Football Club ~生日Buffet

今天中午朋友請我去吃自助餐、这朋友大家相識超過半個世纪、由當初一同住在宿舍直到外出租屋同住、英國回歸後一直交往到今天、難得在大家『倒數』的日子裡都能互相慶祝生辰（因她在九月头而我就在九月尾）真是緣份呀🥰

希望大家都有着健康的身体、一直慶祝往後的生日吧🤝

土瓜灣午餐

这個星期很多飯局、昨天又有朋友過來同我预祝生日、我们係土瓜灣一間茶餐廳食個set lunch就算、我們兩份午餐共$118、都唔錯、有例湯、凍飲、每一份主菜、佢叫泰式豬扒飯、我就食煎黃花加少少白飯😚

她還比了封大利是我添、真是大豐收呀🤭

可能我平時人緣好、有很多爱惜我的朋友🥰

AI修圖照片

昨天有位朋友學左AI修圖、幫我搅咗張『皇后相』、雖然唔係好似、勝在好好玩、真搅笑🤭🤭🤭

红樓午餐

今日又同『老正』班為食鬼聚餐、我哋定時都會聚一聚、係鑽石山站那間红樓飲茶、今次六個人食咗$555（好特別）、每人$93、之後每人再夾多$20、夾份買超级『金多宝』、希望過一個『金中秋』（發定白日夢先）🤪🤪🤪

之後再去『老正』有份搅的賽馬會學藝再玩計劃展覽、参觀完便各自回家去、又一個愉快的半天遊

我的「初信班」终於畢業了

自從去年「決志」之後、參加了教會的初信班、為期一年、昨天終於畢業了、雖然到咗现時還有很多道理同聖经未很明白、但在这一年中從聖经中參透不少大道理、感谢天父对我的憐愛和包容、下個月升班了🙏

