海鮮焗飯

今日懶懶地唔煮白汁、開咗罐忌廉蘑菇粟米湯、煮成汁加少許chedder cheese一齊放在巳炒好之飯同海鮮上、焗至焦焦地便OK。

虾仁蛋炒飯

今早又要物理治療、返到屋企成一点、是是但但炒過飯就算！

冷飯一碗
虾仁適量
豉油少許
蛋一只
葱花少許

先用油炒鬆冷飯、虾仁飛水後加入、豉油、最後葱花、熄火！

石崇魚湯+日式三宝法式芥末焗春雞

今朝買到石崇魚、自從先父走咗後le十年石崇魚越賣越貴、我偶然才會煲一次、通常我只會用沙参、玉竹、果皮、恣實、豬嚟煲。

今日我試吓用日式三宝(鰹魚汁/味淋/清酒)加埋法式蜜糖芥末嚟醃隻黄皮春雞、焗完灑上少許(捞過法式芥末的麵包糠)、焗至脆身、再將醃完之汁加少許牛油淋在雞旁、好食到不得了呢。

鴨脷洲海鮮之夜

昨天無心去吃海鮮的、本來朋友由新界入嚟下午茶、咁啱佢約咗另一班朋友食海鮮、於是叫咗我le個八通街做盲公竹、反正全是AA制的、於是帶了他們係街市買海鮮、再上熟食檔加工囉！

我們的海鮮餐都幾豐富嫁
有。。。。。
蒸南非鮑
豉油皇中虾
清蒸海彬班
豉椒炒蜆
蒸石蟹
豉油雞
两碟莱/两碟炒飯/两碗靚仔/两支大啤

每位承惠220蚊(我地全部……11人)、抵嗎？

咖喱蝴蝶腩

由於我戒牛好多年、為咗滿足吓情意结、我就用蝴蝶腩啦。。。。。其實係豬肺两边的肉、以前買豬肺包埋的、而家肉販分割出來賣、贃番d、好彩都唔貴、比起牛腩平好多呢。

材料
蝴蝶腩两件(我今次28蚊)

用香葉(bay leaf)八角飛水切大件

紫洋葱、咖喱醬、冰糖、水、老抽、可加雞湯

炆腍後加入椰汁、可跟飯或油酥餅

香茅豬扒炒莱飯

自從昨天用過急凍豬扒後、竟然愛上它、除了價錢平之外、處理得好、比新鮮的還好、我花了十六蚊(港幣)、可以有五大塊有骨豬扒、加埋噚日用剩的小棠莱、可以夠四人的午餐嘞。

醃豬扒的材料有。。。蒜茸、薑茸、香茅碎、魚露、糖、老抽、蛋白、生粉

我今次改用光波爐、一樣掂。

上海排骨莱飯

今天电視上門教煮餸教咗这道莱、果然平靚正！

原來用急凍豬扒做这道餸、又平又鬆化
醃料有。。。羗蓉、蒜茸、生抽、老抽、糖、混合先醃巳用刀背剁鬆之豬扒、最後加入蛋白、生粉、炸時再撲上蕃薯粉半煎炸至熟

莱飯。。。先將小棠莱切細用油盐炒軟身拎起、白米洗淨加入上湯煮熟後才捞入炒過之小棠莱(这方法是令到莱蔬保持清綠)

泰式沙律(新版)

今期買唔到泰國的青芒果、唯有用茘枝、巴基斯坦芒果、泰國金柚、紐西蘭蘋果做啦！

個泰式酸辣汁今次用。。。。

芫茜、蒜茸、指天椒、魚露、椰糖水、白醋、青檸汁、泰國雞醬。。。。份量方便、自己調教至適合自己口味為原则吧。

簡單的晚餐

今日好忙、中午去赤柱拜亞宝、之後去咗揾嘢食、赤柱那間天使餐廳唔錯、之後五点幾再去奥海城拎嘢比人、再去果欄買生果、同巴基斯坦芒果、返到屋企用光波快快脆焗咗半隻四季盐焗雞、跟碗湯意粉就算！

荷葉紅棗草蟲花蒸雞

今日用埋塊荷葉嚟蒸雞、加埋碗什錦炒飯、夠滿足兼好食！

材料

雞半隻斬件

蟲草花、紅棗、羗片、

調味

豉油、糖、蚝油、盐、生粉、油

用荷葉包着雞件蒸约20分鈡

再戰亞婆正正糯米糍

好耐冇做過啦、le輪芒果靚、再做吧！

材料

芒果
糯米粉306gm
水50gm
糖50gm
大椰汁一罐约400ml
以上皮料捞匀蒸至熟、大约半小時
分割成约50gm一份皮、轆薄包入芒果肉、再轆過熟糯米粉(又名糕粉)便OK

