魔鬼的誘惑

不過。。。。我只做、哈哈、唔食嫁！因為重想上天堂見我两隻宝貝呢！

櫻花虾咸旦蒸肉餅

今日本來同太后出巡。。。。去洗头、点知天公不做美、只好乖乖留在家又玩答問遊戲啦！

新出品。。。。。櫻花虾咸旦蒸肉餅。

和師傅的茶聚

九零年代曾在明愛學習点心、轉眼間廿多年就過去了、師傅師母亦年屆八十、刚好今天入葛量洪睇眼科、約了两老飲茶及聚吓啦。

飲完茶顺道上我家閒談一會。

虾子海参

過年前有朋友送咗两件海参比我、由於我不大喜歡吃、所以一路冇整、今朝摷雪柜見到、一於用湯、虾子、蚝油煨咗佢啦。

櫻花虾炒雜錦

亂点駌鴦係我首本嘅技能。。。。哈哈哈！

材料當然有樱花虾、、其次有青豆角、蘿蔔干、沙葛(今次用咗馬蹄)、青紅椒

用來送飯都粥都唔錯嫁。

苟延殘喘

本篇文章全是個人对太后的感受、因而引起今天看見香港的前景、有感而發、完全没有任何政治成份。

感覺現在太后的處景巳去到油盡灯枯的情形、隨時熄机、什麽药物及說話对佢巳起不了任何作用、我甚至講到可能生cancer、叫佢比我休息吓都完全没有反應及接收唔到、一於你有你講、佢有佢继續講(應該在佢的世界中)、現在能做到的就希望陪到佢走最後一程、免得佢走時只得工人陪住咁淒諒就是吧。

同時香港今天的情形亦如她一樣、去到現在什麽人做>凸手<都一樣、由戴夫人仆街那天巳成局勢、去到今天这一步我亦套用>苟延殘喘<这句形容詞、覺得好恰當。

黑夜始終會降臨、生命亦有終結時。

(圖片來自網絡)

香茅醬爆雞球

昨日跟風搅咗個香茅醬、今朝又做番次睇吓如何先、賣相就唔錯、食完至知可否納入食譜中。

唯一就唔多喜歡太油、不過間唔中一次半次就無妨嘅！

星期六無聊之作

無無聊聊又諗d新莱式、今日刚收到係網上買到的櫻花虾、試吓好似釀節瓜甫咁、都唔錯、清清甜甜啱晒我d老人家。

跟住又用腐皮包着波蘿、青瓜、紅蘿蔔、黑豚肉(原裝係用牛肋條)、做幾條腐皮卷、個汁係日式芝麻醬+葡萄醋+蜜糖。。。。yummy！

咸肉蛋炒莱飯

為咗快d消滅嚿咸肉、今朝再做莱飯、不是今次加咗蛋炒佢、又别有一番風味！

醉雞肶

今午食醉雞肶、菜飯、蒸珍珠魷！

醉雞肶的做法。。。。雞肶一隻

醉雞汁配方。。。。紹興酒、雞湯、盐、杞子、當歸、水

煲好醉雞汁後、隔渣留水

雞肶加水浸熟後、浸入醉雞汁、雪過夜、斬件、淋上汁便OK。

海龍海馬煲蘋果瘦肉湯

有網友介紹我煲海龍海馬湯(去痰火核湯)、我立刻去買嚟煲吓啦、原來個樣都好鬼肉酸、亦不便宜、為咗身体、唯有當药飲啦。

上網介绍加入蘋果、南北杏同果皮瘦肉、希望到排到期時粒嘢會細咗。。。。唔駛抽组織驗吧。

麻辣生腸

今日做完物理治療、例牌又去買生腸、既然重有紅油拌莱料、一於用埋佢啦。

麻辣雞肶

昨天係觀塘廣場買咗樽麻辣紅抽拌莱料、又試吓扮整囗水雞、用咗一隻雞肶試吓、首先將雞肶用糖醃吓(大厨教咁樣可令冰鮮雞變成新鮮雞咁喎)

之後用水加塩、雞粉浸熟、候凍切件、淋上紅油麻辣汁、灑上花生碎同香菜。

生亦何歡、死亦何悲

現在我做人的心態亦如以上的標題、相比下我的好拍檔、好同學、我能活多她們成廿年、亦不枉此生。

早輪長者檢查日驗出頸部有粒嘢、轉介去九龍湾的衞生處中心去照超声波、原本下月才返去睇報告、但昨天叫我提早今天返去睇報告、心中巳感不妙、見完醫生再轉介回瑪丽约抽组織化驗、因那東西原來有3.68cm咁大(如果係鑽石就發達咯)！

冥冥中上天自有安排、亦不到我想点、都係那句。。。。。是福不是禍、是禍躲不過！

一切隨緣吧！

(圖片來自網絡)

