自從太后走之後我巳經很久沒有食過柚皮了！
以前每年中秋之後（柚子大造）、太后由當初自己煮至後期傳授咗比印姐的做法、每年我們都食好多次柚皮、於於工序太繁複、我自己就比較少整、刚好我同層有位九十多歲的老鄰居贈送了碟给我品嚐、萬分感激、雖然佢嘅做法完全同太后的做法不一樣、但对於我來講能食到類似的柚皮、亦十分感到開心🙏
我家的做法首先將柚皮（青色）的部份除去、浸水一至兩天、期間要不停楂乾及換水（目的是去苦澀味）、之後出水、再用煮好之魚湯（我通常用鯪魚煮成奶白色的湯）、再燴至柚皮吸晒魚湯的味、再加入鯪魚球煮成完美的柚皮、當年太后煮是用豬油、後期印姐改用花生油去煮、感覺上比較健康d☺️
在太后最後的歲月中、我常在（巳結業）的永華麵家買回家中給她品嚐（因為夠腍）、所以柚皮对我而言、不但是回憶、亦是对太后的思念🤔
三十年前，表舅由美國來港，母親陪他去馬坑涌道「廣州酒樓」（現己不存）飲茶，他特意叫了一碟「炆柚皮」。他說在美三十年未曾吃過家鄉傳統風味云云。此即文人所說「鄉愁」之謂也。
回覆刪除你似乎都好熟識土瓜灣这一帶的路喎😅其實柚皮若胃唔好都少食為宜
刪除我也常煮柚皮吃。
回覆刪除太多工序、以前有工人幫吓手就會做、而家得自己一個食得唔多、太複雜嘅餸唔會煮咯
刪除我唔多鍾意食柚皮，就算人哋話整得幾好食。
回覆刪除我成日都講各人喜好不同、例如不喜榴槤的人、聞到那味都會嘔一樣囉😂
刪除自從我姑媽去世後，我都有成廿年冇食過呢個餸了。
回覆刪除以前好多懷舊都都失傳了🤔
刪除