星期日午餐

食咗幾日重口味的食物、係時候清清地就算！

今早去咗商場街市買咗嚿大魚腩（平時少食淡水魚）、再買咗半斤鯪魚肉、少量枸杞菜、一於滚過枸杞魚滑湯同蒸碟甜梅菜大魚腩、食少少白飯巳很滿足啦😘

以前我不懂吃大魚腩、只知蒸鲩魚腩、後來经高人提点之下、才知大魚腩除咗平之外、肉質比鲩魚滑很多！

從此我不再食鲩魚腩、除咗做燻魚.

有点小貼士：如果蒸魚用梅菜、蒜头豆豉、或酸梅麵醬的話、個人比較喜欢將那些醬料預先調好味再用油爆香、赞過酒、候凍才加入想蒸的魚上、这是我三十多年的入廚心得、請莫見笑😚