光波鴨脷

日日試光波。。。今日輪到鴨脷啦。。。。我用鹵肉粉、七味粉、塩、紹酒醃吓d巳解凍之鴨脷、大约1/2小時。

之後用光波230先焗六分钟、再轉吓d鴨脷位置、再用180度焗多八分钟。都唔错喎！

大鄉里出城

之前post錯咗張相添。。。财不可以露眼呀。
出完城又比我係中環發現新大陸。。。。

光波爐腰果酥

今曰玩盡佢。。。。

光波爐焗蛋撻

自從個焗爐壞咗後成半年未焗過嘢、嚿年手痕痕買咗個光波爐、又刚好太忙没有開張、噚晚想試吓做西式蛋撻、可惜暫時重掌握到個熱度、希望短期内有進步啦。

我今次係用咗Christine's receipt的方法。等成功咗再post番個食譜啦。

一人前之午餐

雖然而家物價不停咁升、但有時都可以好經濟嘅。。。。好似我今朝買咗六蚊甜梅莱、加十幾蚊肉眼根(豬扒後面塊根、以前係下欄、同肉檔熟基本上送比你、但而家妹仔變小姐、好多人用嚟打边爐、幾十蚊碟添)。

材料……肉眼根加糖、古月粉、少少生抽、生粉醃吓、加入巳用油、糖、老抽爆過之梅莱放飯面蒸熟就OK。

梅莱加入薑米、蒜茸、調味、用油爆香可放入雪柜、隨時拎出嚟蒸茄子、鯇魚之類、超方便呢。

宵夜。。。。湯烏冬

前幾天係Sogo買咗包日式烏冬湯料、見今晚冇食飯有d肚餓、煮咗一碗醫吓個肚！

每年過年時才見有得賣、雖然貴咗少少、但我喜歡佢夠清同好好味、什麽肉都不用加、又冇油夠健康。

人日。。。食羅勒酱大虾意粉

今日人生！婆婆送上一碟大虾意粉、食完個個全年笑呵呵。。。。祝各位網友人日生日快樂！

亞婆紅燒糖醋魚

本來嚿鯇魚腩噚日蒸梅莱、但由於重有冬菇發莱剩、唔好嘥嘢啦！

但鯇魚腩雪咗一晚冇咁新鮮、見整完羅勒醬又有d枝莖剩低、就不如整碟红燒糖醋魚做午餐。

材料
魚腩半個(我用鯇魚腩)

醃料
古月粉、塩、生粉

糖醋汁
老抽、糖、陳醋、绍酒、羅勒枝莖切碎

做法
先半煎炸鲩魚腩、赞酒、落羅勒碎、糖醋汁、煮至剩下少許汁液、上碟、跟白飯。

再嚟南瓜蕃茄鯇魚尾湯

Le個湯真係百飲不厭的。。。有時煲豬肉、有時煲鯇魚、啱晒我d孤獨老人餐！

杞子桂圆糕

趁新年未收回d模入箱、等我再搅搅貢先。。。嘻嘻！

金蚝炆冬菇發菜

過年前買落都唔得閒整、一條友唔敢食咁多蚝、買咗一串(有四隻)、浸咗幾隻冬菇、一小撮發莱(我諗可能係假的,而家都唔比採摘)。

首先浸腍冬菇、用生粉洗吓(香d同清潔d)之後用酒油糖蒸約1/2小時、(炆起會香d)、金蚝浸吓用油煎至微黄、拎起、用蒜片起鑊、先落冬菇、雞湯炆約十五分鈡、再落金蚝、再炆多十五分鈡、加入蚝油、糖同巳浸過之發莱、煮多十分鈡便加少許生粉上埋獻。……不過我今次發莱煮耐咗(太腍)。