荷葉飯

每年夏天當子羗將近尾声、荷葉開始當造、我例必做一至两次用新鮮荷葉的莱色、今次首選當然係荷葉飯！(個人比較抗柜乾荷葉)

材料

白飯、蛋

饀可隨自己喜愛

我今次用瘦肉粒、冬菇粒、瑤柱、八爪魚乾、鮮虾(最后才落)

調味

蚝油、老抽、生抽、(我今次加入上次炆鮑魚剩低的鮑汁添)

做法

先將蛋同飯炒開、加入巳餡料、調味、兜匀後放凉、用荷葉包好、蒸約半小時、在顶部剪開加入鮮虾(巳灼熟)再蒸多五分鈡便OK。

A貨泰式糖水

噚日係google+ 見到le個Thai Red Ruby Dessert、原來超容易做！今日立刻做番碗A貨嚟試吓。。。。一個字。。。。正！

自家炒莱飯+魚湯

雖然婆婆的菜飯不及上海婆婆的精緻、之不過勝在平(噚日那碟65蚊、而le碟十蚊都唔駛)、加上少油夠健康。再加多碗節瓜魚湯。。。。super正呀！

光波魚露雞翼

我發覺用光波爐焗雞翼好好、一來冇咁肥、二來焗起嚟d顏色靚d！

材料

雞翼幾隻斬件

調味

魚露、糖、酒、老抽、芝麻

醃二至三小時放光波爐焗至金黄色便OK。

我今日跟小米白飯健康d。

花膠燉鮮奶

今年端午節最清閒、因為亞媽跌到入咗醫院、唔駛做節。

幫朋友燉咗d花膠鮮奶、都唔錯嫁。

瑞士雞

今日做咗隻瑞士雞比人、其實我成日同人講、中莱同做餅之分别就係中菜冇乜份量、總知唔夠咸就加塩、唔夠甜就加糖、樣樣以迎合自己口味為原则、不用太執着、反之做餅就不能是是但但、正如做人一樣、大事之前如做餅、小事之餘就如做中莱一樣囉！

这便是我做人的守則一樣。

再講多次我的瑞士汁做法

悦和生抽、老抽、各一份、水一份、冰糖大量

其他配料、香葉(bay leaf)、八角、西芹碎、羗葱、紹酒、少許雞粉……我冇份量、總知煮啱自己口味啦。

忌廉粟米雞蓉湯+焗豬扒飯

今曰試做個太平館的忌廉粟米雞蓉湯同埋焗豬飯！

材料(忌廉粟米雞蓉湯)

雞胸肉適量
忌廉粟米大約二至三湯匙
麵粉大约三至四湯匙
牛油大约二湯匙
鮮奶同雞湯各適量

做法

先將牛油炒麵粉(慢火否则膿咗唔得)、边炒边推入雞湯同鮮奶、加入salt同pepper成白汁、過程中自己掌握、若然要滑d請用搅拌
打滑再放回煲中。

之後加入雞胸(预先搅碎、加盐、蛋白捞過飛水再加入白湯中)、再放入两湯匙cream sweet corn、加調味及滚起便成美味之粟米雞蓉忌廉湯。

材料(焗豬扒飯)

豬扒两片
先用醋醃五六分鈡後洗淨才落調味、这樣豬扒的肉質會鬆化d

調味

Pepper、salt、雞粉、蛋、麵粉

之後煎熟切粗條、放上巳用蛋炒過之白飯上、放入巳煮好之蕃茄汁、放焗爐焗至焦香便Ok。

蕃茄汁

Tomato puree、茄汁、水、糖、慢火煮杰身淋面。

素食日

唔覺唔覺又到咗五月初一、過两天都要去佛堂拜吓亞婆！因為又到咗佢生忌。

Le幾年都冇去過佛堂拜佢、估唔到都面目全非。唉！

我的午餐

今日再煲鮑魚黑雞湯比亞媽、顺便留碗比自己做lunch、加碟煎蛋火腿飯就算。

湯料有

准山、恣實、黑雞、豬展、鮑魚、杞子、果皮、元肉

人生点都要信命

https://youtu.be/pTyLZQjocpk

黑雞鮑魚湯

我今朝本來燉雞汁比亞媽、点知個电飯煲唔得、唯有加两隻細细的鮑魚煲碗湯比佢啦。我而家可以的只係咁咋。其他等人安排囉！

三文魚炒飯跟日式焗春雞

亞媽終於成功做完大脾骨手術、暫時放下心头大石、往後的復完路看佢的做化了！

由於近曰心臟不適、現在萬事以自己為先、好多嘢亦不是自己可控制、唯有轉行做監警會、一來唔駛令自己情緒波動、二來亦可对佢老公(先父)有個交代。

今日用日式三宝同法式芥末醃春雞、再用三文魚粒同南瓜炒個飯、炒完放碟上、面上蓋上焗完之春雞。