亞婆自家制豬肉丸

記得後生時係中環(唔記得個名添)……總知皇后戲院对面……唔知乜乜邨的肉丸粥好食到而家重記得……每次手打肉丸粥比(先父)食時……佢都話又唔爽又腍！總知唔正啦……於是四出找尋做法……可惜成功之日一碗有八成似的豬肉丸粥只能在靈堂上比佢食……無奈！

材料:梅头豬肉(要肥d同最好有筋的)一斤搅成免治豬肉

調味:

盐8克/糖8克/生粉16克/食粉(soda)6克(用雞湯先開匀才加入)

以上各調味用冰水(我用雪凍雞湯)大約一杯開匀再同梅头免治肉搅匀

最後加入大約一茶匙枧水(用嚟做梘水糭那些梘水……雜货舖有得賣)……又係要用一湯匙水先開匀

以上醃好之豬肉向同一方向搅……放雪柜一晚再撻至起膠……之後唧出肉丸並用大滚水煮熟放雪柜……隨時攞出嚟用。

我今次加入冬菇粒……不過冬菇容易變……最好快食完……否则可加入头莱碎OK！