薯仔咖喱雞翼

之前買的雞翼、分了幾包、昨晚用了包（6只）雞中翼做少少咖喱

今次用1隻薯仔、1/4只洋蔥、椰汁、濕咖喱、黃薑粉

做完隔一晚至食才會好味d、

可配法包式白飯

新派炒飯

而家胃口細咗、唔食得多、今早蒸咗半碗白飯、用咗個新炒法！

材料除咗白飯、蘑菇（切粒）、蛋白、咸魚（我用馬友、先蒸後拆肉）葱粒、蟹籽、调味用美極、整碟飯用牛油嚟炒、感覺上都算幾新穎嫁😋😋😋

新菜式:蜜汁茄子卷

今早用咗茄子创片、捲入肉碎虾膠、再上蛋漿同生粉、半煎炸熟、再用個蜜糖獻（蜜糖、老抽、糖）兜勻、再灑上芝麻、便可上碟😚

肉絲炒麵

今早見雪柜還有炒麵、分別炒了两碟、有冬菇的是自己、沒有冬菇的是鄰居（因她不喜欢冬菇）

金銀蛋瑤柱炒飯

今晚見有番少少胃口、因為朋友介绍我食「益生菌」、話对腸胃好好、我昨天買咗兩星期的份量、試了两天、似乎有少少幫助咁😅

这炒飯將蛋王同蛋白分開炒、所以炒完便好分明、瑤柱蒸腍撕開、用少少菜莖切粒、炒完顏色會靚一些

欖角炒白茭筍

今早買咗白茭筍、用少少肉片、红蘿蔔片、加些欖角（昨天用甘草、陳皮、糖蒸過）、炒一小碟送飯食

同場加映海參、花膠、羊肚菌燉湯

蜜糖欖角一字骨

今天係fb見有網友分享一碟類似的一字骨、我心思思又想試吓做、於是上網摷吓個食譜、見「三姐」係午間小敘示範類似的、胆粗粗又玩吓啦

原來「三姐」教人用甘草、陳皮、糖先蒸吓那些欖角（1個钟）、我用高速蒸半小時、之後拎起候用

一字骨先醃（糖、古月粉、雞粉）、之後用蛋白、生粉、炸熟、拎起、再落冰糖煮溶、加入蜜糖、回鑊一字骨、赞少少老抽（令上色）、蒸過之欖角、便可上碟

自制燒賣

前幾天係荃灣買咗半斤「燒賣皮」今早試吓做少少、準備送比人同留幾粒自己食😚

材料只用虾膠同免治豬肉

用咗少少咸蛋王做点綴

紫薯西米糕

前两天買到的紫薯、今次不做月餅餡、改咗做甜品😋

先將紫薯去皮切片、加入椰汁同糖、蒸腍加水用搅拌机搅勻、加入西米煮到杰身、再放入器皿蒸到成糕狀、凍後放雪柜、拎出切片進食

我今次冇量正確份量、一味靠估、但都ok

涼瓜雞球脆脆麵

昨天中午吃完素自助餐、感覺還是很飽、所以沒有吃晚餐🤔

今天跟就煮原本昨天準備的食材：涼瓜雞球脆脆麵

先將麵出水、將小部捲好後用油炸脆放碟边、之後炒涼瓜片雞塊、落调味（蚝油、老抽、糖、湯、生粉水）之後便可上碟

荃灣『自助素午餐』

今天约了一位認識咗差不多八至九年的網友見面、上次見佢時是還未搬來九龍、加埋三年疫情、今次是第一次再見、佢帶咗我去荃灣沙咀道的一間素食店食自助午餐、出品唔錯、原來今天是齋期、所以貴咗少少、味道ok、勝在夠熱、我們天南地北地分享幾年發生的事、希望很快會再見面啦！

多謝她請我午餐、佢講预祝我生日喎🥰

薑蔥魚头/魚卜煲

昨天剩下的一半鲩魚头同魚卜、今早就整個沙煲魚头吧🤪

原本今早約了一位朋友去飲茶、但半夜開始巳经很大雨、又打雷、所以一早起身便取消了約會

首先將魚头略為煎吓（加盐、胡椒粉、生粉）、魚卜飛水、薑葱在沙煲先爆吓、加入魚头、魚卜、调味（雞湯、蚝油、老抽、水）略炆、熄火後再放少量葱即成

炸魚+魚头湯米

今早臨去查经班前入街市買咗幾個鲩魚头（因為平些）同魚卜、返到屋企先炸咗一早解凍的cod魚柳（自己做脆漿、麵粉+發粉同水）、之後將一半的鲩魚头煮成魚湯、放學後煮個米粉、芫茜、蕃茄、加入巳煲好之魚湯便ok、其餘的一半魚头同魚卜、準備做薑葱魚头煲😚

『韓國蕃薯餡』迷你月餅

今早買咗包韓國蕃薯（黃心的）、又試吓個曲奇餅皮

餅皮：

低粉150gm

糖粉34gm

蛋1/2只

吉士粉12gm

軟身牛油大的80gm

(做到大約6至7只）

餡料：將蕃薯蒸淋搓成球狀

可包入麻糬（將糯米粉加椰汁、糖、水）蒸好搓成粒粒、用蕃薯餡包入一粒麻糬

香煎魚柳飯

今早入廣場的大快活買完外賣早餐後、顺便逛吓超市睇吓有乜賣、原本想買盒日本的雞扒做「雞扒飯」、可能近日日本的不好消息、全沒有了、所以買了包急凍cod魚柳、想做炸魚(fish&chip)、諗諗吓又怕嘥油、就不如用煎的方法吧

做法：先將魚柳解凍、片開兩片、吸乾水、加入黑椒碎、胡椒粉、盐、雞粉、先醃、臨煎時加入蛋漿、麵粉、用牛油煎熟放碟上、加入少少白飯就是、今天忘记放少少疏菜之類伴碟

乾炒牛河（下午茶）

昨天下午係土瓜灣的一間茶餐廳食咗一個下午茶（前身係金港）、出品唔差、只吃了1/3、其他剩低的打咗包當晚餐、$43/包飲品都算唔太貴、相比今早的麥記魚柳早餐$33、覺得比麥记抵囉😅

『一则題外話』、前两天因香港黑雨的话题上同一位鄰居有不同的睇法、大家有咗少少拗撬、所以这两天都沒有見面同谈话、其實自從信主之後我盡量在某些事情上少發表自己的意見、那天不知為什麼突然失控、可能黐咗線！🤭

自從2019年之後我少交咗新朋友、就算有亦不會「深交」、因為不想有太多的是是非非、我常用一句話來形容：打碎了的杯、癒合了始终不會還原、与其这樣不會同「淺交」的朋友有太多的交集😚

