2021年3月31日 星期三
2021年3月30日 星期二
日有所思。。。
。。。夜有所夢!
自知是一個容易被呃的人,但估唔到連發夢都被同一個人所呃,重要係連继两天都發同一個夢添。
今早起床望吓個鏡,看看鏡中的自己是否生得特別蠢或是個樣太善良?😅
雖然今次記不起全部內容,但依稀記得很少出現在夢中的「先父」竟然出現了。莫非佢怪我從未去拜過他?但他實在住得太高了,簡直天梯直達天庭,我只是在他入伙時去過一次咋。
哈。。。又一個無聊的笑話。
祝各位有個美好的一天。
(圖片來自網络)
2021年3月29日 星期一
2021年3月28日 星期日
素菜包
前两天從YouTube 上學咗这種包,但個餡我自己選擇材料,有冬菇,木耳,粉絲,椰菜,調味有蚝油,五香粉,豉油,糖,盐,小小生粉水)
平時我甚少蒸中式包,因為從未成功過,今次巳算很好,但不知怎樣我每次蒸完包都發覺那些很黄,真是不解。
2021年3月27日 星期六
香煎三文魚跟法式蜜糖芥辣
我以煎很少食「熟嘅三文魚」,因為覺得煎完好「鞋身」,口感唔喜歡,不過昨晚經魚檔介绍下,终於試了一片三文魚扒。。由於我細食,所以只煎咗半片,之後跟食少量白飯及烚椰菜,最後還用法國的蜜糖芥辣蘸嚟食,十分美味,原來刚熟之三文魚肉,有入口即溶的感覺,我諗我會從此愛上它了。
2021年3月26日 星期五
沒有「嗅粉」的菠蘿包
这是我從「甜師奶」的YouTube 視频學回來的,簡單又好食。
以前做過幾次,通常天冷我少做麵包,因為我这心急之人沒耐性等發酵麵糰的時間,今日心情靚,又回暖,故此做幾個嚟分享比鄰居們啦。
餃子餐
今次買到的餃子皮夠薄,所以蒸起嚟十分晶瑩剔透,颜色美丽。
餡料有粟米,红蘿蔔,馬蹄,少量豬肉,調味方面都是一般的豉油,豆粉,糖,麻油。*若然食得雞粉或許加入少少*
心得:
我通常將調味捞肉,再搅至起膠才加入雜菜(紅蘿蔔,粟米同馬蹄)而且我捞時不會太重手,包完先蒸一两隻試味,才再調節咸度。
2021年3月25日 星期四
2021年3月24日 星期三
2021年3月23日 星期二
蒸魚晚餐。。。瓜子斑
由於今早應承咗鄰居幫佢煲龍躉骨湯,所以一早落山去拎,点知比我見到以前十分喜歡食的「瓜子斑」,雖然都幾貴,但很多年沒吃了,加上近日太多親朋戚友離開咗,一於豁出去,食咗至講吧。。。。食完覺得而家的「瓜子斑」巳不復當年嘞,除咗滑,沒有太多魚味。。。但我還是將佢煎皮拆骨,因為貴!😂😂😂
2021年3月22日 星期一
2021年3月19日 星期五
川芎百芷天麻燉龍躉头
今早落山去乾衫,顺便走咗去買龍躉肉,点知魚檔老板叫我試吓蒸龍躉头,誰知半個头都成三斤幾,我突然諗起这個湯(本來是燉大魚头的),心諗若用龍躉头嚟燉重正啦。
二話不說,留起幾嚿嚟蒸金銀蒜粉絲,之後全部用咗嚟燉湯。
眼見近日咁多朋友走咗,都係食咗至算吧。😉
2021年3月18日 星期四
2021年3月17日 星期三
2021年3月16日 星期二
萝境的啟示?
我係個成日有夢發嘅人,昨晚又夢咗個十分完整但又「無厘頭」的夢,雖然唔知為何,但整個過程中又十分詳細,開場時我跟白車送外婆入醫院,但去到時人山人海,在樓梯上迫滿病人,總是找不到見醫生的入口,不知怎樣地我們失散了,但再次找到她時,她在我懷中離世,最後我嘗試離開醫院時總找不到出口,後尾突然唔清醒,醒來後問人借电話比母親來接我,當打通時她正在打麻雀。。。。於是我驚醒咗!
其中過程中的個细節我一一都記得,醒後雖然有些驚嚇,但又可以再見到外婆同母親,又覺得溫馨,那怕她們真的來接我呢?
2021年3月15日 星期一
2021年3月14日 星期日
拜山日記
因疫情的関係,自去年一月去過拜母親之後,一路都未再去過,今日因朋友的母親去年離世後,咁啱同母親做了鄰居,故此相约一齊去探訪她們,我們之後再去赤柱,原本想探吓我兩隻「宝貝」,点知疫情的原故,觀音寺沒有開放比善信,白走了一次,最後再乘車同地鐵返回旺角吃粥,食完就各自回家去。
2021年3月13日 星期六
2021年3月12日 星期五
2021年3月11日 星期四
2021年3月10日 星期三
2021年3月9日 星期二
訂閱:
文章 (Atom)