本篇文章全是個人对太后的感受、因而引起今天看見香港的前景、有感而發、完全没有任何政治成份。
感覺現在太后的處景巳去到油盡灯枯的情形、隨時熄机、什麽药物及說話对佢巳起不了任何作用、我甚至講到可能生cancer、叫佢比我休息吓都完全没有反應及接收唔到、一於你有你講、佢有佢继續講(應該在佢的世界中)、現在能做到的就希望陪到佢走最後一程、免得佢走時只得工人陪住咁淒諒就是吧。
同時香港今天的情形亦如她一樣、去到現在什麽人做>凸手<都一樣、由戴夫人仆街那天巳成局勢、去到今天这一步我亦套用>苟延殘喘<这句形容詞、覺得好恰當。
黑夜始終會降臨、生命亦有終結時。
(圖片來自網絡)
風水輪流轉，人和事都一樣
回覆刪除行到水窮處 ,坐看雲起時...不用太悲觀。
去到这年纪、無論自己或香港的前景又能改變到什麽呢？有感而發吓啫！
刪除其實有老人痴呆也不是甚麼壞事，起碼好過一些正常孤獨老者…
回覆刪除記得幾年前住我隔壁的婆婆，她在90歲慶祝生日時很感觸並落淚的對我說，說長壽對她沒意義，因為在世的朋友一個都冇，剩低的就只有兩個姪女。
她人很清醒，但卻孤零零一個人自己住，行動不便只能勉強拿手杖出花園走動一下，更要靠護士上門幫她沖涼，靠caregiver 每天打理家居兩小時，總之我就覺得這樣的晚景很灰暗，那天她生日就哭著說，不想第二年再有慶生，跟後沒多久她就真的走了……
痴呆本身當然冇事、只係身边的人辛苦、尤其眼見每况越下的情景、覺得心酸、一边有不捨之心、另一边本身亦要面对萬般困難、心情十分矛盾。加上近日身体欠佳、倍覺難於控制。
刪除都係果句，盡人事、順天意，見步行步。許多事情自己無法控制也無法預計，只有盡量在能力範圍之內做好、問心無愧就夠了。靚婆婆若自己不適，要小心保重，若你自己病倒左，就更麻煩。
回覆刪除而家最難搅就係工人放假時頂更、問題答不停、唔答又發老皮、答又答唔停、重覆來來去去都係同一問题、有時覺得好可隣、但當自己唔舒服時又好憫憎、有時唯有避開(佢睇唔到的地方)去鬆吓气。唉！
刪除開心陪她過得一日，便當賺到一日。
回覆刪除唯有咁諗就是。
刪除你已盡力照顧太后，問心無愧
回覆刪除唉！都理唔到咁多啦。。。自己都果头近！
回覆刪除人生充滿無奈，唯有自己活出彩虹！
回覆刪除一切都係早有安排、好似而家條頸照到有粒嘢咁、政府要排到18年十月喎、如果係cancer的話、撒完灰都得啦！所以一切巳定、是但啦。
刪除