咸魚雞粒豆腐煲

冬天至愛的煲仔莱、近年少吃咸魚、但久唔久都會忍唔住嫁。

薑汁紅棗糕

久違了的紅棗糕、今日心血來潮又做番幾底做人情先、不過今次加入薑汁、又試吓点。

材料

新疆大紅棗(淨棗茸約60gm)
原蔗糖150至200gm
木薯粉200gm
糯米粉20gm
米粉40gm
水(用糖煲完剩約800gm)

做法

首先將紅棗煲腍去核壓成蓉、糖加水煮溶、候凍加入三樣粉、過濾、加入红棗茸、分層蒸、每層约三四分钟(是乎大小而定)、蒸好後放雪柜、食時可蒸熱。

(以上食譜來自網友高Ling)

我今次加入约一湯匙薑汁

馬拉盞栗子炆腩排

素來鈡意試新嘢嘅我又玩吓新煮意。。。。。用來炆栗子腩排、超級惹味呀。

馬拉盞先用來炆巳飛過水之腩排、约15分钟後才加入巳剝皮之栗子、將近收汁才試味及加入少許老抽做颜色。。。正。。。。yummy！

去濕水

Le輪又濕又凍、搅到人都冇乜心情、今早買包去濕料>云靈白朮扁豆衣<加糖冬瓜煲约一小時半、去吓濕啦！

古法炆龍躉腩

上次嚿龍躉腩剩低咗少少、如果蒸又驚唔新鮮、一於炸完再用冬菇肉絲炆(通常这做法叫古法)！

個獻汁係蚝油、老抽、糖、水

鹵水墨魚生腸

做完物理治療又走咗去買生腸、今次加埋墨魚、一於鹵味上身、做吓戲院門口的鹵水亞婆先。。。。。嘻嘻！

成功了、可以開檔嘞。。。。。

我的午餐

今天煮咗金銀蒜粉絲蒸龍躉腩、馬拉盞蒸蛋、魚肉炒銀芽咸菜絲。。。。。好味！

週二的午餐

今日凍凍地、费事出街、煮定午餐等太后放學回家吃。。。。午餐係:

香煎獅头魚
亞婆瑞士雞翼
馬拉盞炒咸酸莱銀牙九莱

胃痛下之晚餐

今日個胃唔多掂、晚上煮碗九菜餃湯河、加碟自家制的馬拉盞、十分惹味。

咖喱蝴蝶腩

今朝見肉檔有件好靚之蝴蝶腩、心思思又想用咖喱煮咗佢、点知煮好試完味至記得係十五、唉。。。。又呃咗觀音嘞、唯有下次補返囉。

古法蒸大魚腩

今天又用另一方法蒸大魚腩、就係冬菇肉絲(古稱>古法<囉！

再加碟馬拉盞肉青炒翠肉瓜添。

馬拉盞新食法

噚日食咗成日粥、到咗晚上肚仔餓、諗吓食乜好、突然見到有個>咸豬仔包<於是又發吓奇想。。。。做個馬拉盞炒肉眼根(切條)夾咸豬。。。。出奇地好味。

2017之亞婆馬拉盞

原來对上一次整巳經係2014啦！見今次少少地就係电飯煲煮、効果都唔錯噃。

鹵水生腸

今早做完物理治療、無意中比我係西營盤見到檔賣本地豬的舖、買咗生腸、學人做鹵水生腸、果然唔錯喎。

材料

豬生腸

鹵水料一包(入布袋)

老抽、生抽、冰糖、紹酒、水

做法

將老鹵料入袋加埋其他先煲约45分鈡、豬生腸用羗葱出水、放入鹵水汁、(先煲腸头15分鈡)之後加入其他生腸再煲多15分钟。

簡單碟头飯

今朝要去做物理治療、返到屋企怱怱煲落我的至愛湯(龍骨蕃茄洋葱)、是但食個碟头飯、又趕出去發達(買六合彩)呀。哈哈哈！

Le碟係雜碎飯。。。。噚日用剩的瑞士汁、薯仔、雞搥、洋葱、香芹、红蘿蔔、炆完都唔錯嫁。

整牙日之晚餐

由昨晚開始驚、直至今早整埋牙套的下半part、好彩今日唔做得太耐、半小時搅掂、為咗怕整親個新牙套、中午同晚上都係食湯河就算、星期五再脱埋隻大牙脚就大功告成、唉！財散人樂、希望暫時唔駛再見牙醫吧！

虾膠炸釀皮蛋

前一陣係电視見到这新莱式、今晚見有親戚來吃飯、又玩吓啦！

皮蛋一只

虾膠適量

包好皮蛋

先轆過麵粉、蛋液、麵包糠

用油炸完、切件跟雞醬吃。