黑椒椰菜豚肉卷

今早落超市買豚肉片、諗住去完教會返屋企做幾條豚肉卷跟白飯食、点知忘记了買金菇、回到家有少少椰菜、變咗捲椰菜絲🤪

由於椰菜比較硬身、所以煎完肉之後加入少少湯煮一陣、最後調教一個黑椒汁淋上面就搅掂（黑椒汁：黑椒碎、老抽、生抽、糖、湯、生粉水）

椰菜花飯

之前聽说这飯又健康、又低脂、所以今天晚上就做了一碟嚟試吓

材料：

椰菜花用搅拌机打碎

红蘿蔔一樣

雞柳肉一樣

雞蛋拂勻

做法：

红蘿蔔同椰菜碎先用白鑊炒過

、落油再炒雞肉、落一湯匙湯、塩、雞粉、最後加入雞蛋快手兜勻便可上碟

百年難得的壞天气

昨天晚上開始掛上黑色暴雨的气象、今早一覺醒原來連公共汽車及任何交通工具都沒有、如同掛八号風球一樣、後來才知因為深圳昨晚「排洪」、導致香港多區水浸、地铁、隧道、低洼地區、尤如汪洋一片、香港百年難遇的一天！

到了下午雨是細了、、但未取消「黑雨」、到咕三点幾過廣場逛一陣、大多数舖沒開、只有食肆同超市、街市有開、去咗茶皇殿叫了碗双拼湯河粉及碟蘿蔔糕、茶錢、又加一、又外賣盒、埋單變咗$102、一点都唔平、而家生活真難過吧🥲

十年一覺揚州夢

醒來一切巳成空🤔

这是我最近睇得通的句子

昨天在教會分享我「決志」後的改變、並提及我今年十二月受洗、將會立志跟隨「基督」渡餘生、其實回顧之前的三十多年日子裡、我眼中只有母親（我的養母）、從我決心跟隨「基督」之後、我現在的眼中只有「神」、以前的我脾气颇大（现在只好了少少、希望往後的日子、聖靈能令我徹底的歸向我的天父、成為一個善良的人吧🤔

海參花膠冬菇鮑魚煲

早前叫人幫我發咗半斤海參、原來小小一條發起都幾大、今早買咗少少花膠筒、加幾只冬菇、四只大連鮑魚、又唔錯喎😋😋😋

見月头兼生日月、加上年纪大需要多些骨膠原、唔喜欢都食少少吧🤔

年青時我至怕这滑嘟嘟嘅食物、而家年紀大需要補充骨膠原、沒法啦😅

薑葱生蚝煲

今早落山去「洗被」、顺便行吓街市、買咗一罐台山蚝$70/10只、原來这蚝煮完都冇變細、唔錯！

做法：

先將蚝用生粉洗吓、冲水、之後拖下水、再加盐、古月粉、生粉醃吓、略煎、拎起候用、

準備汁料：雞湯、蚝油、老抽、糖、（少少生粉水後下）

沙煲先放入部份薑片、葱、舖上生蚝、再加入汁料、蓋上蓋略炆片刻、最後加入生粉水、餘下之薑蔥、熄火焗三分钟便可進食

同鄰居開餐

係旺角街市買咗龍躉骨、今晚用南瓜蕃茄煲咗佢、再蒸陳皮金古、加多碟涼瓜雞片、同兩位鄰居一齊開餐、咁又快快樂樂開心share啦😉

豉汁蒸排骨

雖然『蘇拉』走咗、但形然是八号風球、聞说中午才會落晒d 風球、雖然今次冇『山竹』咁勁、但都唔少嘢、昨夜逃過一劫、事緣昨晚洗碗期間、突然嘭一声、以為跌了什麼東西、原來鄰居对我講、妳睇、抽油煙机個膠殼成個因大風飛脱落我腳旁、好彩只係飛落在腳旁、險些飛咗落头就可能受伤啦、真的要講句：感謝主！

今早食少少飯、蒸咗碟：豉汁蒸排骨

八号風球下之午餐

今天又打八号風球、聞说这個風重勁過六年前的「山竹」🤔

原來「山竹」唔经唔覺巳经過咗六年咯、这個風亦是我同奶娘的最後回憶

今日打咗少少豬肉丸、加幾只冬菇、白菜、煮碗湯、食半碗飯就是😄