椰汁紅豆糕

Le個係經過改良的椰汁紅豆糕。。。。

材料有。。。。

大菜絲半両巳浸發(用一杯水煮溶)
粟粉一杯
糖230克
水一杯用嚟煮糖(煮完约有2杯糖水)

椰汁一杯

紅豆巳煮腍適量

做法……煲腍紅荳候用…………將大莱水同糖水開匀粟粉…之後加入椰汁……混合後边煮边搅成杰身……加入红豆……放入模中雪凍便可切件！

杏汁豬肺湯

自從印姐太忙之後巳經好耐冇飲le個湯啦！咁啱噚日係一田買咗包好正的巴庫(Bath)豬肺……聽講係有人係英國引進的本地豬……所以今日煲番個杏汁豬肺湯嚟飲吓！

放下与不捨

最近發覺原來自己開悟了！

以前佛家常言道人之所以有煩惱……皆尤於有不捨之心……亦对事物未能放下……本來四年前我巳無不捨之心……奈何未能放下……因為兩個字令我迷失……就係(執着)……近來發覺巳經連这兩個字亦漸漸放下……亦睇會到滚滚紅麈本無浪……奈何人心不足惹煩憂。

只要能將任何事不要看得太重……每一樣事情早有安排……既來之則安之……而且亦每一件事都不要去得太盡……这一生就不枉過了。

大孖豬牛羊醬炆栗子排骨

早輪去官塘行街街買咗樽豬牛羊醬……噚晚見雪柜有栗子同飛排……試吓炆嚟食……味道都唔錯……不過一般炆餸醬汁總離不開麵豉……柱候之類……这種咁濃味的食物……偶然一次就OK……对於我地班老人家總不太好吧！

一封寄不出的信

宝宝。。。。今天是妳的生日(如果妳還在的話)……足足十年嘞……我並不因妳的離去而有所遺忘……當年帶妳回家的情景還歷歷在目……多謝妳係我最無助的時候陪伴着我渡過……現在想必自由自在……遠離病痛……同細佬Sam Sam係彩虹橋上愉快地生活着。希望有朝一日我地能再重遇吧！

媽媽
2014.6.24

全魚午餐

今朝買咗條鯇魚腩……一個人点食吖……所以一魚兩吃……食得健康又安心！

就係。。。。

蕃茄荳腐魚湯

肥媽介紹的破布子辣椒蒸魚腩

都唔知破布子係乜……應該係植物的種子……酸酸地都OK。

黑欖莱虾仁炒飯

早輪買的黑欖莱又大派用場……今朝加咗蛋……虾……彩椒……炒咗碟七彩的炒飯！淨睇個色都正啦！哈哈。。。。。。

無聊孤獨餐之荷葉蒸虾乾滑雞飯

今曰落雨冇出街……呆在家蒸咗两底黑糖馬拉糕比人……到咗晚餐就冇乜胃口……是是但但用塊乾的荷葉蒸個飯就算啦！

係雪柜拎幾嚿雞……同浸咗少少虾乾一齊蒸……出嚟的効果都唔錯。

銀緬

Le兩日日日搅銀緬醬……豉油浸銀緬……椒醬肉……因為。。。。。。我買咗10斤呀……真係好誇張呢！

第一款係銀缅醬

材料有1000克銀緬……冰糖大约700

做法就將银缅洗淨拍碎……之後用冰糖好似煮果醬咁煮就得……全程不停慢火推煮(不用加水)……大約20分钟

第二款係豉油浸銀緬

材料有1000克銀缅……靓豉油1000ml……冰糖1000克

做法就將银緬拍少少(開口就OK)……洗淨先用豉油浸2小時……之後隔去豉油……將银緬放進巳消毒之玻璃樽……再將豉油加冰糖煮溶……候凍……加入银緬内浸2日(雪柜)……便可食用

第三款係經過我改良之椒醬肉

材料有……银緬……子薑……肥肉……虾米……指天椒……麵豉……片糖……水

做法係將以上切粒……再煮成杰身之醬……

温馨提示……尤於以上没有防腐劑……煮好一定要放雪柜……以上各款可獨立食用……蒸肉……魚……或炆餸用

煎鴨肝沙律莱

唉！今次真比佢玩死。。。。。

星期日見未曾自己煎過鴨肝食……諗住細細片跟沙律莱食啦……点知一食完就出事嘞……當晚巳經疴幾次……噚曰重死火……整日陰陰痛……原來搅到腸胃炎……都唔知係沙律莱有事定鴨肝肥得滞……總知一句到尾。。。。。下次咪搅我！

好彩食完兩曰葯有好轉……明天希望參加到個海鮮聚會啦。

沙茶皇豬頸肉炒米粉

今日簡簡單單炒碟米粉就算咯！

早幾日買咗咁多樽沙茶皇……一於用盡佢啦！

同塲加映。。。。。。

欖莱豬頸肉

拎嚟送白粥無得頂！

官塘一日遊

噚日約咗朋友去官塘大孖買醬料……又去埋沙茶皇的批發買咸莱……滿載而歸……買到車都爛埋……之後重去埋德福打边爐至返歸！

炒素螞蟻上樹

唔覺唔覺又到咗十五齋期……今朝炒咗碟素螞蟻上樹……材料除咗有粉絲……雞肶菇……莱甫……重有紅椒……調味係素蚝油……麻辣醬……老抽同水！十分簡單

蒜茸乳酪焗意粉(Casareccia)跟煙肉帶子卷

今日又嚟玩吓亞婆西餐……亂咁配搭……不過好味囉。嘻嘻！

材料

加拿大帶子幾隻
煙腩數片

意粉適量……用水烚7分鈡

雞肶菇一隻切片

乳酪1/3杯

芝士碎少許

蒜茸牛油適量

做法

带子用煙腩包住煎香候用

意粉飛水後用蒜茸牛油同雞肶菇炒過……加入乳酪兜匀上碟……放入帶子卷

再淋上乳酪及灑上芝士碎焗片刻就OK

再嚟荷葉飯

噚日入新界攞咗成十塊新鮮荷葉返嚟……真係平好多……5/蚊塊咋！继續荷葉餐！

今次d料好豐富……除咗瑤柱……冬菇……雞肉……鮮虾……重有最惹味的八爪魚……香到吖。

迷你珍珠雞

真老套……見人地酒樓用d紙包住荷葉嚟蒸……唔知係唔係用錯紙……明明未蒸前好靚仔……蒸完變咗爛溶溶？？？？
心得就是但用乜煮個饀都得……至重要係多汁……否则太乾(好似我個荷包咁就死火)……我今次個餡有冬菇……瑤柱……雞肉……虾米……同咸旦王！糯米要先浸再加盐油蒸熟至包。

陳皮鴿

Le個餸我曾經成日煮……但自從有咗胆固醇之後唔多敢啦……攞嚟送酒或送飯真係好正嫁！

材料

乳鴿一隻斬件

醃料

酒……豉油……生粉

配料

果皮……乾葱……本来用草菇但我改用咗韓國菇……指天椒

調味

糖……老抽……蠔油……水

做法

最好乳鴿走油(怕肥可飛水)……先爆配料……回镬乳鴿……調味……炆到汁液收杰身便上煲。

温馨建議……如不食乳鴿可改用雞件或鴨……但味道可能唔同咗！