潤肺水+有味飯午餐

過完年食得簡單d。。。今日煲咗d雪梨乾潤肺水同虾乾魚仔有味飯做午餐！

親戚家宴

今晚客串做咗一晚大厨、刚刚回家！準備咗两天、雖然有工人幫手、都好攰、想唔認老都唔得咯。

今晚都好豐富、有捞起、鮑魚、蓮藕煲鱆魚、金银蒜蒸龍躉腩、海参冬菇、南乳齋、工人炆咗個牛肋條、干燒明虾、蟹肉扒西蘭花、話梅豬手、甜品係果凍！太多影唔晒添。

捞起

今日同人做定個捞起、準備明天的聚會、但未完工。。。待續。。。

年初一。。。拜拜年

肚大能容天下事、祝願世界各國的人民、國泰民安、互相包容、世界和平！

送馬迎羊

唔經唔覺又到咗馬年的最後一天、婆婆同各位網友拜過早年、祝願各位羊年合家健康、快快樂樂每一天！

團年飯

今日終於回復正常、亞媽回歸佢間屋、雖然細咗、總算回歸老巢、又順道拜祭一吓老豆、簡單地食餐團年飯！

莱單有白切雞、燒肉、筍虾炆腩肉、鱆魚蓮藕湯、生莱、粉絲蒜茸蒸龍躉腩。感恩！珍惜每餐團年飯啦。

紅運當头之鯉躍龍門。。。紅荳蒟蒻糕

收爐前最後一擊之紅運當头紅荳凍糕、食完將今年的衰運掃走晒！

做法同之前的蒟蒻糕一樣、多咗就係先煲腍d紅荳糖水先。

蒟蒻果凍

今日又玩吓新搅作。。。。

材料……蒟蒻粉(無糖)30gm ……冰糖50gm……水500ml……士多啤梨粒適量……可加1茶匙橙酒(香d)

做法。。。先用水開匀粉加冰糖煮溶、熄火加入橙酒入模再放入生果粒搅掂。

温馨提示。。。一入模要快因為蒟蒻粉好快成型嫁！

菠莱芝士焗班塊飯

上次焗完雞重有菠莱芝士汁剩、一於唔好嘥、焗钵班塊飯做午餐！

紅棗凍糕

噚日清雪柜、見有紅棗水不如做凍糕玩吓啦！我用25gm蒻粉对500gm紅棗水！

放雪柜一晚易甩模。

釀茄子

本來想學人整魚皮餃、鬼知搅唔掂、將d餡用嚟釀咗條茄子！跟碗白飯做晚餐、飯後食d今日係果欄買的福岡超正士多啤梨做飯後果、好滿足呢。

車仔麵

一路以嚟車仔麵都係香港人的特式美食之一、不過今時今日租金同人工高企之下一点也不便宜呢！

菠莱芝士焗雞肶薯蓉

今日係google+見到有blog友焗咗le個雞肶、我特登為咗買那款gouda cheese出去時代廣場買、因為咁冷門的芝士我住的附近係冇嫁。

不過我諗一個人食唔晒、都係成盆比人好過嘞。

至多叫佢地比意見我啦。

群獅賀歲慶羊年

刚刚走咗去City Super買芝士、順便影翻幾幅相增加吓新年气紛啦！

而家新年对我嚟講實在冇乜大意義！

之前係間西餐館食咗個超值的午餐、未食過咁juicy的黑毛豬、好似係紐西蘭貨、百零蚊個餐好抵嘞。

再嚐煲仔飯

噚日企咗整天幫手炸芋虾同笑囗棗、晚上再帶佢地去天后食炭燒煲仔飯！食完個個都話好介紹。

我地食咗個海味雜莱煲、粒粒臘味煲仔飯、香蒜粉絲蒸班腩、半隻招牌雞煲、親戚最後打包一煲滑蛋牛肉飯返屋企添。

開油鑊。。。。笑囗棗 & 芋虾

原來平時唔買開唔知係咁貴！
後座再新拆完趁亞媽未回歸、弟婦借露台炸芋虾(方便唔駛抹廚房)。。。。我乘机用高Ling師傅個食譜做咗少少笑囗棗就算咯。

孤獨老人團年餐

嘻！今日開始唔駛返工、等我提早自己團年先、自從亞媽腦退化後、團年这两個字对我嚟講巳經好陌生。。。。講真、做咗幾十年人、有乜好嘢未食過吖(雖然自己並不富有、但自小跟住亞媽食好穿好亦好感恩咯)

今日用罐韓國鮑魚捞碟米粉食、雖然唔溏心、勝在係亁鮑、囗感点都好過鮮鮑嘅。

婆婆係到預祝各位網友羊年個個行大運、病魔遠離你(妳)！

西京燒銀雪魚

今日做工那裡点咗味西京燒銀雪魚、我當然唔執輸自己醃番两塊自己放工歎吓啦。

唔買都唔知原來咁貴、我两片都成百幾蚊、好彩唔成日食啫。

西京燒醃料

日式白麵豉/味淋/清酒/日式萬字醬油
將魚醃過夜。。。可放焗爐或用non-sitck pan煎至焦焦地、跟白飯。

超肉酸的魚肉燒賣

人整我又整。。。見blog友Flora整得咁好玩、我又跟吓風啦、香港賣到成七八蚊一串嫁、其實我跟足晒嫁、同一樣魚、又加冰、又雪過、但唔知什麽地方出錯、蒸完好似糖黐豆咁、又瞓低晒。唉！都唔知搅乜鬼、算啦、雖然個樣衰衰、但都幾好食。