鲍魚軟餐

之前托朋友係淘宝買嘅軟餐模終於有用武之地、雖然不算好成功、但亦有七成左右的成功、我今次用咗『快凝寶』的凝固粉做的、雖然份量的多少還未掌握到、我諗做多一两次總會成功的吧😊😊😅

健康的午餐~摩芋雞肉雜菜煲

個人平時少食摩芋、咁啱前天係網睇到这個食譜、我就試做對「健康版」嘅午餐

材料：雞肶肉、摩芋、红蘿蔔、西蘭花、薑片、清雞湯

做法：西蘭花同紅蘿蔔略拖水、雞肶肉切塊加調味略煎、加入薑片、加入巳拖水之西蘭花、红蘿蔔、雞湯、摩芋、煮片刻、埋薄是即可上枱

羅漢/雪梨/菊花果凍

前幾天我係fb見到『廚娘365』做咗这個果凍、覺得好似唔錯、於是昨天冒着落大雨的天气去九龍城買白涼粉、（本來何文田街市的雜貨都有得賣、咁啱剛剛沒貨）、而我是個心急、一想做便立刻去做嘅人嚟😊

方法十分簡單、羅漢果/雪梨/菊花加冰糖煲（大約45分钟）、之後隔渣、放入白涼粉一包、搅勻再煮片刻、之後再隔渣、放入容器雪凍切粒、可

加入盒裝奶伴食

大概1500cc水對100gm白涼粉

大荳芽菜虾仁炒米

昨天晚上炒咗这碟米粉、但只吃咗1/3、因為實在太飽啦😅

虾仁是急凍的、所以麻麻地好食、大豆芽就唔錯

菜遠牛河

早两天煮了一碟濕炒菜遠牛河、無論賣相同味道都有8成酒樓相似的、但個人就不太喜欢吃這麼杰的獻汁、但為了影相靚、所以我影完便成碟比清潔姐姐做午餐

做法簡單、首先將河粉加入少少生抽同盐捞過、用平底鑊煎過後放入碟中、牛肉加入調味（蚝油、糖、老抽）炒過、菜遠飛水、加入後放入湯料（蚝油、老抽、糖）兜勻後加入生粉水埋獻淋在粉上便ok

自制日式飯糰

我平時比較喜欢食日式飯糰、但為了不想買太多不同的米、所以我用自己的方法去做、用平時我食開的泰國香米、蒸好之後入模吸出想要的樣子、再放入日式芝麻醬、飯面上鋪上用日式三寶醃過又煎香咗嘅三文魚、再灑上芝麻、飯的底部放上一張紫菜做裝飾就成了我自制的日式飯糰

糯米釀雞翼

昨天行咗16000步、所以今天對腳有点痛、停一吓休息幾日先！

今早做了四只糯米釀雞翼比朋友、下午見重有糯米飯剩、再釀多幾只雞中翼、之後用蜜糖老抽兜吓佢、又做多一個新做法、唔錯🤤🤤🤤

泰式海鮮蘸醬

前兩天見到fb有泰式蘸雞醬、所以又買齊料自己做少少嚟玩吓

材料：

青、紅指天椒、干葱、蒜头、芫茜、魚露、糖、金桔（泰式那種）、蒸溜水、以上全部用搅拌機打爛便成為泰式蘸汁、可跟海鲜一起吃

今次我用了游水中虾、下次試吓用花甲之類

雞肉菜飯

今天的肚子不太舒服、所以食得簡單点、買咗雞肶（起肉切大粒）、青島貝蒸腍撕碎（同飯一齊煲）、小棠菜洗淨切碎、红蘿蔔切小粒、雞肉略醃、同小棠菜红蘿蔔炒過、將煲好的青島貝白飯加入以上、兜勻便可上碟

