三文魚虾粒炒飯

雪柜有包三文魚柳、加d虾肉、同葱花、芫茜炒碗飯！

日式月餅之桃山皮

早輪係fb見人做日式月餅、標榜健康、無油、冇麵粉成份、今日比我係烘焙買到個皮、加埋士多啤梨粉搓成粉糰、加埋個紅荳栗子碎餡、唔錯！而且好好包添。

P/ T之第二餐

今天是返工之第二餐、一早婆婆打比我、公公入了醫院、只有佢一人吃、所以我就唔煮太多、只做個紅燒獅子头、冬瓜炆釀虾丸、同莱飯就算啦！

希望公公冇乜大件事吧。

我家太后昨天覆診、話牙痛、但佢應該係牙肉發炎(同上次一樣)、不過見下巴腫了、又有两粒似暗瘡之類的東西、醫生驚佢生蛇、叫我同工人留意吓、唉！總之家中有老人家就担心、尤其太后有腦退化、表達能力差、都唔知边句真、边句假。

鱷魚肉煲螺头

前两天買咗包急凍鱷魚肉同螺头、照版煮碗、煲南北杏、果皮、雪耳、豬、個湯好似話止咳喎。

有冇如此功効就唔知、但幾好飲就真嘅。

杏仁餅

雖然自己做得唔係好perfect、但我巳經十分滿意嘞！

早輪遗失咗朋友比我的杏仁餅食譜、自己亂咁試、搅到衰收尾、今天再次收到佢叫人send比我的食譜、le個心急鬼(我)、連模都未買就用月餅模頂住先。。。。。都OK喎。

零失敗之鳳梨酥

早两天係二記買咗le款套裝鳳梨酥、只要按照做法、比起台灣的出品、唔差得遠嫁！

我再畫蛇添足。。。加埋咸旦王在餡中間、特别正添。

完美人生。。。。。

有時諗吓、人生可有完美？？？？

家家有本難唸經、是乎我們怎樣去面对、有錢冇健康、子女孝顺但朝不保夕、不孝順又生活富泰、又如何選擇？

所以個人認為人生無完美、上天是很公平、正所謂今生積來來生受、安於自己的良心、比上不足、比下有餘就是為人之道。

(格言取自FB)

P/T 的第一餐

有燻魚、南乳齋、魚香茄子、上海云吞、薯仔炆排骨。

似乎公公婆婆都颇滿意、暫時一星期两次、煮定两天餸。見步行步啦！

泰莱晚餐

今晚又同太后去食泰菜、食的時候又擦得、食完又話把鬼。。。。比佢激死！

不過佢而家講嘢一時一樣、全無意思、都係果句、去到尾声、無論点、做回本份、久不久同佢出吓去食嘢、見多吓这世界就是啦。

又要求换电視、食飯就搅得掂、其他？我send比佢個仔handle囉。

宮保雞丁

又接咗份P/T、今次係外省人、實習番吓d上海餸先！

今日係宫保雞丁、有雞肶肉、花生、干辣椒、蒜片

汁料有老抽、糖、鎮江醋

斑蘭蒟蒻波波球

我今日又發揮我的小創意、用蒟蒻粉做個波波球、斑蘭香精個另外粒粒、加椰汁糖水、相信我的創意連甜品店也甘拜下風吧。。。。。哈哈哈！

乳鴿两吃

叫人留咗五隻細乳鴿、先做两隻、一隻係瑞士汁、另一隻係光波焗。。。。分得出嗎？

做完又同醫生有個約會(覆診)。。。。。唔知幾時輪到亞婆呢。。。。(太后le輪日日問住亞婆去咗边)。。。唉！

龍躉煲蕃茄甘笋洋葱

今曰去灣仔買葯殺蟻(因昨天試完幾好)、顺便去買龍躉骨煲湯！

我見老板刚新鮮劏好、咁新鮮立刻煲定比明天啦。。。。。今次我用洋葱先爆吓d骨、加入甘笋同蕃茄巳經好正啦。

魚肚冬菇炆肉丸

摷雪柜見有肉丸剩、所以浸少少冬菇、加些魚肚炆埋佢啦。

魚肚要買沙爆(好食d)、浸完飛水切段

豬肉丸自己打、雖然唔夠爽、但冇添加劑

冬菇先浸後用生粉洗過(煮起會香d)

做法

先用蒜片爆過冬菇、魚肚、落蚝油、盐、糖、水炆约半小時、加入巳飛水之肉丸、煮片刻用生粉水埋獻。

水信玄餅

終於比我找到個模做水信玄餅！

我用糖漬櫻花、蒟蒻粉、冰糖、黑糖漿、黄豆粉做的。

唔辣的咖喱雞批

有朋友唔食得辣、但又想食咖喱雞批。

唯有用隻唔辣之咖喱汁做啦。。。好好食。

時不与我

年青時、開甜品店係我的萝想、这两天失踪了。。。就是為了返P/T、因近屋企附近開咗間甜品店、心諗一來時間適合、又可完吓當年心願之餘、亦可照顧太后的日常需要、但。。。。。原來萝想係与事實相反的、馬死落地行对我这斷脚馬是行不通、因為体力巳不復當年勇啦、人總要面对現實！

