今早我參加咗老豆弟弟們的每月飲茶例會(而家只剩下两個亞叔及一個姑姐)、其他都仙遊晒啦!除咗姑姐比較健康、其餘的两個亞叔都住在護老院、唉!
見佢地一個月才出來一次、所以做咗幾個小蛋糕比佢地食吓啦。其實佢地同太后都排緊隊去見我老豆咯(係事實、亦好無奈)╮(╯_╰)╭
今早我參加咗老豆弟弟們的每月飲茶例會(而家只剩下两個亞叔及一個姑姐)、其他都仙遊晒啦!除咗姑姐比較健康、其餘的两個亞叔都住在護老院、唉!
見佢地一個月才出來一次、所以做咗幾個小蛋糕比佢地食吓啦。其實佢地同太后都排緊隊去見我老豆咯(係事實、亦好無奈)╮(╯_╰)╭
本來係想做琵琶豆腐嘅、点知水得滞……變咗蛋餅囉。
材料
鯪魚肉、果皮、雞蛋、豆腐、芫茜、葱、生粉
調味
古月粉、盐、糖、
以上全部顺時针搅至起膠、唧出(本來)球形、中大火炸至香脆、回鑊加少許颜色(老抽、蚝油)及水炆片刻便可上碟。
好耐冇整燻魚、今日又玩吓啦。
材料
鯇魚腩幾片(其實用魚中間至好、因為無咁易爛、但腩就滑d、隨自己喜歡啦)
醃魚
老抽、古月粉、薑汁、生粉
調味汁
芫茜、葱、薑、老抽、酒、糖、镇江醋、水、
煮至出味隔渣候用
炸魚至焦黄拎起浸入煮好及巳隔渣之汁两三分鈡再拎起、回镬、葱粒、芫莤、魚、赞酒、加入少許煮好之汁、快手兜匀上碟
見有d毛豆剩、噚日特登走咗去鵝頸附近的南貨舖買咗咸肉同百頁結、煮碟冒牌上海莱(因為本身未學過)一於靠估咋、哈哈。。。。
我的做法如下。。。。。
首先將云耳浸發後飛水、毛豆同百頁先後飛水候用、咸肉煲熟切片
先用蒜片爆過咸肉、落毛豆、云耳、兜過加入百頁、落雞湯、水、盐、糖、炆片刻、先拎起百頁結、免煮得鬆開個結、再煮至毛豆同云耳入味再兜匀百頁结便可上碟。
之後加埋莱飯做午餐添
今日見花蟹平少少、又攪吓新花臣。。。。
材料
花蟹2隻斬件上粉走油候用
配料
上海毛豆、素雞(原裝係用上海年糕)
調味汁(自創的)。。。(中的有)豆板醬、茄汁、老抽、糖、酒、(日的有)味淋、(韓的有)韓國辣醬。。。加少許水
以上醬汁先混入加油先爆吓毛豆及素雞、跟着落埋走過油之蟹、加少許水炆一陣、煮好後上碟。