形点~午餐（王子私房菜）

昨天同咗母親的好朋友飲茶、對上一次已经係去年四月（那一次是尖沙咀某酒店的中菜廳、這位好朋友是我們從小便認識的街坊、佢先生在90年左右離世、之後便由2個兒子照顧至今、近年她的腳不便、巳開始咗坐輪椅兩三年、好彩她的兩個仔十分孝順、其中一位除了和她一起住之外、並請了個外佣照顧她的日常、如今的年代這樣孝順的子女巳经很少啦！

食完晏我坐輕鐵去咗市中心的恆香買老婆餅、之後便乘268返回旺角再轉小巴返家😊

#珍惜相聚的每一次

#元朗~王子私房菜（形点）

覆診日（泌尿科）4/8/2924

自從两三年前住了一晚醫院、之後發覺有咗腎石、便每年都會返醫院照超聲同跟進、今天是覆診日、醫生只說腎石沒大到、等咗差不多一個半钟、見醫生可能得三分钟、下次覆說要2026年（可能都上咗天堂）其實發覺近年醫生很兩極化、有些很有耐心地解答、但有部份就是是但但的敷衍了事、這幾年走的走、外出掛牌的掛牌、大多數都冇咗『醫者父母心』的態度

今日天氣麻麻、能見度亦差、覆診完落銅鑼灣見一位很多年沒見面的朋友、吃完飯又打道回府啦😊

菠蘿焗雞翼

昨天買了包冰鮮雞翼、先用調味醃了一晚、（蚝油、老抽、糖）、先放罐头菠蘿在焗盆底、放入雞翼、掃上糖漿、焗15分钟、之後再反轉焗至轉金黃色便可拿出進食

肉絲炒麵（炸麵底）

这款麵平時去酒樓都會叫、除福建炒飯之外、这款麵是我最愛吃、但家庭的做法比較難、因為炸麵要大量的油、咁啱前兩天炸過嘢、順便做一碟嚟玩吓啦

至於做肉絲料、一如既往、肉絲切絲後用鹽、古月粉、糖、雞粉、生粉捞過後拖拖水、準備個獻（蚝油、老抽、糖、雞湯）生粉水（杰一点）、韮王、銀芽、冬菇浸完先蒸後切絲

炒麵餅（最好用蛋麵那款）

花生芝麻一口酥

今次这個配方唔錯、而且又鬆脆、少甜、用栗米油代替牛油、夠晒健康🤔

花生醬150克（用粟米油80克開勻）、加入糖粉30克、黄沙糖30克、鹽1/2茶匙、麵粉220克、梳打粉1/2茶匙、以上略為搓成粉糰、分割小球狀、略為按扁、搽上蛋漿、灑少少芝麻、放焗爐或气炸窩190度灼15分钟

南瓜醬

之前係fb見到这個醬、覺得唔錯、所以自己加以修改、便做了一小碟、因為沒有防腐劑、不會做很多、只做了少少嚟搽麵包

我今次用咗半個香芋南瓜、先蒸後壓成蓉、加入焗香腰果碎、黑椒碎、红椒粉、少少糖、少少盐、最後用牛油推煮成南瓜醬、搽在方包面再焗成多士便ok

假期的第四天

終於这個復活節假期完畢了、明天大部份的生活將會回復正常、希望人流會旺番一些吧

今早去廣場食早餐、順便買餸、咁啱雪柜有些虾、海參、蕃茄、南瓜、一於用少少『參巴醬』炒咗佢

假期第三天（Sunday）

今日教會有洗禮、所以沒有早堂、是合堂、我一早煮定菜飯同豬扒、一回家將豬扒菜飯略炒吓便可進食！

這一次我係fb學咗用醋洗米、沖洗後再煲飯、原來煮完粒粒分明、很正的😊

假期第二天

今日幫朋友係樂富開檔、返到屋企巳七點幾、放低嘢立刻煮飯、跟着冲涼、煮定飯就開始切洋蔥、剥虾殼、醃虾、整汁（泰式雞醬、糖、白醋、豆板醬、紹酒）、一煮完立刻用蛋、芫茜炒饭、之後虾走油、回鑊虾、洋蔥、汁、熄火

