金沙節瓜

今日做完物理治療、見明天又要返醫院照心臟、唔敢亂食嘢、是但摷雪柜睇吓有乜头头尾尾、比我發现有包金菇、一個節瓜、同一隻咸旦、於事我又亂咁撞、搅出碟金沙節瓜出嚟啦。

先飛水節瓜同金菇、蒸熟咸旦王、留起蛋白、再用雞湯煮好節瓜同金菇、熄火、推入蛋白、拎起上碟。

再用油爆香咸旦王、等到出油時放回節瓜金菇兜匀便可。