2016年4月30日 星期六

朱古力小蛋糕

今早我參加咗老豆弟弟們的每月飲茶例會(而家只剩下两個亞叔及一個姑姐)、其他都仙遊晒啦!除咗姑姐比較健康、其餘的两個亞叔都住在護老院、唉!

見佢地一個月才出來一次、所以做咗幾個小蛋糕比佢地食吓啦。其實佢地同太后都排緊隊去見我老豆咯(係事實、亦好無奈)╮(╯_╰)╭








2016年4月29日 星期五

咸酸菜炒蜆肉

好耐冇整過、今晚又炒番碟送粥、唔錯!

材料

蜆肉、咸酸莱、九莱、蒜片、豆豉、

調味

生抽、糖、古月粉

生粉水少許




光波燒排骨

今日改焗排骨、醃料同叉燒一樣、

先用糖加玫瑰露醃1/2小時

再加蒜茸、叉燒醬、蚝油、老抽再醃過夜、
之後用光波焗熟。





2016年4月28日 星期四

琵琶豆腐蛋餅

本來係想做琵琶豆腐嘅、点知水得滞……變咗蛋餅囉。

材料

鯪魚肉、果皮、雞蛋、豆腐、芫茜、葱、生粉

調味

古月粉、盐、糖、

以上全部顺時针搅至起膠、唧出(本來)球形、中大火炸至香脆、回鑊加少許颜色(老抽、蚝油)及水炆片刻便可上碟。




2016年4月27日 星期三

靚婆婆燻魚

好耐冇整燻魚、今日又玩吓啦。

材料

鯇魚腩幾片(其實用魚中間至好、因為無咁易爛、但腩就滑d、隨自己喜歡啦)

醃魚

老抽、古月粉、薑汁、生粉

調味汁

芫茜、葱、薑、老抽、酒、糖、镇江醋、水、

煮至出味隔渣候用

炸魚至焦黄拎起浸入煮好及巳隔渣之汁两三分鈡再拎起、回镬、葱粒、芫莤、魚、赞酒、加入少許煮好之汁、快手兜匀上碟






2016年4月26日 星期二

韓醬炆雞

今日大胆地搅搅新意思。。。。用韓國辣醬加梅香咸魚炆雞、竟然出奇地夾、食咗两碗飯

材料

雞半隻斬件(加薑汁、古月粉、盐、生粉醃片刻)

調味

韓國辣椒醬、梅香咸魚、生抽、糖、水

其他配料

葱、乾葱、片

做法

用油先爆配料、加入雞件、煎吓、加入調味、炆至汁液杰身便OK。

送飯一




廣告日

人地迷人Pink Lady、 我就迷人Pink婆婆!

哈哈哈。。。約咗人去九龍城入貨、又做咗幾件英式鬆餅。。。。送比人!




2016年4月25日 星期一

光波焗叉燒&豉汁排骨炆節瓜

今早因為要同太后返馮堯敬手術後評估、所以一早搅掂d餸、一番嚟煲飯便OK!

係光波焗叉燒同豉汁炆節瓜飛排。




2016年4月23日 星期六

止咳湯。。。非洲海底椰煲瘦肉

非洲海底椰係至正宗的海底椰、所以價錢比較貴、但对於久咳用來煲湯係唔錯的選擇。

材料

非洲海底半両
瘦肉
玉竹
百合
無花





麻辣云耳

早两日浸多咗d云耳、费事放太耐在冰箱、一次過調咗個麻辣汁、做碟冷盤啦。

材料

浸發云耳(貓耳朵)適量

飛水後隔去水份、捞入麻辣汁

麻辣汁

蒜茸、麻辣豉油、镇江醋、糖、水、麻油、雞

無聊之作

噚日無聊之下做咗多碟新搅作。。。。。

有炸墨魚虾丸、同银芽蟹肉炒蛋、再加多碟駌鴦粉絲。





2016年4月22日 星期五

亞婆担担麵

今天終於買齊料、做碗(唔知正唔正宗)的担仔麵!

材料有。。。。

拉麵、芽莱、青瓜、紅蘿蔔、肉碎

調味料有。。。。

荳板醬、糖、麻辣油、豉油、香醋、花生醬、麻油、水(先開勻)

雞湯

做法

將麵同芽莱灼熟放碗中、鋪上材料及調味、再將大滚的湯撞入便可進食。







思巧人生

近日有見朋友及親戚中相继的離開、突然有感而發、人老咗原來点解會有抑鬱症、大多數人離不開。。。睇唔開、太多盼望、回報不如自己期待、往往做成諗埋一边。。。。唉!所以人永遠唔可以停留在過去、應放手時就放手、做個快樂的老人才是。

尤其是晚年、明知夕陽無限好、雖然係近黄昏、見醫生多過見朋友、就當而家醫生係男朋友囉。


2016年4月21日 星期四

黑醋排骨莱飯

噚日用黑醋同糖、豉油醃咗d腩排、今日用光波焗咗嚟送比人、順便跟埋菜飯添!

食起應該冇咁肥膩卦?




泰式沙律

又到咗沙律的季節。。。。。

材料

青芒果(泰國)
巴樂(台灣番石榴)

去皮切條、再用熟水洗過、隔去水份雪凍

泰式汁

泰國雞醬、椰糖(加水煮溶)、蒜茸、指天椒、魚露、青檸汁(份量因應自己囗味調教)

食時才加入汁料

可改蘋果條(切後要浸塩水以防變黑)、亦可加入花生碎或柚子代



2016年4月20日 星期三

冒牌上海莱之毛豆百頁結

見有d毛豆剩、噚日特登走咗去鵝頸附近的南貨舖買咗咸肉同百頁結、煮碟冒牌上海莱(因為本身未學過)一於靠估咋、哈哈。。。。

我的做法如下。。。。。

首先將云耳浸發後飛水、毛豆同百頁先後飛水候用、咸肉煲熟切片

先用蒜片爆過咸肉、落毛豆、云耳、兜過加入百頁、落雞湯、水、盐、糖、炆片刻、先拎起百頁結、免煮得鬆開個結、再煮至毛豆同云耳入味再兜匀百頁结便可上碟。

之後加埋莱飯做午餐添



2016年4月19日 星期二

新派婆婆中日韓毛豆炒蟹

今日見花蟹平少少、又攪吓新花臣。。。。

材料

花蟹2隻斬件上粉走油候用

配料

上海毛豆、素雞(原裝係用上海年糕)

調味汁(自創的)。。。(中的有)豆板醬、茄汁、老抽、糖、酒、(日的有)味淋、(韓的有)韓國辣醬。。。加少許水

以上醬汁先混入加油先爆吓毛豆及素雞、跟着落埋走過油之蟹、加少許水炆一陣、煮好後上碟。



2016年4月18日 星期一

亞婆炒飯之。。。咸魚翻生

哈哈哈!le個咁特式的名係FB的網友幫我改的。。。。

佢d想像力真係好豐富呀。。。因為材料除咗有蛋、咸魚、蕃薯、重有生菜絲、我做煮嘅都諗唔到添。

承佢貴言、食完就咸魚翻生啦。




Related Posts Plugin for WordPress, Blogger...