假期的第一天

每次長假期、香港總是走了很多人、無論國外定國內、今早過廣場買早餐、水靜河飛、冇學生、行人少、到下午再試行落去土瓜灣下午茶、又是一樣、不過據鄰居講、旺角就好旺、聽新聞各關口就迫爆人、唉！留番我地这些又老冇錢嘅人、又點可以振興經濟呢😅😞

特式菠蘿骨

今次我用脊骨代替一字骨、効果都唔錯、配完排骨（古月粉、鹽、糖、生粉）後加入蛋王、再上生粉、炸两次、第二次是臨食前才

至於汁方面、我用（茄汁、泰式雞醬、陳醋、李派林、老抽、糖漿）

小貼士：汁不能太多、煮滾開始杰身才加入排骨

椰汁咖喱雞

上星期因共用廚房換地板、所以沒有煮飯數天、昨天終於重開了、但又忙於工作、今早才有机會煮兜椰汁咖喱雞！

这两天手背無端端腫了一嚿、所以今早約咗九龍醫院睇街症、希望沒有什麼大事吧

北角油街展覽之行

今早約了朋友係北角皇都戲院對面的「百好」飲茶、之後係北角行一陣便走咗去油街的一個展館到參觀『兩代廚房』、之前同朋友拍了條片關於如何醃制咸柑桔、因今天開始展覽直到八月（好似）

逗留了一會便打道回府

菠菜雞蛋越式米紙卷

昨天做了幾條這樣的小食、因為之前買了包越式米紙同即食紫菜、想盡快消滅佢、所以做了幾條當下午茶

那些餡是用菠菜碎（灼熟切碎）、蝦仁、滑蛋

米紙浸軟身、中央放片即食紫菜、再放入餡料、卷成春卷形再炸過、配泰式甜酸醬跟食

樂意~意大利餐廳

昨晚約了朋友係廣場食晚餐、原本想食元气壽司、但不想等位、所以改了去一樓的樂意~意大利餐廳食、朋友叫了意大利帶子飯、我就叫咗個龍虾意大利飯、並叫了杯特飲 、都唔錯😊

花生一口酥+雜干果仁一口酥

今天全日冇出街、所以有大把時間在家搅搅貢

做咗些一口酥、有花生的、干雜果仁的、配方同之前腰果酥一樣、200克麵粉、花生碎、雜果仁碎各100克、糖50克、少少鹽、油（粟米油、大概能搓成粉糰為準的份量）用气炸窩焗約15分钟

今次花生一口酥用木製的模吸出型狀、而干果一口酥就搓成圓型、这份量做到迷你size大約各三十多件左右

香檸雞

今早有高人指点如何醃雞肶肉同点做個汁

雞肶去皮後切件、加古月粉、盐（雞蛋、麵粉、生粉、吉士粉）、去捞醃吓

炸時再上生粉、最好炸兩次

檸汁：檸檬皮（最後才

加入）、玉泉忌廉汽水（代替水）、檸汁、糖、吉士粉開勻

做法：炸過兩次的雞件、快手兜入檸汁料便可上碟

可能第一次做、個「獻」控制得麻麻地😊😊😊

Fusion 菜式~日式飯糰配金盞虾球

終於知道為什麼一般fusion菜式會貴、因為除咗工序多、有時需要嘥嘢（會有些下欄）、今天自創咗個日式飯糰配米紙金盞「甜酸虾」

飯糰制作：煮好白飯、加入拖過水之红蘿蔔碎、黑白芝麻、紫菜碎、少少鰹魚汁、用保鮮紙包成飯糰、放入碟中

甜酸金盞虾：將越南米紙剪好、用濕布抹吓、放入一張紫菜在中央、用雞批模壓住、用大滾油炸成金盞再放入蝶中、虾用大滾油走油、回鑊虾及快手兜入泰式甜酸汁、之後放入金盞中即成