两天的店員(每天雖然六小畤)短暫生涯終要結束嘞。。。。。因為還要留回精力去睇住那两件蛋散再有沒有失職照顅太后、餘下的日子不多、唔希望佢再受伤入院。雖然勞心兼冇收入、為咗佢巳失去太多自己、計不清誰欠誰、還是亞婆金句。。。。。不做臨尾香就是。

大不了。。。。。再次申請綜援囉。。。。深信明天還是有太陽的！

(網絡圖片)

咸魚肉碎薯餅

今日要同太后覆診、所以怱忙地只做咗碟咸魚肉碎薯餅！

做法超簡單、只用蒸熟之梅香咸魚、捞入免治豬肉、蒸淋之薯仔茸、加入調味、最後加入生粉搅至全部混合。煎香就是。

廚娘日之(二)

有午餐就硬係有晚餐啦。

今晚食。。。。。

游水晝眉
蒜茸莱仔
蒸蓝蟹
鴨舌

趁太后le輪胃口好、一於谷行佢！

廚娘日

今天印姐放假、例牌又做廚娘、趁太后le輪血壓正常d、又肯食嘢、煮多点東西比佢食、这机會唔知可維持幾耐嫁。

菜式係。。。

老黄瓜水
荷莱蒸雞
炆牛腩
粉絲節瓜煮虾干

櫻花虾脆脆餅

今日無意中睇电視學咗le款小食、又幾得意喎。

材料有

櫻花虾
麵粉
發粉
奶粉
盐
糖
黑椒碎
水
最後加入牛油溶液

我用光波焗至脆身、幾得意、健康過食薯片呢！le個食譜係烹飪達人(Bowie)的。

香茅豬扒燕麥莱飯

營養師話我三高、点都要扮吓乖、食番一輪莱飯、最衰我唔係個鈡意計數的人、成日要計住点食同食幾多、真係辛苦過叫我死囉。

燕麥莱飯

燕麥飯加米煮好再捞入炒過之小棠莱。。。。。咁樣d莱唔會太黄

香茅豬扒醃料

香茅碎、蒜茸、老抽、魚露、椰糖碎、最後上粉煎熟、放回醃料d汁煮吓便OK。

虾多士

唉！本來一心整d虾多士食、点知覆診完營養師又話我今次血糖高咗、連胆固醇都高埋、整体都衰咗、唔知是否同我近日創意無限的甜品有關呢？

唯有做完又派街坊啦。眼看手勿動囉。。。。

南瓜蕃茄煲雞

Le個湯係我的手本名湯、每次我第一日返工必煲的、可配魚、豬、但我今次配雞殼、超好味！

南瓜用本地Ok嘞、不用刻意用日本或韓國、因為那些做甜品適合d囉。

西班牙豬扒芥末汁

Le個汁真係冇得輸。。。。

無論跟意粉或飯都yummy。。。yummy！

個芥末汁(自創的)有芥末、蜜糖、日式三宝(味淋、鰹魚汁、清酒、煮到微滚候用

豬扒自然解凍用盐鹵醃约一小時煎熟跟汁上

温馨提示。。。

盐鹵係日本醃味之調味、是用米同酒發酵而成、聽說用來調味或醃肉提昇肉之鮮味、用了它不用加其他調味。

生命是終結還是另一開始。。。。

近日在fb睇到一段po 文、曾經有位博士不是任何宗教人士、但親眼看見人在臨終時怎樣從身軀走出向着一道白光上升、所以佢認為親友在病人去世後不用太過傷心同不捨、因為離去並不是終結、只是係另一個開始！

这po文令我又開悟一件事。。。与其傷心、何不在世是時多点關注、因為緣份(無論何種緣份)、只在今生、那有來世呢？。。。。。善待今生就是我今天的覺悟。

現在我每天都醒覺一点点、就是希望这一生没有白走過。。。共勉之！

(來自網絡)

西瓜大莱糕

真無聊、玩到冇嘢玩、噚晚買咗半個西瓜食唔晒、打咗汁、部份做雪條、有些做大莱糕、再有些做成球型跟西米做糖水、一於玩盡佢。

亞婆特式豬扒飯

早两天買咗包冇添加的豬扒、應該安心d卦！

搅個特式汁

用牛油先炒洋葱、加芥末、蜜糖、黑椒、味淋、少少鰹魚汁、茄汁、水、慢火煮至洋葱淋、熄火候用

豬扒前一晚用盐椛(又叫盐鹵、日本用米同酒發酵而成的醃料)醃吓再上麵粉、我用光波焗香、跟白飯或意粉吃。

同埸加映。。。。光波焗豬手。。。。same sauce！