都有食。。。。香呀！
唉！明知这是佢的病、但日日係咁答、若然唔寫吓blog、驚遲早自己都黐鬼埋。最嬲係有d人自己冇做、但又多多批評、好彩而家睇化咗、當佢地鬼噏風、等有朝一日自己受番囉。
現在的環境、除非一早死鬼咗、否則太后这類病人、遲早人人有份、冇人能幸免的。(因為每次同佢係醫生處覆、見盡太多这類病人)！
又引用跑馬地墳場的金句。。。。今夕吾軀歸故土、他朝君体也相同！
起碼太后都認得你…
回覆刪除而家都只能見一日行一日！
係吖！唔認得係遲早問題、所以我把握这黄金歲月囉。
刪除老牛都見過此類病人，行得走得食得瞓得，講野好似有紋有路，但就係唔知講緊乜。你已睇得化，做得一日得一日啦。引用之語句有理，講就容易，自己落手落腳做先知係乜事。盡力做我本份就算了。
回覆刪除最攞命有時佢正常過我、去到做評估正正常常、但試問唔係廿四小時对住佢又点理解呢。
刪除最攞命有時佢正常過我、去到做評估正正常常、但試問唔係廿四小時对住佢又点理解呢。
刪除唉!吾識形容,我阿媽咪又係，失驚無神問阿基(我细佬）返黎食飯未?上月醫生减左半粒藥，佢識得問我攞錢洗，唉!你任老人院一日四餐，你要錢做乜?我自己都担心，長命D都沒錢洗,我冇女兒，第時吾知阿誰替我比住院费
回覆刪除未入老人院前，我阿媽就一日驚到黑，话驚死左係屋企冇人知，其實有冇人知，依D症狀係咪焦慮症?
回覆刪除唔係日夜对住佢、d人以為我地作大、最惨对住我地(我同工人)又要乜又要物、对住仔同媳婦就乜都唔駛、唔通我好虾d？我而家乜鬼都影相同錄音、费事多講。。。。
刪除係呀;幾癲都有
刪除乜鬼都影相同錄音，真係要保護下自己架，靚姐你好叻呀！
刪除冇計啦、佢成日唔認數、洗完头都話好耐冇洗、费事同佢頂、按相比番佢睇囉。
刪除冇計，唯有適應
回覆刪除唔係点喎。。
刪除作者已經移除這則留言。
刪除我做野果度個顧問醫生話，每三個老人中有1個是啊！數字好嚇人
回覆刪除冇得驚！希望死快d。
刪除